مالت علي الفين مره :eh_s(13):

[Vouge]

رد : مالت علي الفين مره :eh_s(13):

اذا ما سمعها منج .. بيسمعها من غيرج
بحرام اذا كان ردي و بحلال لي كان يخاف ربه


حطي هالشغلة في بالج

 

[*ريما*]

رد : مالت علي الفين مره :eh_s(13):

محد بيخرب بيتك الا انتي
الله يهديك

 

[حبـ admant ـك]

رد : مالت علي الفين مره :eh_s(13):

الحل عندج
محد يقدر يعطيج حل حبيبتي
انتي عارفه نفسج
والريال له حدود صبر وااايد
وقال لج بويهج دفشه والريال متزوج يبي وحده تدلعه وتداريه مو بس هات وهات
المفروض حتى لما تطلبينه شي تقولين له بدلع عشان يستانس
وفي شي نبهتيني عليه ليش ماتبينه يجوفج وانتي نفاس !!
اول مره اسمع النفاس مايجوفها ريلها
خليه يجوفج شدعوووه قعدي معاه وخليه البيبي يقعد معاه
خليه يحس انه اب
فكري في كلامج مره ومرتين تره بتضيعينه من يدج

 

[هاناا]

لا تزعلين من الي صار

اغلب الرياييل يتصرفون بنفس طريقة زوجج

اذا انتي ما تعرفين تقولين كلام حلو دزي له مسجات غزل

يعني كسري الحاجز شوي شوي

عشان يذوب الثلج

و يرجع يقولج كلام حلو و تقولين له كلام حلو

 

[مدام زيزو]

رد : مالت علي الفين مره :eh_s(13):

تصدقين وانا اقرا ودي اهفج كف
شفييييييج تبين الريال يروح يدور الحب مكان ثاني؟
كوني حق زوجج العشيقه قبل الزووووجه

 

[ملكهـ علي عرشي]

رد : مالت علي الفين مره :eh_s(13):

السلام عليكم ورحمة الله وبركاته
حبيبتى لاتزعلين نفسج ولاتاذين عمرج انتى بنفاس ..
تدرين شنو مشكلتج .. ؟
كلمه وحده عبري فيها عن مشاعرج .. لاتخبين مشاعرج ولاتستحين منها او تقولين انه ماراح يقابلها بمشاعر مقابله
حبيبتى .. الى حسيته منج انج حساسه وايد .. وتدققين على الكلمه لاء وكلشي تبينه بيرفكت .. اول مره اعرف انه المره مولازم يجوفها ريلها بنفاس ..؟ ليش؟

عودى نفسج على الرومنسيه النعومه ماتعرفين جوفي القسم اخذي افكار منهم
عندج فرصه الحين تغيرين نفسج .. تصيرين له عروس من يديد بكل شي متغيره من برا وداخل

والله يخليكم لبعض ويسخرلج الامور
ويخليلج ماياكم امين
​

 

[وافرر]

حبيبتى الله يعينج انا من رائى تغيرى بس مرررة وحدة
لا تغيرى بالتدريج يعنى مرة قولى كلمة حلوة تالى خلها كلمتين ووووالخ

 

[!الجادل الصعب!]

رد : مالت علي الفين مره :eh_s(13):

مشي الامور بعفويه .. وآمسكي الرجآل قبل لآ يروح وبعدين العبره هذي الي خآنقتج بتصير صيآآآآح ..!

 

[ام ميدوو]

أنا مع كلام الاخت والله يسهل علي الكلام الحلو ويطلع وانا اختج

انتي تلحلحي شوي وخلي الكلام بطلع

أنا مستعده أعطيج دروس خصوصين

الله يوفقج يااااارب



حبيبي وعمري ودنيتي وقلبي وحياتي وغيرها من هالكلمات كل ماقلتي كلمه منهم وفرحت قلب زوجج ربي يآجرج



عطيه عسل يعطيج شهد

عطيه شوك يعطيج علقم


انتي اختاري حياتج شنو تبينها تصير

ومثل ماقلت لج دام انج نفاس تجرأي اول شي بالمسجات دزي كلام حلو ودزي احساسج الخاص ولالالالالالا تعاتبين كلش ابتدي صفحه يديده

تركي عنج العتب لان من البدايه انتي الغلطانه مو اهو

وبعدين شوي شوي راح تلقين نفسج تتجرأين ويصير هالكلام روتين بلسانج[/quote]

 

[xprincessx]

رد : مالت علي الفين مره :eh_s(13):

الحل بإيدج حبيبتي
و عادي يمديج تتغيرين

 

[جيرمني كيك]

رد : مالت علي الفين مره :eh_s(13):

الله يهديج حق زوجج ويهدي زوجج لج

 

[* بنت المطر *]

اي والله مالت عليج _ في وحده تلقى زوج جذي وتخربه والله لو انا مكانج لشبعه كلام حلو ورومانسيه دام يبين بعينه ويستانس

اصلا وناسته بكلمة حبيبي المفروض تشجعج وتجراج بس انتي الظاهر ماتحبينه !!!!!

 

[وزيره الخارجيه]

البنات كفو وفوو بس حبيت اضيف شغله ادعي ربج بانه الله يحبب زوجج فيج اكثر ويسهل اموركم ويفك عقده لسانج ووووو

والله يهديج لزوجج ويهدي زوجج لج ويسخر بينكم

 

[عيون ملكيه]

رد: رد : مالت علي الفين مره :eh_s(13):

بقولج شغله بس ركزي فيها عدل ...

