مانسيت ايام وصلك ولاقلبي نساك ياحلو ايام عشناها سوا

[هيبة ملك]

أنسيه ياقلبي ولاتحاولين وياه أصلا مو مهتم

لو رد من نفسه لابأس ردي معاه

لكن أنت خلاص حاولي تنسينه والله يرزقج ياقلبي

والحمدلله إن معاج عيال يسلونج

ربيهم أحسن تربية وبكرة يكبرون ويبرونج

 

[So0oKaRa]

ماعندي شي اقوله لج اكثر من اللي قالوه البنات
الله يكون بعونج ويساعدج ويلين قلب طليقج عليج
حاسه انج مو راضيه تتقبلين اللي صارلج
الله يستر عليج ويوفقج ويعوضج خير
عسى ان تكرهو شيئا وهو خيرا لكم

 

[الصعيريه]

رد : مانسيت ايام وصلك ولاقلبي نساك ياحلو ايام عشناها سوا

الله يعيينج

 

[over love]

majed1232000

هالعضو ريال واضح من اسمه ديرى بالج

 

[over love]

يابعد عمري والله ادمعت عيني يوم قلتي تاثرتي فيني عسى ربي يهنيج ويوفقج انشالله
انا الحمدالله متعلقه بربي هو الي يرده لي ويهديه ويعوضني خير بس الصبر مر مر بس وين هذي الدورات ودي اشترك بس ماعرف شي عنها ووين صايره
واشكرج مره ثانيه ياقلبي

بعد قلبي الحمدالله أنج متعلقه برب العالمين ورجائج فيه

بس أختى مهمه ليش وايد حاطه أمل برجعته ؟

ياأختى كل أمر أبن أدم خير هذا كلام رسولنا عليه الصلاة والسلام

ماتدرين الخير وين أن شاءالله ربي يعوضج بالى أحسن منه الى يحبج ويدللج ويعيشج ملكه أنتى وعيالج ياااااااااااااارب

بس الى عليج أنج تهتمين بنفسج بكل الجوانب

وبخصوص الدورات خليني اشوفلج دورات تناسبج وراح ابلغج اذا لقيت

وصدقينى مافى احسن من مجالس الذكر

 

[مرحبا بقدوم خلي]

رد : مانسيت ايام وصلك ولاقلبي نساك ياحلو ايام عشناها سوا

الله يعينج

 

[مرحبا بقدوم خلي]

رد : مانسيت ايام وصلك ولاقلبي نساك ياحلو ايام عشناها سوا

سمعي يااوخيتي ادعي وانا بدعيلج وتصدقي وادعي ورمضان على الابواااب يالله ياكريم
وسمعي نصيحتي
دقي عليه برمضان من رقم جديد لج وباركيلة بالشهر ولمن عياالج يروحون روضة او حضانة دقي علية سلمي علي وتطمني على اهله وامه اذا موجودة ودزي قرقيعان عيالج حقه وحق اهله وبالعيد مسج حلو وصج اذا داومو عيالج روضة او حضانة دقي علييه وااابجي قولي قطعوا قلبي جنهم ايتام يقولون نبي ابونا يودينا وربعهم يقولون وين ابوكم ويضحكون عليهم قوليلة وانت موجود وعايش عسى الله يحفضك لي ولعياالك والله سنيني اللي راحت جني ميته والناس حية الله يلعن ابليس اللي فرق بينه والله والله اشتقتلك وعقبها بمدة دقي عليه وسلمي قولي شلونك شخباارك حلمانة فيك وقلبي نغزني علييك وبطمن سوووي خطة كاملة وحطي مدة سنة كااملة او اكثر اشلون تردينه وسمعيني اشتري لج طاسة ماي اللي داخلها قراءن وحطي مااي وادعي حق الله بلي تبين وقولي يارب هذا زوجي وموحرام اني ادعيك ماالي الاانت سبحانك رده وسخره لنا بالحلال ورشي عند باب بيتهم والله والله والله اختي سوت ودعت والحجة عيالها ترى الرياييل يهاال وعقب مدة تلاقينا يتعرف مني منااك وعلاقات فاشلة وينصدم يقووول مالي الا عيالي ومرتي ويردج ترى سوتها اختي مكالمات ورسايل لين تعود ورجع لهم واذا ودااهم العااب او شي كشخي وروحي وراهم وسلمي عليييه مخامس يد والله يحن والله بس يبيلج مدة حطي ابالج سنة وياااعمري خوااتج كلنا معااج اخذي نصيحتي وااالله ماتندمين وكثر الدق يفج اللحام احنا صارت لنا مصاايب مايعلم فيها الا الله وسوينا وتحملنا وخطط لين رجعنا ازاجنا وقصينا عليهم وحبونا وحبيناهم انتي مااواج شي حني عليه كل مدة ويرد وياارب يارب يارب ينصرج ربج ياااب
سووورررري على الاطالة بس هذا الرد السنع انا واختي قاعدين نكتب مولعب وتفكير هاذي كلها مسوينها وخططي له واتمنى تقرين ردي مرتين او ثلاث عشان نفهمين عدل والله يردج له ويسخرة قادر ياكريم امين ياارب

