*******ماليزيا او تركيا ********

[White Musk]

روحي تركيا الجو أحلى ماليزيا حارة ورطوبة
وتركيا فيها مناطق وايد والكفته عندهم عجييبة ههههه

 

[ثابتة على قيمى]

السلااام عليكم ورحمة اللة وبركاتة والله انا من قريت عنوان موضوعج قلت لاازم ادش واقولج عن تركيا لاني انا توني رادة منها بصراااااااااااااااااااااااااااااااااااااحة ديرة ماتستاهل احد يروحلها وحاااااااارة موت والله مانقدر نتمشى برة الى لما تغيب الشمس طول الوقت يا قاعدين بالفندق او المجمعات بسبة الحر وترى سوقتها نفس الكويت بضبط والكويت بعد احلى ما فيها شي حتى مدن ملاهي ينعدون على الاصابع ومافي الا وحدة منهم حلوة ديررة غاااااااااالية تخيلي التاكسي السيارة الي تاجرنها كل يوم اليوم الواحد50 دينار وماتسوى وترى بالمرة مو عائلية انا رحت ماليزيا ورحت تركيا وشفت الفرق بينهم ماليزيا ديرة تستحق احد يروحلها وديرة صج توووووووووونس يعني لو تخيريني بينهم اقولج ماليزيا ماليزيا ماليزيا المهم حبيت اقولج ترى تركيا معاملتهم حدددددهاا زفت لدرجة انا احنا صادف اول يوم رمضان انة هنااك والحريم اشكرة متحجبين ويشربون جدامنا استغفرالله ياربي ويعاملونج معاملة خااااايسة لانج عربية او بالاصح خليجية حتى الديرة نفسها كلها بوق وجرايم يعني ما تحسين فيها بالامان لدرجة انا ولا وحدة فينى تقدر تنزل تحت بروحها الا ومعاها وحدة حتى احنا مابغينا نرد الكويت واحنا بالمطار وهذا كلة بسبة انة امي تلبس نقاب والرجال يقول لازم تقط نقاب عشان يشوفها يبي يتاكد من الجواز وابوي يقولة خل وحدة من الي يشتغلون تشوفها بس ما رضى وقالنا مرح تردون ديرتكم عاد امي من الخرعة قطت نقابها ههههههه >>خوااافة
اما ماليزيا فمعاملتهم محترمة وديرة صج تحسين فيها بالاماان وسوقها عجييييييييييب والعابها ومنتجعاتها وكلها على بعضها حلوة
وبالاخير الخيار لج شوفي الي يريحج واذا نبين اي استفسار عن اي دولة فيهم انا حاضرة
وسامحيني ادري طولت عليج