عادتا هلمشكله مايعانون منها الحريم الرياييل اهما الي ايعانون منها .. ليش ؟

لان الريال بطبيعته جاف اكثر من المرا المرا تكون حنونه اكثر وحساسه اكثر .. ومشاعرها مثل الغصن الي يميل مع الهوا واتجاهاته ... والريال جنه الجذوور ثاابت بالارض ولا يتحرك .....

ليش الريال يحب المرا ؟ وليش الريال مايلفت نظره الريال نفسه ؟

لان المرا تكون مختلفه عن طبيعته تماما

اهوا خشن .. اهيا ناعمه ...

اهوا مشعر .. اهيا ملسه ...

اهوا جاف ... اهيا لينه ...

اهوا دفش .. اهيا رقيقه ..

علشااااااااااان جذي يحب الريال المرا .. بس لمن تكون المرا فيها من صفات الرياييل يعاملها على انها واحد من الربع ... فهمتي علي؟؟؟

شفتي انتي شنو بعينه الحين؟؟؟

الدفاشه والجلافه بالمشاعر والتعابير ماتفيدج ..

بس اقولج شي ؟

اعتقااادي ان هلشي مكتسب من اهلج .. شلون

لان غالبا اليهال الي يعيشون على انهم يكبتون مشاعرهم يصيرون جافين بحياتهم ... يعني وانتي صغيره يمكن ماياتج الفرصه تقولين حق ابوج احبك .. او يما ترى انا وايد احبج ... يبا انتا حبيبي .. يما انتي حبيبتي ..واهما ماكانوا يقولون لج هلحجي ... فا تعودتي تكبتين مشاعرج ... والمشاعر بالقلب عندج .. مو خاليه منها بس تحتفظين فيها .. هذا التعامل مع الاسف اهوا السايد بزمنا ..مو بزمن عيالنا وعيال عيالنا لان الحين الحمدالله الكل واعي ومشالله الناس قامت تحاول تعلم الطفل من واهوا جنين .. ويهتمون بحالته النفسيه والاجتماعيه ..

نرجع حق كلامنا ... اغلبنا ماعبرنا عن مشاعرنا واحنا صغار ومراهقين ... بس كلنا ننقسم حق نصين

النص الاول الي ايطبق الي عاشه افبيته ...والشق الثاني الي ايحاول ايعدل الاخطاء والنواقص الي عاشها افبيته ...

فا حبيبتي ... خلج من الشق الثاني لان اهوا الواعي ...

صدقيني ماكو ريال مايحب الكلام الحلوو ... وكلام الحب ...
خلج ناعمه كل العرايس ولي صارلهم كثرج متزوجين السانهم ماكو احلا منه .. تحسينهم كتاكيت .. وبنات .. خلج مثلهم ...

خلي الكلام الحلوو دايم على السانج ... وحبيبي وحياتي فديتك .. احبك.. وياكثر الكلام الحلو

ترى الكل ماكان متعود يقول هلكلام بس الكل يضغط على نفسه بالبدايه بعدين بتشوفين الكلام يطلع بمنتهى السهوله ...

بس لازم تحلين السانج وتعودين نفسج ....

ترى صدقيني الي قاعده تسوينه مااياثر على حياتج حاليا اطمنج ... بس بالمستقبل يهدم حياتج سمالله عليج ...
لان اكيد وده ايعيش بتجربة الحب والكلام الي يخليه يذوووب ويموووت وده يعيش هلتجربه وانتي بتكونين عودتيه على هلشي وعودتي نفسج فا يروح يشوفه عند غيرج .. ولي استوعبتي طبعا عقب مايفوت الفوت .. لو تقولين كلمه حلوه بيضحك عليج ويمكن يفطس من الضحك يقول ويييه شالطاااري ولا مثلا موو لاااااااااااااااااااايق ...ههههههههه...ووقتها بتنغثين اكثر اتوقع

صدقيني انتي ابداية حياتج ... كل ماتميتي وانتي نفاس دزيله اشعار حب ... ولي شلتي التلفون على طول قولي هلا حبيبي ...

هلا حياتي .. وينك؟

حبي انا بنام الحين....

حبوبي انتا وينك الحين؟ ميخالف تمر تيبلي الغرض الفلاني؟

احسن من اسلوب " الو؟ وينك؟ ييب لنا حفاضات وحليب ترى مافي " : انا بنام الحين ... مع السلامه ...

شفتي الفرق بين الاسلوبين ...؟ ايهو الاقرب للقلب .. اكيد الاول ...
عودي نفسج من الحين نصيحه .. ولي تعودتي الحين بفترة النفاس بالتلفون ... لمن تشوفينه راح يسهل عليج الكلام وبتكونين تعودتي

انشالله اكون فدتج

:eh_s(15):


:sfg:

حركي انوثتج شويه

شنو ما تحسين بالانوثه ؟

 

[Tom ♥ Jerry]

رد : مالت علي الفين مره :eh_s(13):

.

خلاص حياتي من اليوم و رايح ابدي صفحه يديده
مع نفسج و مع زوجج !
على طول قوليله كلآم حلو ..
ترا الريال على قولتهم كآئن سمعي !
كلمه تخليه يعصب و كلمه تهديه (=

من اليومـ قوليله كلآم حلو و غيري من نفسج
شوي شوي لمآ تصيرين رومآنسيه :$