 

[مرحبا بقدوم خلي]

رد : مانسيت ايام وصلك ولاقلبي نساك ياحلو ايام عشناها سوا

تكتكي وانا ورااج ونشالله نرده لج ياارب واي شي تبن انا تحت امرج ومعاااج يالله الهمة وخططي عدل
ترى بالعقل والخطط تسوين كل شي تبين وحلي لسانج المثل يقول
حل لسانك وكل النااس خلانك
وانتي عندج عقل حطي عزيمة وارادة يرد يعني يرد خطط وافكاار كل يوم وكتبي اللخطط على اوراق وعيشي الدور وخلج حريصة وامدحيه وامدحي اهله عند كل ربعج وحبايبج

 

[مهمة]

قولي امين عسى ربي يوفقج انتي واختج انشالله وتنفتحلج ابواب السعادة
والله كلامج درر وكله حكم صح الريال جاهل صغير تقدرين تقصين عليه والله خطط والله ممتازه بس موكلها اقدر اسويها
افتح خط يديد وارسل مسجات اوكي واقوله عيالك متاثرين باول يوم دوام بس المشكله والله انه مايرد الله يهديه حاولت قبل سنه بس مايرد
بس تصدقين احس اني ذاله نفسي والله
والله ماقصرتي يالغاليه واختج بعد حيل حيل رفعتوا معنوياتي والله بس ياعمري انتي شنو قصتج يعني انتي انفصلتي وبعدين رديتيله بعيد الشر عنج عساكم دوم مع بعض ولا تفترقون انشالله
والله اشكرج من كل قلبي بقولج عن اي اسويه انشالله وبصلي ماراح انساكم من الدعاء اني واختج انشالله

 

[مهمة]

اشكركم بنات على ردودكم الطيبه والله ماقصرتوا

 

[ام القمرالمطيري]

والله مادري شقولج .. بس جد عورتي قلبي

حبيبتي بقولج شي بس لاتزعلين مني .. لو يبيج مايمنعه يردج اي كائن يكون

الا في حالة كان كبريااءه من النوع الي يغث .. وكرامتي وكبريائي وانا قوي ومن هالحجي

اهني دزي احد يكلمه .. انتي مثلا دقي عليه قولي فلان انا ام عيالك وحيل اغليك ووعشان العشره الي كانت بينا بصارحك لاني حابه انت تكون اول واحد يعرف وانا ابي رايك .. انا مره ماتهنيت بعمري وودي القى نصف الثاني دام مو مفكر فيني وخلاص كلن له طريقه .. تسمح لي اتزوج .. لان في واحد متقدم لي ..

لاتبينين له انج حدج تبين غيره .. بيني ان الموضوع بيده .. اهني يمكن يفهم وبنفس الوقت يشوف الوقت ضيق ولازم يتكلم ويبين موقفه

وانتي وانتو بنات اشرايكم بنصيحتي تنفع ..؟ لان صج في رياجيل كرامتهم تمنعهم .. لكن لو اهلهم ولا احد قالهم عادي يتصرفون

وع فكره .. حماتي مطلقه لها سبع سنين من فتره طليقها حب يردها .. بس هي رفضت

طبعن هم ظروفهم غير واسباب الطلاق غير .. واسباب انه فكر يردها هم ممكن غير

انا ماودي تيأسين وبنفس الوقت مابي احبط فيج ...... بس الي كاتبه ربج بيصير .. ولازم ترضين فيه .. لانه قسمتج .. واكيد فيه الخير لج .. جان ماردج .. جعل ربي يعوضج بالي احسن منه

انتي يمكن مو فاقدته لطبعه الزين ولا ولا .. يمكن لكون المره محتاجه رجال تحس بعاطفته برجولته بوقفته معاها .. حتى الطلعه مع الرجال للسوق غير .. صج يدبل الجبد بس غير

وسالفتج انج اتهاوشين معاه ع امور تافهه .. ياقلبي طيب ليش كنتي تروحين لاهلج دام الامور تافهه

ومسالة مايراضيج في اشكثر رياجيل جذي .. في منهم يتغير وفي منهم لأ

انا زوجي كان يراضيني وانا قمت ع اتفه الامور ازعل واروح لاهلي .. تالي ماقام يراضيني طفشش .. وبعدين انا قعدت مع نفسي وقلت والله لاغيره واجيبه .. تغيرت بطبعي وبزعلي .. وعلقته فيني .. عشان لي زعلت وبعدت عنه خطوتين يعني مو اروح بيت اهلي لأ اقعد بالغرفه الثانيه ولا باخر الغنفه وماده بوزي يتحسف لانه فقد شي انا عودته عليه لا اله الا الله ..

