ماهي حدود حبك لوطنك

[om_kholood_5]

خواتى العزيزات :

حب الوطن ماله حدود ولا مقياس تدرون ليش شوفوا السمكه اذا طلعتيها من الماء او الهواء اذا انقطع عنج احنا انخلقنا وربينا على هذى الارض الغالية ولو ندور الدنيا كلها ما انلاقى مثلها والله العظيم

 

[*مطبخ الذواقة*]

الله ...


فالوطن ...


ثم .......





الامير ...


حب الوطن شي بلا نهايه او حدود ..


فوق كل اعتبار ...

لكن للاسف في ناس صارت تحب " الدينار " اكثر !!!!


وعندها استعداد تبيع وطنها عشان الفلوس !!

هذا اذا ما باعوا نفسهم قبل !!!


الوطنيه الحقيقه هي ان احب وطني وافديه بروحي ولا انتظر منه مقابل ..



شكرا اختي على الطرح



​

 

[هدوء العالم]

رددو

اللهم أحفظ الكويت وأميرنا من كل سوء وأحمها من الفتن ماظهر منها ومابطن اللهم من أراد الكويت وأميرنا وأهلنا من كبار السن والأطفال والنساء والشباب المغلوب على أمره بسوء فرد كيده في نحره
اللهم أمين

كل من
( المختلس ،، صاحب وجهين إلي ياكل من خير الكويت وولاءه وحبه لغير الكويت وتنطبق على ( القبلي ( إلي أنا منهم ) و الحضري والسني والشيعي و الليبرالي ،، ومن يفكر ويشغل باله بمستقبله ومستقبل أبناءه وأهله وتجمعه على حساب الكويت وأبناء وأهل الكويت ،، وكل من أراد جعل الكويت بلد سياحي بتوفير الخمور والبارات بس الكويت وآل الصباح مايرضون ,, وكل من قسم الكويت لأقسام الشر والفساد وفرقوا الكويتيين من بعض كنا مانعرف القبلي من الحضري ونعيش من بعض إلا بكم كلمة مثل ( دجاج دياي هههههههه علشان البنات المدافعات عن الفريقين ) والسني والشيعي كلن يصلي ويصوم ويعبد وفي الأخرة ربي بحاسبنا ( بس نتمنى الكف عن التفرقة والسب واللعان إلي حاصل بينا من الفريقين )
نتمنى نفكر نكنا ولازلنا نعيش بأمن وأمان بالكويت الغالية

ونوخر ونزيل من بالنا
قبلية ولائي لقبيلتي وباقي القبائل هم ولائي لدولة ما على حساب الوطن
حضرية وولائي لعائلتي ومعارفي وباقي عوائل الحضرية على حساب الوطن
والسني ( كذالك يجمع القبلي والحضري )
الشيعي ( كذالك يجمع القبلي والحضري )

 

[للصبر أخر]

لما اشوف ويه ابونا صباح واهو تعبان ومهموم ودي اعطي دمي حق ديرتي بس لا يصيبها اي مكروه والله العظيم يا ديانا
الكويت مافي مثلها صعب نشوف ديرتنا بهالحال ونظل ساكتين ديرتنا وحكامنا مرهم ينحط عالجرح يبرى الناس تحسدنا عليهم
اشلون نرضى عليهم ؟؟
بشنو قصرو ويانا ؟؟
عايشين امراء زمانا
امن امان عزه كرامه حريه خير ونعمه وكل وسائل العيشه الكريمه عندنا احنا الكويتين ..!!
كلشي كلشي كلشي .!!!
لحد يقص على روحه ويقول ديرتنا عليها قاصر ديرتنا ماعليها الا العافيه والخير وانلعمه
لا عندنا تاكس
ولا عندنا هوملس
ولا عندنا فقر وجوع الكل متظمن ومرتاح وشبعان وكافي نعمة الامن و بامان
وكافي حكامنا يعاملونا مثل عيالهم

:ggdw::ggdw::ggdw::ggdw:

صح لسانج

صدقتي والله واقسم بالله مافي مثل الكويت ولا تتقارن باي بلد..من عمرنا عايشين بخير وعز ونعمه

وسابقين كل اللي حولنا..احنا الدوله الوحيده بالشرق الأوسط اللي فيها دستور حقيقي وديموقراطيه

وانتخابات..عايشين بحريه وديموقراطيه نقول ونحاكم اكبر راس بالبلد..غيرنا لو يقولون كلمه

صاروا بخبر كان..احنا الدوله الوحيده اللي الطبقيه عندنا معدومه بينا وبين شيوخنا..

