ماهو الشئ ؟

[مرت ريلي]

شنو أكثر شي يخوفج بالدنيا ؟ أكثر شي تخافين أو تنزعجين منه ؟

طبعا الواحد ما يخاف الا من ربه بس في شغلات مزعجه

انا مثلا اخاف من الزهيوي يعني عادي أرقص سامبا اذا شفت زهيوي مار يمي
اختي تخاف من الطيارة وتاخذ مهدئات اذا بتسافر
اخاف بعد من الناس الي نفسياتهم مو طبيعية ويفكرون بطريقة غريبة ! يخوفوني
اعرف وحدة تخاف من الموز !!!

أجل الموز

Banana

يا خراشي


بانتظار مشاركاتكم يا حلوين

 

[عرووووس الكون]

هلا مرت ريلي اول شي نك نيمج عجييييييب تبادلين وازيدج هع هع هع :eh_s(6):

ثاااني شي انا اكبر خوافه بالدنيا عندي لسته كامله بحطها لج << معقده لوول

1 - اخاااف من المرتفعاااااات بشكل هستيري لما سافرنا الطايف طول الطريج اتشهد لووووول وركبت التل فريك غصب :eh_s(13): ورجولي ترجف ولازقه بابووي ومغمضه عيوني واقرا اية الكرسي لانا كنا نمر على قمم الجباااااال والودياان تحتنا منظر عجيب بس سبب لي رعب !!

2- اخاف من الطياااااره

3- اخاف من الاصنصير ومستحيل اركبه

4 - اخااااف واكره واشمئز << حلوه اشمئز >> من الظلم ومااحب اشووف احد مظلوووم لان الظلم ظلمات يوم القيامه

ولو بكمل يبلي صفحتين

وبالنهااايه اخااااف من هالوقت بكبره
:eh_s(17): وهذي لج

 

[مرت ريلي]

بعد عمري حلالج النك وصاحبة النك والدفع نقدا لول

ي انا اخاف من المرتفعات وأغلب الناس بعد عنهم هالنوع من الخوف
وصاجة هالوقت يخوف

انا للحين خايفة اييب عيال باجر احاتيهم
الدنيا تخوف استغفر الله

ومشكورة عالوردة بس ماني خابرة الورد يوزع ورد لول حبيبتي والله

 

[مرت ريلي]

اما اللي تخاف من الموز اسمحيلي ماكو عليها
والمشكلة بنت امورة ودمها خفيف بس يتراوالي
تكرهج لو قشرتي جدامها موزة

 

[ღღغــ الدنــيــا ـــلاღღ]

خخخخخخخخخخخخخخخخخخخخخخخخخخخخ
ياحليلكم تخافون هع هع


انا الصراااااااحه
اخاف من الزهيوي وععععععععععع

والا اي حشرة
والقطووووةبعد يماااااا

بس ومااخاف الا من الله << عقب شنوووووووو خخخخخخخخ

 

[مرت ريلي]

لول لا لا بدعتي ؟

أكو احد يخاف من القطوة ؟ اشبتسويلج مسكينة ؟
(علمي نفسج يا مرت ريلي تخافين من الزهيوي)

عاد ماني عارفة شالسر ليش الزهيوي يخرع ؟

عادي ابجي ويغمى علي اذا شفت زهيوي

مع اني كنت ما اخاف وكلا اذبحهم
بس لقيت امي واختي من يشوفون زهيوي يسوون احتفال وصراخ
قمت اخاف واموت من الخرعة لان تكون عندي الاحساس ان الزهيوي
يخرع وانه خطر
فنصيحتي لكل أم انها اذا كانت تخاف من شي ما تصرخ وتخترع منه وتقلب عاليها واطيها لأن تكوين شخصية الياهل يكون فريش وفي بدايته فتكون عنده قابلية ويمتص الاحاسيس بسرعة ويقلد كل شي يشوفه وتتكون عنده العقدة.

يا سلام علي وايد مثقفة وأصلح دكتورة، الصراحة مادري ليش ما طلعت مطربة !!