والله المره لي صبرت ودورت حلول وحاولت وحاولت وغيرت بنفسها وبزوجها يمكن يتغير .. الا الميت ضميره

وطليقج دام قالج انتي كلامج مو حلو .. يعني صدقيني هو ناطر منج الكثير .. عشان يبادلج ويعطيج

ولو كان ماهمه ومتحجر بعقله .. جان مارد هالرد

والله يفرج همج ويعوضج كل خير .. وهالله هالله بعيالج لاتخلين عليهم قاصر

 

[ريتااجي]

رد : مانسيت ايام وصلك ولاقلبي نساك ياحلو ايام عشناها سوا

ربي يردكم لبعض ويهديه

 

[* بنت المطر *]

عورتي قلبي الله يهووون عليج وان شالله يردلج

دزيله مسج فيه كلام حلو يمكن يحن لاتتردين اسمج حاولتي

 

[مهمة]

والله مادري شقولج .. بس جد عورتي قلبي

حبيبتي بقولج شي بس لاتزعلين مني .. لو يبيج مايمنعه يردج اي كائن يكون

الا في حالة كان كبريااءه من النوع الي يغث .. وكرامتي وكبريائي وانا قوي ومن هالحجي

اهني دزي احد يكلمه .. انتي مثلا دقي عليه قولي فلان انا ام عيالك وحيل اغليك ووعشان العشره الي كانت بينا بصارحك لاني حابه انت تكون اول واحد يعرف وانا ابي رايك .. انا مره ماتهنيت بعمري وودي القى نصف الثاني دام مو مفكر فيني وخلاص كلن له طريقه .. تسمح لي اتزوج .. لان في واحد متقدم لي ..

لاتبينين له انج حدج تبين غيره .. بيني ان الموضوع بيده .. اهني يمكن يفهم وبنفس الوقت يشوف الوقت ضيق ولازم يتكلم ويبين موقفه

وانتي وانتو بنات اشرايكم بنصيحتي تنفع ..؟ لان صج في رياجيل كرامتهم تمنعهم .. لكن لو اهلهم ولا احد قالهم عادي يتصرفون

وع فكره .. حماتي مطلقه لها سبع سنين من فتره طليقها حب يردها .. بس هي رفضت

طبعن هم ظروفهم غير واسباب الطلاق غير .. واسباب انه فكر يردها هم ممكن غير

انا ماودي تيأسين وبنفس الوقت مابي احبط فيج ...... بس الي كاتبه ربج بيصير .. ولازم ترضين فيه .. لانه قسمتج .. واكيد فيه الخير لج .. جان ماردج .. جعل ربي يعوضج بالي احسن منه

انتي يمكن مو فاقدته لطبعه الزين ولا ولا .. يمكن لكون المره محتاجه رجال تحس بعاطفته برجولته بوقفته معاها .. حتى الطلعه مع الرجال للسوق غير .. صج يدبل الجبد بس غير

وسالفتج انج اتهاوشين معاه ع امور تافهه .. ياقلبي طيب ليش كنتي تروحين لاهلج دام الامور تافهه

ومسالة مايراضيج في اشكثر رياجيل جذي .. في منهم يتغير وفي منهم لأ

انا زوجي كان يراضيني وانا قمت ع اتفه الامور ازعل واروح لاهلي .. تالي ماقام يراضيني طفشش .. وبعدين انا قعدت مع نفسي وقلت والله لاغيره واجيبه .. تغيرت بطبعي وبزعلي .. وعلقته فيني .. عشان لي زعلت وبعدت عنه خطوتين يعني مو اروح بيت اهلي لأ اقعد بالغرفه الثانيه ولا باخر الغنفه وماده بوزي يتحسف لانه فقد شي انا عودته عليه لا اله الا الله ..