عايشين نفس عيشتنا وفي بعض الكويتيين مستواهم المادي يفوق الشيوخ.. يدرسون بمدارسنا

مالهم لا تمثال ولا صور بالشوارع ولا صور على عملتنا مثل كل الدول حولنا.. دوله صغيره

وحريصه انها تضمن الحياة الكريمه والوظيفه حق كل شخص المراه والرجل..مو بس توظف

الوافدين حتى الخليجين متوظفين وفاتحين بيوت عندنا..

خير وعز ونعمه والمراه والرجل والطفل الكويتي كلهم عايشين باحلى عيشه عز وخير ونعمه
ودلال ورفاهيه مو ناقصهم شي ولا قصرت علينا ولا شيوخنا بشي..



بعد كل هذا اشلون ما نحبها؟؟اشلون ما نعشقها؟؟كافي حتى لما راحت منا عشنا بخيرها وعزتنا
كانت رواتب تمشي من دولتنا للكويتيين بالداخل والخارج ووموؤنه شهريه وتذاكر مجانيه
لكل الكويتيين وهذي ماصارت بكل العالم..حتى واهي محتله خيرها ماوقف عنا...


نعشقها ونموت فيها ونموت عشانها والله لا يغير علينا ويفكنا من هالمعارضه الفاسده اللي مافي
انسان عندا عقل ما اكتشف اكاذيبهم واهدافهم والا عيبهم..


دورنا في هالأزمه ان نوقف مع بعض ونوقف مع اميرنا ونشارك بالإنتخابات..ماراح يفيدونا هالعصابه محد بفيدنا غير شيوخنا وديرتنا الله يعزهم ويحفظهم
واكيد الولاء حق الوطن هذا الكويتي الأصيل ولائه واسمه وهويته للكويت مو للقبيله..واصلا لأن بدو الكويت الأصيلين
نعرفهم باسم عوايلهم مو قبايلهم وكانوا ما يفتخرون الا بجنسيتهم..واسطوانه القبايل ما سمعناها الا من المجنسين والمزدوجين
والا حضر وبدو وشيعتها وسنتها معروفين ومعروفه مواقفهم شنووولائهم حق منو ..

 

[ديانا سبنسر]

نوفا وإيفاء اس اس أنتو قلتو وجهة نظركم. وأنا رديت عليها وعلى الرغم من اختلافي مع وجهة نظركم الآن. الاختلاف بالرأي لا يفسد للود قضية


وشاكرة مروركم.

 

[ديانا سبنسر]

مطبخ الذواقة

هدوء العالم

للصبر آخر.

شاكرة مروركم

 

[أمواج البحر]

تم حذف ردود الخارجه عن الموضوع واللي تسبب فتنه بين البنات

الرجاء الالتزام بمحتوى الموضوع

السؤال واضح ( ماهي حدود حبج لوطنج )

 

[Eva-SS]

يا أمواج البحر كان الأولى تعدلين أو تحذفين ( بدون تحيز )

ما أعتقد أنه ردي كان فيه أي إساءة لأحد أنا رديت على صاحبة الموضوع بخصوص كلمة هي حاطتها ولا كان بردي تجريح أو سب أو شتم عشان تحذف كل مشاركاتي بالموضوع

شلون تقولين الردود خارج نطاق الموضوع وأنا راده على كلمة مكتوبه بالموضوع ؟!!

 

[نوف الصقعبي]

حب الوطن ماله حدود

حبي لوطني بوجهة نظرى

إن أفديها بدمي وأرخص لها روحي
وهذا اللى ربينا عليه وتعلمناه من صغرنا
وقت الغزو الله لايعوده

الله

ثم

الوطن الكويت

ثم

الآمير

حب الوطن اثبته لما أغرسه بعيالي وإخواني وأهلي وإصدقائي
حب الوطن هو ان مااحارب بني جلدتي لمصالح شخصيه
حب الوطن هو ان ماأشوه سمعة ديرتي بالخارج
حب الوطن مااقط القاذورات وبقايا الأكل والأوساخ بالشارع ومن دريشة السياره
وأشوه شوارع وطني
حبي لوطني
ان ادعيله بكل صلاة ان ربي يحفظها ويحفظ أهلها من كل شر ومن كل خبث


وسامحيني عالإطاله يالأميره

ديانا​

 

[M!SS.LOBY]

الله يحفظنا ويحفظ لنا ديرتنا وطنا غالي علينا لاشك بس نتمنى الكل يتعاون من اجل الكويت
ونحارب كل شي يضر سمعة وطنا