ماهو شعورك عندما يساء الظن بك؟

[موتي ولادمعه امي]

ماهو شعورك عندما يساء الظن بك؟


كثير ما تمر علينا مواقف يسيء بها اناس الينا في ظنهم


يعتقدوون بأنهم هم اصحاء في تفكيرهم وهم بعيدين كل البعد


عن التفكير السليم


انه شعور مؤلم .. وقمة الاحساس بالظلم وخيبه الامل خاصة


لو كان من الاشخاص المقربين وأعتقد أن كل من تعرض لهذا


الموقف قد تجرع كأس الألم ..


قد تنفع الثقة بالنفس لكن ليس دائماً فليس من الســــــــــهل أن تغمض


عينيك و أنت تدرك أن هناك من هو حاقد عليك ..


شعور صعب .. حتى لو كنا واثقين ببرائتنا ..


ولكن الأدهى والأمر عندما تقوم بعمل ما قاصداً فيه مساعدة ذلك الإنسان ..


مقصدك هو الخير ولا شيء غيره ولكن لسبب أو لآخر تنقلب أطراف المعادلة


لتصبح الصورة التي أردت ظهورها معكـــــــــــوسة في نظر ذلك الإنسان ..

موضووووع أحببت ان اسمع آرائكم جميعا فيه


سوووء الظن!!!!

فماهو شعوورك عندما يساء الظن بك ؟؟؟!!



م
مع خالص تحياتي: الحزينه:tek:

 

[يعانة]

على قولتهم ييتي على الوتر الحساس
انا من الناس الي دايما يسيئون الظن فيني لاني على نيتي معاهم و اسولف و اثق بكل الناس و الله يسامحهم يفسرون كل شي على مزاجهم و المشكله انهم ما يقولونلج لا يروحون يتكلمون من وراج بشي يكون من تفكيرهم
عورتي قلبي توني طالعه من مشكله بنفس السبب

 

[أم منصور]

انا اخدم اهلي ما اقصر فيهم وحتى لو اسائو الظن فيني بعدين يعرفون اني كنت ابي مصلحتهم وتحصل احيانا تفسر قومتي فيهم مصلحة لي ما ازعل اصلا ما اشيل بقلبي على احد من اهلي - وعموما محبوبة من كل افراد عائلتي بسبب اني ما اشره على احد ولا احط بقلبي ولا احب نقل الكلام ولا اعطي مجال له - اما للآخرين علاقاتي سطحية بالمحيطين واكثرهم يقولون عني مغرورة لآني ما ادخل مع الناس بسرعة بس اذا حبيتهم اوقف معاهم لكن موزيادة - ما اتاثر للغريب الي يهمني اهلي وبالنسبة للناس ما اذبح نفسي عشانهم اسوي المطلوب وبس قبل جربت من كنت صغيرة ايام الجامعة وبعدين من توظفت قللت مشاعري تجاههم واتعامل معاهم بس بحدود اعمل فما اعطيت مجال للإساءة وسوء الظن .

 

[softlady]

مشكوره على الموضوع


اذا قدرت اني اصحح الفكره اوكي

ما قدرت

ما اهتم لانسان ماحاول يعطيني فرصه





بعد قلبـ قلبكمـ

مع تحياتيـ SOFTLADY



.

 

[مرت ريلي]

أكيد أتضايق وأحتر

 

[موتي ولادمعه امي]

شعور حييييييييييييييييييييييييييل صعب
وخصوصا" من اشخاص تعتبرينهم قراب على قلبج ويفسرون ويظنون ظن السوء فيج وانتي على نياتج ولا فبالج هالشي!!
يالله الله كريم....
و يسلموووووو ع المرور الرائع,,,,, والله لايحرمني ردودكم حبيبات قلبي

وفي انتظار آراء البقيه...

 

[NoWay2know]

شعوري يوصل بعد التوضيح عن اسباب سوء الظن، اذا مااقتنعت، ماراح يهمني
أوكل أمري لله سبحانه وهو خير دليل على كشف الحقيقة، وشعوري بين الرضى وعدم الرضى لانه ماحب هالشي يصيرلي

 

[شآعرة الخليج]

المووووووووووت ثم الموووووووووت لاجاتني الشرهات وسوء الظن من اقرب الناس لي

الغريب ما اهتم له لكن القريبين مني اكيد بتضايق وبنقهر وبسكت ..

الله يكون بالعون
​

​

 

[بحر المحبة]

اتضايق طبعا

لاني احس اني مظلومة والظلم عذاب

 

[irresistible]

اللي يسئ الظن فيني و انا قصدي الخير ما ارجع افتح حلجي بكلمة و اخلي الدنيا تلطش فية يمين و شمال بالذات اذا كان عارفني عدل و لا ييني من اساسة احسن

 

[Om_RayooMa]

والله قلبي بيعورنييييييييييييييي

 

[le3bah]

أكيد باتجرع الألم واتضايق بس أحاول أوضح سوء الفهم وبعدين اسكت

 

[موتي ولادمعه امي]

اشكركم حبيبات قلبي على التفاعل الرائع مع الموضوع وربي لايحرمني ردودكم..

ودمتم بحفظ الله ورعايته..

 

[Artya 【ツ】●]

أتضاااااااااايق أكييييييد


بس إذا كانوا ناس قراب مني ،، أبجي

وآيد صارت معااااااااي



عاد آنا على طريف

 

[يامنيتي]

الصراحه ... انتي ذكرتيني بمواقف ودي اتناساها من زمان ... عموما انا اكثر وحده يسيئون الظن فيني سواء بالدوام او من اهل زوجي يعني اي مصيبه يقطونها ابراسي حتى بعض الاحيان قمت اشك لبنفسي لا يكون انا شريره وانا ما دري مع انه اللي يعرفني يقول عني حليوه وطيوبه ووايد ناس يقولون عني اني مريحه بالتعامل ...

الاهم انه الواحد يخاف ربه بكل خطوه يسويها ووبعد الثقه بالنفس اهم شي

 

[MiS_Queen]

شعور خاااااااااااااااايس....
ههههههههههههههههه
تسلمين على الموضوع...

 

[موتي ولادمعه امي]

يسلمووووووو ع المرور الطيب,,,,,,,,,,,,,,, واشكركم على التفاعل الرائع مع الموضوووووووع

 

[نونو جين]

شوفي خليج واضحه خصوصا مع الناس القريبه اذا كانو من هالنوعيه
يعني ترى سويت لج الشي الفلاني على ضحك مو شرط تتنيحسين
الناس ماعندهم البلووره السحريه يشوفون شنو سويتي من وراهم مايدرون
وشي ثاني اللي وده يضن بالسوء دااااااااااائما وابداااااااااا خليهم على كيفهم وبهدااوه
لانهم يدرون ويعرفون الصح بس يستهبلون​

 

[go0omar]

والله شعور مؤلم انا مريت بهل تجربه ساء فيني الضن ومن اقرب الناس حييييل انسان قريب ولاكن الشكوه لله
والحمدالله على كل حال

وخصوصا لمن تحسين انه المشكله هذي ماتسينه وتبتعدين عنها ويون ويقولون انت جذي شي يقهر
الله كريم

 

[الأسطووره]

السلام عليكم........


والله يضيق خلقي و تصكر الدنيا بوجهي و توصل ما انام باليل




بعدين لا قعدت مع نفسي أقول الله أعلم بالنيات و ان شاء الله ان قصدي زين ما يهم رأيي الناس قد ما يهمني ضميري