والله المره لي صبرت ودورت حلول وحاولت وحاولت وغيرت بنفسها وبزوجها يمكن يتغير .. الا الميت ضميره

وطليقج دام قالج انتي كلامج مو حلو .. يعني صدقيني هو ناطر منج الكثير .. عشان يبادلج ويعطيج

ولو كان ماهمه ومتحجر بعقله .. جان مارد هالرد

والله يفرج همج ويعوضج كل خير .. وهالله هالله بعيالج لاتخلين عليهم قاصر

الله يجزاج خير ياقلبي والله كلامج عسل
بس تصدقين فكرت انه اوصل كلام واقوله اني مخطوبه علشان بس يتحرك شوي الله يفرجها علي وعليكم تكفون بنات دعواتكم والله محتاجه

 

[مرحبا بقدوم خلي]

رد : مانسيت ايام وصلك ولاقلبي نساك ياحلو ايام عشناها سوا

حبيبتي انا توني اركز على كلمتج احس اني ذالة نفسي سمعيني
تخيلي انا عندج صندوق حلو من ذهب حطي داخله كرامتج وعزتج وسكري عليه مدة بينج وبين نفسج قولي ماكو مذلة الا للخالق سبحانه وحاولي عشان عيالج وعشان ربي يرزقج بااخوان لهم وعزوة لكم حاولي معااه بس لاتقولين اني مخطوبه احسه بيكرهج وبيحس انج اجذبين خلييه قوليله ابيك وانشالله عقب مايرد ردي كرامتج من الصندوق ولاجنه صار شي كرامتج محفوضة بصندوق ذهب مدة موقتة شهر شهرين سنه عاااادي كل شي يهون عشان عيالج وتكتكي دزيله مسج من خطج الجديد الي محد يعرفه كلش الا هو مثلا بيت الشعر اللي كاتبته وباجر دزي نكته وراها بيوم مسج حلو خليه يتعود كل يوم الساعه 10 بليل مسج حلو يسليه ويونسه منج وانشالله يحن لج انتي وعيالج لو يذكر لحضة وحدة حلوة بينكم تسوا الدنيا ومافيها يارب يامجيب دعوة المضطر اذا دعاك تقضي حاجة مهمة باسرع وقت من عندك قادر ياكريم

وياليت خواتنا الي معانا يعطونا شوية افكار حلوة وطيبة وترجع المياه الي مجاريها
موووووووووفقة

 

[sKntyny]

هلا حبيبتي هاه شنو صار ع موضوعج

واااايد احاتيج .. طيب انتي ماجربتي ولا شي من اللي قالوه لج البنات ؟

يعني ولاخطــه ..بس بيني وبينج سالفه انج تقولين له مخطوبه تتوقعين يتحرك ما اعتقد

يعني له 3 سنين وماتحرك تعتقدين يتحرك اذا قلتي له ..؟

ما ادري حبيبتي بيعرف انه هـ الشي منج عشان يرجع

شوفي عيالج تقدرين تقولين لهم اشياء بسيطه اللي حابتها وتعرفين اليهال يخرون كل شي

وبجذيه بتصير بطريقه عفويه منهم ماراح يقول امهم دازتهم

الله يوفقج

 

[مشتطـه]

يارب رجع كل حبيب لـ حبيبه
دام الحياة بقربهم حيل صعبه



واااي عورتي قلبي
يارب يرجع لج وتكون أحلى حياة بينكم

 

[مهمة]

هلا والله بحبايبي يابعد روحي روحكم على الكلام الطيب الي قلتولي كلكم
انا بقولكم عن اخر اخباري طبعا جربت ادق على تلفونه ولقيته مقطوع كلش مايستقبل مفصول
وهو حاليا مسافر والله ضاق خلقي كلش صكت فيني الدنيا مافي سبيل اوصله كلش

 

[مرحبا بقدوم خلي]

رد : مانسيت ايام وصلك ولاقلبي نساك ياحلو ايام عشناها سوا

مرحبا شلونج حبيبتي شخبارج
شووووووفي
لاتصك فيج الدنيا سمعي اهوا مسافر تلاقينه متكلم دولي واايد فانقطع الخط افا علييج اذا مارد رقمه
اتخلين وحدة من حبيباتج وصديقاتج يدق على بيتهم الصبح واهوا بالدوام وتقول انا موظفة البنك وفلان ندق علييه مفصول ممكن رقم تلفوونه من امه اخته تدق بمياعة وتقول معاج البنك الوطني ممكن اكلم فلان او رقم تلفووونه ولازم يكون بالدوام يعني تراقبين سيارته لين يروح الدوام واتصيدين رقمه الثااني ماكو شي صعب يجي يعني يجي بالطول بالعرض رادينه رداينه او عيالج يدقون يقولون نبي رقم بابا وبتصيدينه

 

[مهمة]

ياحياتي والله يامرحبا بقدوم خلي عسى ربي يوفقج ويساعدج مثل مانتي تساعديني فكرتج وايد وايد حلوه
بس للاسف والله حتى ماعرف رقم بيتهم توه طالع لهم جديد عرفتي يارب يارب تفرجها علي ويرجع ابو عيالي نادم راغب مشتاق يارب العالمين مافي شي صعب عليك ياربي يارب تجمعني معاه في هالشهر الكريم