ماني قادره اتعامل معاااااااهاااااااااااااااااااااااا خلاص تعبت

[حرم راشد الماجد]

السلام عليكم ورحمة الله وبركاته


بنات انا بنتي ترضع مني ومتعلقه فيني بشكل مووووووووووووو طبيعي

لدرجة ان الحمام عزكم الله ما قدر ادش ما تبيني اغيب عن عينها لحظه
نااااااااااااااااااهيك عن البجي ما تسد حلجها دقيقه حتى نومتها مو منتظمه مع ان عمرها الحين 6 شهور

شنو الحل بس لا تقولون لي حضانه وخدامه

ابي انا اروض بنتي بروحي ما استعين بأحد

 

[شقاوه وحلاوه]

رد : ماني قادره اتعامل معاااااااهاااااااااااااااااااااااا خلاص تعبت

امممممممم الله يعينج !

جربي تنزلين فيها تحت عند حمولتج وخليهم يشيلونها ويلعبونها وانتي جنبها يمكن اول شي ماراح تحب احد يشيلها بس بالبدايه خليها معاهم ثواني وشوي شوي يزيد الوقت .. بعدين حاولي تقعدين جنبها بعدين تبعدين شوي وهكذا وتقدرين تروحين شوي الغرفه الثانيه وتردين بسرعه وجذي يعني ..

والله يخليها لج

 

[حرم راشد الماجد]

انا بشقه بروحي وساعات امي تييلنا نفس الطريقه مااااااااااااااااا تبي احد

 

[cheese cake 84]

واااااااااااااايد نفسج وزياده بعد وترا اهى يزيد تعلقها فيج لانج ترضعينها طبيعي انا اعرف وحده جذي حييييييييل لاصقه بامها وبعمر بنتج قامت الام وقالت لازم احط حد لهلمهزله:23_asmilies-com: قامت تقطها عند امها وتطلع تقطها عند خالتها وتطلع تمشي وقتها ان مو 24 مجابلتج:ch12: بس شلوووم وضعج اذا رحتي الدوام؟؟؟

 

[آهات الليل]

رد : ماني قادره اتعامل معاااااااهاااااااااااااااااااااااا خلاص تعبت

يوه انا بجري نفس بنتج واخس بعد وايد تعذبت معاهاماكنت ارضعها بهالوقت بس ماتبي احد غيري بالحمام معايبكل مكان معاي وليما كبرت عاد تحملت خخخخخخخخخ شسوي الحين عمرها 3سنين و4شهور تقريبا انا عن نفسي صبرت وسهرت وتعبت شسوي مانفع معاها غير اني امشي على اللي تبيهليما كبرت وصارت عادي

 

[Chic & Unique]

ممممممممممممممممممم

شلون تروضينها و انتي اللي كله معاها لازم تخلين ابوها يلاعبها و يشيلها و يحطها عشان شوي تتعلق فيه و حاولي تزورين فيها حمولتج و اهلج انا بنتي اسم الله عليها من عمر بنتج و هم نفسج كل شي انا الصراحه تعبت خصوصا اني دوام قمت اخليها عند ابوها اتعمد اروح اطبخ اقوله ماحب الخدامه تمسكها و يبتلش فيها بس على الاقل الحين قامت شوي تسكت عنده و هم قمت اقطها بيت امي الله يخليها و اطلع مع ريلي اشوف حياتي لازم كل جمعه اسوي جذي عشان بعد اهوه لايمل كل بنتي و بس شوي شوي تعودت على اخواني و اهلي بس اذا تخلينها كل معاج ماراح تقدرين عليها لازم احد معاج حبيبتي و الله يعين

 

[miss_heathrow]

انا بعد بنتي من هالعمر لي الحين متعلقه فيني ما شاء الله الحين راحت الروضه وماكو فايده لي الحين تموت من البجي تفرك بجي من بدايه الدوام لاخر الدوام صارلها شهرين وانا لي الحين لى هالحل


