مانسيت ايام وصلك ولاقلبي نساك ياحلو ايام عشناها سوا

[مهمة]

مرحبا كويتيات شلونكم والله احبكم حيل واعتبركم مثل خواتي اول مره اتجرا واكتب مشاعري بصراحه بس الله يخليكم لاتجروحني بروحي مجروحه واتالم بنات والدي اقولكم الموضوع باختصار انا منفصله عن ريلي مع اني مريت معاه بمشاكل والله لوتشوفون الاسباب تافهه بس هو ماكان يساعد يحب عالمه الخاص فيه وكانت بينا ايام ببدايه الزواج حلوه وتعرفون طبعه مايحب يراضي كلش انا ازعل وارد بيتي بروحي عمره ماجا ورضاني وصج سوا معاي مشاكل قويه من حقران وطرد اشكره يقول روحي بيت اهلج بس لما اهدا اقوله ليش جذيه يقول انتي ماعندج كلام حلو والله يابنات مااامدح بنفسي بس حيل متميزه واحس هذا الي يابلي مشاكل بسسب الحسد والعين وعندي الان اطفال منه هو مطلقني من ثلاث سنوات والله والدي ولكن الطلاق صار بسبب تدخل اهل بلحظه غضب وقهر وقال خلاص بوقف الحياه وطبعا سنه قعدت بعدين تطلقت
بنات انا الحين ماادري تايه افكاري احس والدي نرجع ونلم شمل الاسره ونرد حق بعض صج هو قاسي قلبه ويتصنع القوة ولو انه يحترق من داخل والله يابنات دعيت ربي من كل قلبي ان الله يهدية ويرده لي ولعيالة
ومرات الله يعوضني باحسن منه بس اقول شذب اليهال اتحسر على عمري وعلى حياتي الي راحت والدي بيت وزوج واطفال واستقرا ر اظن حاسين بكلامي يامتزوجات ابي نصيحه ابي مساعدة منكم وشلون ارجع وارد لحياتي السابقه ادعولي يابنات تكفون
نصيحه لكم يابنات حافظوا على ازواجكم ترى والله الزوج نعمه عظيمه عسى ربي يخليلكم لازواجكم ويحفظهم

 

[بنت عطا]

ماادري شقولج

بس الله يحقق لج اللي في بالج يارب

 

[أبله كويتيه]

بعد عمري والله

الله يصبر قلبج ويهدي قلب ريلج ويرده لج ولعياله اللهم امين ويسخره لكم

خلاص مانبي نلوم ولا بنقول على تدخل الاهل ولا على روحتج بيت اهلج

بس والله يابنات غلط واكبر غلط تزعلون وتروحون بيت اهلكم مهما صار لاتعودونهم على هالشي

مالج غير الدعااء حياتي والله كريم

اذا تبين تقدرين تروحين له تحاولين تعتذرين على الي صار وتقوليله خلنا نرد بيتنا ونيمع عيالنا بيت واحد


وننسى الي صار ... لاتقولين اذل روحي وكرامه ما كرامه وهالخرابيط هذي مو مذله بالعكس انتي سنعه لانج قاعده تحاولين تردين بيتج وريلج وتلمين عيالج

مافيها شي حبيبتي روحيله كلميه واعتذري وقوليله خلنا نفتح صفحه يديده وننسى الي صار

ابي عيالنا بحضنا ابي بيت واحد ايمعنا والي تبيه يصير ومحد بيتدخل بينا

ومن هالحجي السنع وانشاءلله الله يهدي باله ويردكم

 

[ابلة لولوة]

حبيبتي صلي صلاه الحاجه وقولي الدعاء

وانشالله تردون لبعض ,

 

[Mrs_Orchidia]

ابلة كويتية نصحتج و الصراحة ما ادري شقولج


بس بسألج اهو ما تزوج؟

 

[مهمة]

بنت عطا اللهم امين
ابله مشكوره على النصيحه وانشالله بطبقها
مشكوره على تفاعلج معاي واحاسيسج يااابله كويتيه بس والله لوتدرين شكر مسجات دزيتله ورسايل وطرشت ناس واسطتين يكلمونه بس مصمم على رايه والله كل ماااتذكر احس ذليت نفسي واهنتها
حبيبتي صعب نكج بس لا هو ماتزوج ماسمعت

 

[@البتووول@]

الله يكتب اللي فيه الخير يارب

 

[سنيوره قمر]

شلون ترجعين له
مو تقولين تطلقتو
لازم محلل يعني تتزوجين وتتطلقين وبعدين
ترجعين المساله فيها دين مو لعب

 

[a7la_soso]