 

[^ليلاس^]

حلو الموووضووع

اخاف من :
1- الطيارة عشان جذي ماسافر وايد.
2- السلم الكهربائي
3- من المرتفعات

ومرة قريت عن اديب امريكي كان يخاف من اليهال !

 

[irresistible]

al zhewi

 

[ضحكة الدنيا]

انا اكثر شى يخوفنى موت اى شخص عزيز عليه وفراقه لا سمح الله
ومشكوووره حبوبه على الموضوع

 

[امـــــل مقتول]

ههههههههههههههههههههههههههههههههه لالا الاشياء الي قلتيها طبيعهــ

بس الموز لايحوشك ههههههههه شيخوف فيهـ انا عن نفسي اخاف من الرعب


وخصوصا (( الدم )) اذا شفته تجيني جنوني

 

[الغاليه نونو]

انا خوفي من خالتي ام ريلي باول ايام عرسي قطعت خلفة الخووف من قلبي مووليه قمت ماخاف من شى الا اهيا النسره هذا قبل طبعا بس الحين ماخاف الا من الفيران تكرمون طفارتي اشوووف فار اصير كما الريشه ههههههههههههههههههههههههههههههههه واخاف من الجلاب عزكم الله

 

[مرت ريلي]

من اليهال عاد ؟ لا قوية ترا
يعني اهو عمره ما كان ياهل ؟ شنو فقع ؟

بس ترا عادي الفوبيا انواع وكل شي جايز، عالاقل اهون من الموز لوووول

 

[مرت ريلي]

ضحكة الدنيا الله لاييب زعل وفراق يا قلبي
وانشالله كل ايامج ضحكة بضحكة

 

[مرت ريلي]

الغالية نونو كما الريشة عاد ؟

بسج ريش يا مرة خلاااااص مو تقولين تنتف ؟ اتوقع لما تكحين يطلع ريش
يا حبج حق الريش لووول

وبعدين وين اليوميات جنج وقفتيها، تدرين لو تألفين كتاب فيه يومياتج على هالاسلوب العسل والله تطلعين ذهب هههههههه

مشكورين عالتفاعل الروعة

 

[s3ad]

طبعا اختكم سعاد والله لك الحمد والشكر أخاف من كل حيوان عزكم الله حجمة أكبر من الذبانة <<<< يعني كل شي أخاف منه الا النمل لووووووووووول
وأخاف ويزووغ قلبي اذا شفت جامة السيارة مفتوحة وعيالي معاي بالسيارة <<< جني متعقدة الحمد الله والشكر

 

[مرت ريلي]

لول عيل انا اخاف من كل الحشرات بس الزهيوي اييب اجلي

وانا معاج معاج اليهال يخرعون لازم تقفلين الجامات

اقولج موقف اعقدج زيادة !!

مرة طالعة مع ابوي كنت صغيرة عمري خمس سنين وماشيين بالسيارة على جسر بيان

جان اقوم وابطل الباب واقوله بابا شوف شوف ونااااااااسة

ابوي تصرقع مات من الخرعة مادري اشلون جندس سكر الباب زين ما دعم الريال لوووووول

جان يزفني زززززفففف اول مرة انا دلوعة ابوي يكون يعني هههههههه

لا ومو عاجبني اقول حق امي ليش خانقني قاعدة العب معاه

حدي الطفلة العاهة كلا اسوي اشياء غبية وكلا عندي عادي

الطفلة الكوووول ماشالله علي !!

 

[مرت ريلي]

منو يسمع سوالف ينانوة واتيي حزة النوم يتلزق بأي أحد ويخاف ينام بروحه ؟؟

آننننااااااااااااااااااااااااااااااااااا

 

[aBoOoRa]

انا اذا شفت فلم رعب بالليل وييت ابي انام اتخيل شغلات وايد ان في احد بالدار وجذي :eh_s(22):

وكنت اخاف من يوم الامتحانات حتى لو دارسه عدل لو شنو هم اخاف

 

[مرت ريلي]

واي عبورة انا جذي لووووووول جبانة حدي أفشل جني ياهل

 

[مناوي]

انا مثل سعاد اي حشره او حيوان اكبر من الذبانه اموت من الخوف اهستر على طول ..