بس انصحج نصيحه حطيها في بالج زين لا تفاجئينها نقطينها وتروحين عنها تقولين عشان تتعود
ترا مو زين حيل اليهال راح تضعف شخصيه وليما يكبر يخاف ويصير جبان

ادري انج بتملين من هالشي وتملين من البجي وتلوع جبدج من الحكره معاها بس والله العظيم انا سويت جذي وليومج ندامه

بنتي خوااافه وكله حسباله اني بروح عنها ما ارد لي هالعمر تخيلي تعبت والله العظيم ان من كثر ما تبجي انا اقعد اصيييييح كل يوم الصبح وحجيها حجي كبار يما الله يخليج لا تخليني يما لا تروحين عني تخليني بروحي يما واللي يعافيج يما ويما والله اتعب نفسيا كل يوم

وكانت مثل بنتج ما تحب احد وتستاحش وكل مكان انا اخذها معاي حتى الحمام احطها بالدرايه واذا بغيت اسبح ابطل باب الحمام وادخلها معاي عشان ما تختنق بالدخان بالسينما معاي

حتى بالسياره والله العظيم من عمر 3 شهور ليما سنتين بنتي تقعد يمي بالسياره مو بحضني بس انا معاها بكرسي واحد
شوفي لي اي درجه حتى بالسنما معاي والله انحرمت من كل شي


بس انا داشه اهون عليج وانصحج هالنصيحه ولا تسمعين كلام احد يقولج قطيعا وامشي وراح تتعود
بالعكس صج هالعمر ما يعرف التعود والحقران خليها معاج وصبري بعمر سنه ونص ابدي علميها شوي شوي
راح تركز بالفعل وردة الاستجابه


بس اهم شي عشان ما تتعود على البجي وتستعسر عدلي نومتها راح ترتاحين حيييل حيييل وماراح تحسين بالحنه والارتباط


انا قمت انوم بنتي الساعه 6 المغرب او 7 احيانا تقعد الساعه 6 ونص الصبح مصحصحه ما تبجي ولا تتدلع علي من العساره
ويبدا يومي من الساعه 6 اتفرغ حق نفسي من طلعه من سينما من اكشخ من عزيمه من اي شي اسويه ما احاتي لا خدامه ولا شي راحه نفسيه



ادري قرقت عليج وايد بس والله انا قاعده اعاني مثلج واشكيلج


الله يهون علينا يا رب ويوفق عيالنا ان شاء

 

[eman84]

الله يحفظها لج

انا اشوووف بالعكس حلو ان البيبي يتعلق بالام ,, تدرين ليش لان انا بنتي كانت متعلقه فيني و من بدت تمسكها الخدامه شوي تغيرت نوعا ما صار عادي اذا خليتها شوي وقعدت بروحي ,, او رحت مشوار الجمعية الطبيب للضرورة صج تبجي شوي بس موو لدرجة ان تشهق مثلا لا يعني بس اصك الباب تسكت و تكمل لعبها
و الحين اللي صاير انها تعلقت بالخدامة و هالشي وااايد مضايقني لان انا حملت و الدكتورة مانعتني من اني اشيلها فتخيلي تموت على الخدامه و انا ودي بس ماقدر واحاول العب معاها واجابلها لان ما اداوم بس اقوم الصبح معاها و اسوي اكلها بنفسي و اوكلها بس ليلحين تبيها اكثر وغير هذا كل مكان ارووح له لازم اهيا معاي حتى مرات خواتي يقولون بس مالاداعي يايبتها وياج كل مكان بس والله مالي قلب اطلع واخليها وادري اذا ماشفتها جدامي بقعد احاتي و انكد عليهم
و هالشي مرات يخليني ابجي بيني وبين روحي لان اانا اكره انها تتعلق بالخدامه بس شسوي والله مو بيدي ,, وهالايام هابه هبه يديده تبينا احنا الثنتين عندها وجدام عيونها والا تبجي