والله اني حاسه فيج
بس مالنا الا الدعاء والله كريم ان شاءالله

 

[الدنيا دنيه]

رد : مانسيت ايام وصلك ولاقلبي نساك ياحلو ايام عشناها سوا

اختي دام انج دزيتي له مسجات ووسائط 00وهو رافع الجام عنج وعن اعياله 00لا يبا خلاااص انتي حاولتي ماقصرتي وسعيتي انج تبنين حياتج من جديد 00بس الله يعوضج خير الرجال مو صوبج 00والله ياقلبي حاسه فيج ولابد ان كانت لحظات حلوه بينكم 00بس شتسوين اجرج على الله وادعي الله عز وجل باللي اخير منه 00لان حتى وان قدر ورجعتي ماراح يحترمج وبذلج طووول حياتج معاه 00انا ادري كل شي يهوون عشان الاطفال بس هذا شكله مو مهتم لامركم بالمررره 00وهذا الشي استشفيته من خلال كلامج00واوصيييييج حيييييل بالدعاء والاستغفار قايمه قاعده لعل الله عز وجل يفتح لج ابواب الدنيا ويرزقج من غير ماتحتسبين00

 

[احبكم ذاتي]

اللة يوفقج
البنات ماقصرو
مالج الا الدعاء

 

[الجوهرة777]

الله يكتب اللي فيه الخيره لج ولعيالج

 

[najla86]

باذن الله خيره

الله يهديه لج ولعيالج وربي يوفقج معاه ولا مع غيره

 

[ديانا سبنسر]

الله يرده لج ولعيالج امين يارب

 

[ام كوشه منكووشه]

رد : مانسيت ايام وصلك ولاقلبي نساك ياحلو ايام عشناها سوا

حبوبه عليج بلاستغفار واقري سورة البقرة كل يوم بنية ان ترجعون حق بعض وصلي صلاة استخاره
واذا انتي فعلا ودج تردين لريلج جربي انج تروحين تشوفينه بس لازم ما يكون عنده خبر روحي له فجاه احسن كشخي وغيري ستايلج وخليه يشوفج وصدقيني لمن تكلمينه ويه اب ويه احسن لانه يكون مو مستعد ولمن يشوفج راح يحن لج غير لان التليفون سهله يسكره وايي له احد ويقاطعه بس لمن تكونين معاه حتى عقب ما يمشي راح يتذكر شكلج كلامج ويشتاق لج وانشالله اذا لج خير معاه الله يجمع بينكم مره ثانيه

 

[memories*]

حبيبتي اطوي صفحته و ابدي حياة جديدة انتي حاولتي بما فيه الكفاية

 

[مهمة]

بنات مشكورين حبايبي ماقصرتوا والله خففتوا عني شويه ياربي انك ترجها علي
اللة يوقكم بنات ابي قصص عن الاستغفار وسوره البقره عن وحده نفس وضعي بعدين رجع لها طليقها

 

[روحي تحبه غصب]

تصدقين عورتي قلبي


الله يرده لج ويسخره لج ويحببه فيج كثري الاستغفار

وحاولي تدزين له مسج طويل ومؤثر واشرحي له انج مازلتي تحبينه وكل ما انخطبيتي ترفضين عشانج تبينه وماتبين

اليهال يتربون بعيد عنه وقولي له انج تغيرتي ونضجتي


وانشالله ان لج خير معاه الله يردج له ويبعدج عنه بشره

 

[afesa]

اختي انا اقولك خلاص انسيه وانسي ايامه ولا تنبشين الماضي وساعات نقول اللي راح راح وما يرجع ....خلاص انتي حاولتي وحاولتي واهو ما يبيك ولا يدري عنك ولا تذلين نفسك اكثر من جذيه لانه ان صار وردج راح يقول انتي اللي رديتي ...وانتي اللي انذليتي عشان اردج.
انصحك انك تنسينه وتدوسين على قلبك ..واللي ما يبيك اهو اللي خسران مو انتي ...وانشالله يعوضك اللي احسن منه واللي ينسيك ايامه ..
خلي تفكيرك بعيالك وخلي عقلك الباطن يمسحه من ذاكرتك ...والله يصبرك ..
وترى الحب مو مذله ولو كان فيه بقلبه ذره موده او تقدير لعياله وللعشره اللي بينكم ما كان تصرف جذيه ..
حبيبتي فتحي صفحه يديده وعيشي حياتك ولا تستسلمين حق هلافكار اللي قاعده تدمرك وطلبي الصبر من رب العالمين ..

 

[[[ عيون جابر ]]]

فوضي امرج لرب العالمين وادعي تردون لبعض اذا كان فيه خير لج ربج بيحققه انشالله