ماليزيا وتايلند

[جوديے... كيوت]

نصيحة اذا بتروحين روحي شهر مارس مو فبراير واذا اريل بعد احسن لان من شهر 11 لي فبراير عندهم هاي سيزون فالفنادق تكون اغلى وانا رحت ماليزيا وتايلاند الصراحه اثنينهم حلوين بس تايلاند جوها انفه مليزيا رطوبه اشوي
ونصيحه روحي بوكيت اسبوع وعقب كوالالمبور 5 ايام وايد زين اذا تبين بانكوك يكفيها ثلاث ايام لاتروحين جزر ماليزيا لانج راح تقارنينها بوكيت وراح تطيح من عنج
روحي على الطيران التايلاندي عجيييييييييييييب ودايركيت ورحي على طول بوكيت قعدي اسبوع اهم الرحلات الي فيها
1- بي بي ايلاند 2- جيمس بوند ايلاند 3-فانتازيا شو 4- بوكيت زوو 5- رحلة البقيات 6- قريه الفيله عجيبه
عقب روحي بانكوك يكفيها ثلاث ايام واهم الرحلات الي فيها
1-دريم وورلد 2- سافاري 3- تسوق ومجمعات
وعقب روحي كوالالمبور وقعدي فيبها 5 ايام واهم الاماكن الي فيها
1- صن واي لاقون قعدي فيها ليلتين وناسه حق الياهال 2- قولدن هورس ومجمع مدينة العاب ماينز وندر لاند(قريبه من صن واي لاقون )
3-جنتج تروحين من الصبح لي اليل وباجي الايام شوبقنق وتمشي
وباجي الايام شوبيج

بعد عمري والله تسلمين

ساعديني بسالفة تنظيم الاماكن وجم يوم يكفي لها وعطيتني فكره عن الجزر

وعلى طاري سفر انا بخاطري بشهر 3 والله كريم

طيران تايلندي حلو بس كلا شباب الله يهديهم وشرب على كلام بعض الاخوات

والله احترت انا ودي يالامارتي او قطري

وانا من زمان مفكره اني اروح اول تايلند عقب ماليزيا وان شالله تضبط يارب

حبيبتي يعطيج العافيه

ماقصرتي والله يبارك لج في بيتج

سعيده بوجودج وتواصلج

 

[3e6er alwrd]

مشكوره حبيبتي على الدعوه الحلوه ,, وبغيت اقولج انتي جربت الطيران التايلاندي وبنت خالتي بعد جربتها ابدا ما شفت الي قلتي عليه حتى اعي ما اشتكت وعلى فكره ترى حتى الامارتيه فيها مشروب والتايلانديه ميزتها دايريكت بس اكلهم لج عليه اخذي معاج سناكس واذا تبين فنادق ببوكيت عندج هوليدي ان حلو والميلنيوم وميريديان بس اشوي بعيد وبانكوك انا سكنت بانتركونتينيتال ويقولون النوفوتيل قريب من المجمعات بس ما عندي فكره عن فنادقها,, وكوالامبور انا سكنت بالنوفوتيل حلو وعندج ماريوت وملينيوم وعليكم بالعافيه مقدما

 

[ستايل روز]

شوفي يا قلبي روحي عند وحددة اسمها رنا سفريات امبيريال قروب اسعارها حلوه واهي اتظبطج بالفنادق رقمهم 22423885 اهي تفيدج وايد احجز من عندها انا وريلي وجماعتنا كل سنة اهي اتظبطلي حجزنا ومن زمان انا عندها تحياتي لج ورحلة موفقة يا قلبي