خل تتعلق فيج انا اقووول واااااايد ابرك و احسن من انها تتعلق بغيرج صدقيني ترى الاحساااااس جدا يقهر

 

[حجيه هيونه]

رد : ماني قادره اتعامل معاااااااهاااااااااااااااااااااااا خلاص تعبت

البنات عطوج خوش اقتراحات


عوديها شوي شوي على امج على زوجج


لانه بالوضع هذا الكل راح يتعب انتي واهي والاب


والله يهديها لج يارب ويبلغج فيها

 

[++The DuchesS++]

خلي الشي يصير تدريجي مو فجأه تهبلين البنت حرام
والله يحفظها لج يارب

 

[اللهم الجنة]

لازم تعودينها على ابوها او الخدامة راح ترتاحين

 

[noynoy]

يمكن نومتها مو متظمه لانها ما تشبع من الرضاعه
حاولي تعطينها صناعي دخليه اب اكلها
اذا ما تبين شفطي من صدرج و حطيه بالرضاعه و حطي معاه بسكوت اليهال قبل لا تنام شوي يغث و يشبع يمكن تنام عليه
و اذا على التعلق يمكن لان من ولدتيها و انتي 24 ساعه معاها فشي طبيعي بتتعلق فيج وايد
حاولي تخلين ابوها يمسكها و انتي قعدي يمه
و شوي شوي لما تتعود عليه بعدين خليه يساعدج بتبديلها
و يدش معاج الحمام يسبحها يعني خل تتعود علىه بسالفه التبديل و السبوح و هم الاكل اذا بتوكلينها خل يقعد يمج و يجرب يوكلها
بعدين شوي شوي خليه بروحه
انشالله تنفعج الطريقه
و جربيها على امج و خالنج بعد لما تتعود عليهم
و حاولي تطلعين الجمعيه و اماكن فيها ناس وايد عشان ما تستاحش و تتعود على الناس
و لا تخلينها تنحكر بالشقه وديها الممشى خل تتنفه ترى الياهل يمل بالحكره

 

[حرم راشد الماجد]

اولا مشكووووووورين عالنصايح بس حبيت اوضح شغله نسيتها بالبدايه

انا ما عندي خدامه فشي طبيعي ان انا وريلي اللي مجابلينها 24 ساعه وابوها بالعكس ما يقصر يشيلها ويلعبها وساعات يطلعها عشان انا اسوي شغلي

فابوها ماكو مشاكل وياه تحبه وتسكت عنده بس المشكله وين

ان انا لااااااااااااااااااازم جدام عيونها عرفتو يعني تسكت عند ابوها بس تبي بنفس الوقت اكون جدامها
وانا ما قلت بخليها عند احد بالعكس انا ادري ان التغيير لازم انا اللي اسويه

وبديت بشغله وتندمت عليها الحين

اني ذاك اليوم حبيت اعودها ان ما اشيلها وهي تبجي عشان ما تحس ان هذي نقطه ضعف لي فتكررها فحاولت اني اتجاهلها مؤقت لي تسكت واشيلها عشان تعرف ان البجي مو هو اللي ييب نتيجه

طبعا الي صار شي عكسي تماما
استعسرت وقامت تبجي بجي متواصل لدرجة ان حتى وهي نايمه كانت تتفزز وتبجي وتأذيت وياها وايد وصار ما عندها ثقه مثل اول فيني كنت لما احطها بالدراي تسكت تدري اني راح ارد لها بس من ذاك اليوم وهي ماااااااااااااااااااااااتبي احطها بالارض حتى وانا يمها ما ترضا لازم بحضنها وتمسك هدومي حيييييل

لما سألت دكتور قال لي اللي قاعده تسوينه ما منه اي فايده لان بنتج عمرها صغير وايد وما تستوعب الامور بشكل جيد

قال لي ابتدي معاها بطريقة العقاب والثيرابي من عمر السنه و3 شهور بالضبط



ومشكوووورين عالمساعده