ماهي الصفه التي تتمني إزالتها من شخصيتك ؟!! ( بصراحه )

[afesa]

انا انسانه مو اجتماعيه واحيانا اصير مليقه ونفسي خايسه .....احيانا.....وكله مالي خلق وطنقوره بسرعه اطنقر ومااطلع من المود بسرعه وهالايام عصبيه ونرفزه

 

[عين الروح87]

اتا بسرعة اتنرفز .. وفيني شي بعد اني كل يوم احس بتأنيب ضمير ... هالصفة بذات مسببتلي ازعاج ...
ويسلمو حبوبة على الموضوع الحلو ..

 

[نوراء]

التسرع , والكسل , الغيرة , حب التملك , شكله ما فيني صفة سنعه الحمدلله على كل حال الله يهديني ويهدي الجميع

 

[Toffeeya]

طيبه زياده عن اللزوم و احس هالشي مخلي الناس يستغلوني و هم عنيده شوي

 

[laylaas]

الطييييييبة
الصرااااااحة
الحساااسية الزايدة لاي كلمة
وبعد الحيااااا يعني واااااااااايد استحي

 

[بدوره 22]

والله يا حبيبتي اول مشكله واكثر مشكله في شخصيتي اني وايد اتحامل على حساب نفسي ... يعني ما حب اقول لأ حق احد حتى لو كان هالشي فوق طاقتي .. وطبعا هالشي انقلب ضدي بس لله الحمد الحين قاعده اصيطر على هالمشكله

وثاني شغله انا ساعات لمن اتضايق من احد اسكت واطوف علشان المركب بمشي على قولتهم وشظل قلبي يعورني وساعات من القهر اخاف انا وما اقوم

وثالث شي اني اتنرفز بعض المرات على اشياء تافهه

 

[أوطان]

الثقة الزايدة في الناس ..

 

[Maltesers]

العصبية

المزاجية

الهدوء (( ودي لمن أقعد بين الناس اسولف واخذ واعطي بالسوالف )) بس طبعي هاديه ما أسولف الا مع اللي حيل ويااهم

الطيبة الزايدة .. كل الناس كاسرين خاطري (( ريلي يتطنز علييي لمن نطلع يشوف هندي ينظف الشارع يقولي يالله عطيه ربع مو كاسر خاطرج ))

 

[sara al3soola]

الحساسيه الزايده وانا وايد استحي

 

[عالمة_جيولوجيا]

واااااااااااااي نفس صفاااااااااااااااااتي العناد والنرفزه والعصبيه واحس ان هموم الدنيا كلها فوق راسي الله يهدني انشالله ويهديكم

 

[ميس الورد والشوق]

الثقه الزايده بالناس

والعصبيه

 

[قهوة عربية]

العصبية الزايدة ....ومترددة وايد

 

[بنت باباتي]

انا كنت اجتماعيه وغيرت طبعي
وكنت اثق بكل الناس وغيرت طبعي
وكنت اعامل الناس معامل وحده وغيرت طبعي
وكنت ما ابجي كلش كلش وغيرت او تغير طبعي صرت بجايه على كل كلمه


واللي بغيره الحين جد جد ان اذا احد غلط علي ما اسكت له

اكره نفسي لما انصدم من موقف واسكت وبعدين اقول ياليتني قلت

 

[السنافيه]

حسااااااااااسه بشكل قوي

 

[ميمونيه]

الخـــــــجــــــــــــل

 

[الماااسه]

حساسه.......حيييل اتضايق اذا اي احد مر بظرف مو زين او تخانق مع احد واذا صار لي مثل الشي محد درا عني
يبين على وجهي النرفزه واتنرفز بسرعه
زعول

 

[عهودة]

ودي اغير حسن النيه بكل الناس واني ابدي الطيب حدهههاااا مو حلوه خصوصا لو مامداج تعرفين الانسان اللي جدامج بالعربي حيل متسرعه بالطيب
وحييل افكر بالناس واحاتيهم وماعرف اصكر حلجي بالنصايح وكل شي اقوله
هذي اطبااع ما اواطنها فيني
ودي اعرف الناس اللي جدامي اول شي بعدين اعاملهم بالطريقه اللي تناسب
وطبع الثاني ماعرف ارد لوووووووووووووووول كلامي كله كلام يهالووه ماكو مصطلحات قويه وحلوه سواء كانت رد بالزينه او الشينه
واللي فهمت كلامي لها هديه لوووووووووووول

 

[الغلاااااا]

يقولون اني حنااااانه مع اني اشوف نفسي عاديه

وصفه ثانيه التردد

 

[DeCToOoRa]

يسلموو عالردود حـبــايـبـــي ,,

ومشكوورين على صراحــتـــكــم

إلي لاحظته أغلبنا فينا ,, الحساسيه الزايده ,, العصبيه ,, المزاجيه ,,

أهم شي يكوون عندنا كونترول على كل شي ,,

نعصب , نزعل , نتضايق ,, بس بحدود ,,

والخجل ,, من رايي الشخصي ,, علاجه ,, الثقه بالنفس , والاختلاط بالناس ,,

ولا تحطين إيدج على خدج ,, وتقولين ,, انا واايد حساسه ,, هالطبع ذبحني ,, انا وااايد استحي ,, مادري شسوي ,,
ولاالعصبيه ذابحتني ,,

اذا هالصفات فعلا مضايقتكم ,, بيدكم تتحكمون فيها ,, وتزيلونها نهائيا ,,

أهم شي ,, المحاوله ,, المحاوله ,, المحاوله ,,

سووا بحث عن الصفه إلي مضايقتكم ,,

عرفوا عنها أكثر ,, أسبابها ,, طريقه التعامل معاها ,, علاجها ,,

لاتــــنــــــســــــون

الإراده ,, والرغبه الحقيقه في التخلص منها ,, والصبر ,,

"

"

"

للأمــــــــام دومـــــــا :sfg:​

 

[كريستال ليدي]

العصبية