ماهي حقيقة سبونج بوب !! و سفنج بوب

[opera]

الياهل يطالع وماينتبهه على الافكار الدينيه والتعصبيه والجنسيه .. بس ممكن يركز عالسلوك الخاطئ

وكلما طلع رسوم قالو عنه نفس الحجي


اذا انيس وبدر اللي كنا نشوفهم بافتح يا سمسم كنا طالعه واحنا صغار وبس تفكرينا انهم ربع .. الحين طالعين بطلعه يقولون انهم شذوذ وعايشين بيبيت واحد ومادري شنو




انا بشكل عام ماحب هالقناه احسها مو مضبوطه و مثل ما قالت سلايل سبونج بوب وايد عنده سلوك خاطئ..

 

[miss swan]

حبيبيتي مشكووووووووووووووووووووووره وايد انشالله بميزان حسناتج
انا معاج اميه بالاميه
بناااااااااااااات ليمتى احنا نايمين ليه متى ابي اعرف ليش احنا ماشينا ماندري وين رايحين
او لي وييين بنوصل
اصحوا بس خلاص نوم كل شي عادي مايخالف
ترى لو في رسايل ضدهم جان امنعوه عندهم
بس احنا نايمين بس نفكر بالماركات والبلعه
ليش ودينا ضايع قاعدين شوي شوي يسحبون عيالنا من غير مايحسون
انا كنت ماادري شلي صاير بس عقب مادريت
قطيت كل بجاماتها اللي على ميكي وسبونج مع انهم غاليين ويدد
مع اني مومتدينه بس ماننسى ربنا حبيبنا انعم علينا بنعة الاسلام
لازم نحافظ عليه لان جيل بعد جيل قاعد يزين التهاون بالدين
مثل الجنوس والزنا والتفصخ
لازم نكون شاكرين ونحافظ على دينا بمنع هالاطفال من انه يتعلمون الفساد
شوفوا القادمون وبعدين حكموا

​

 

[wesh jaah]

الماسونيه لاشك انه لها دو كبير بالاعلام

بس الحلقات اللي تنعرض على نيكلوديون واللي بالعربي ماشفت منها جذي
ولدي يحب سبونج بوب اشوف بالعكس بعض الحلقات تعلم على
العمل والصداقه واغلبها ممتعه بالنسبه للاطفال من حركات بويهه وغيرها هذا يضحكهم

وعنده جنطه سبونج بوب وملابس سبونج بوب بس انا ماقدر ابعده عن شي يحبه عقب مافهمت البحث او المقصد ورا هالشخصيه
لانه ماراح يفهمها

يعني احنا قبل انطالع علاء الدين كنا ندري انه الجني الازرق اهوا الشيطان بالنسبه للماسونيه اللي يحقق حق علاءالدين كل مطالبه
اذا وقع عقد معاه ( بصفته الشيطان) راح يعطيه بنات وفلوس
الاغنيه موجوده البنات اللي يلبسون احمر يرقصون يمه :/ انا توني افهمه عقب 24 سنه توني افهمه ://

اللي بوصله نخلي الطفل يعيش طفولته مع اي شخصيه كانت يحبها بس بمتابعه من الاهل ماتكون شديده او حرمان

كل شي بالدنيا قاموا يطلعون عليه بلاوي و انه يحرض ضد الدين و العادات و التقاليد و في اشياء مبطنه و مادري شنو

انا ماقريت الموضوع كامل بس خذيت فكره لان دازينلي جذي من قبل

بس انا ما اؤمن بهالخرابيط صراحه يهال مستانسين على رسوم متحركه شعليكم منهم لازم كل شي يدورون و يحفرون لما يطلعون عليه بلوه

نفس دعايات زين مالت رمضان اللي طاف الغول سووها تحرض اليهال و لها مغازي مبطنه و مادري شخربطوا و السنه اللي قبلها دعايه العيد و عيدي في بطني يكبر و مادري شنو هم طلعوا عليها سخافات و شنو حقيقه الدعايه و اهما بخربون الجيل

و اللي طلع يطالب بذبح ميكي ماوس لان يهدد مستقبل عيالنا !!!!

انا احس هالناس فاظيه ماعندها شي بس حاطه ايدها على خدها تنطر اي شي يطلع و الناس تهب فيه و خصوصا اليهال الحين صايره موضه كل شي يهبون فيه اليهال يطلعون فيه 600 عيب و بلوه .. ينطرونهم يهبون فيه عشان يقعدون يقولون هذا فيه و مافيه و بخرب و يحرض و مادري شنو !!!

اغنيه العيد مادري شقالو عنها
بوكيمون مادري شقالو عنه

ماروكو مادري ميكي ماوس مادري شقالو عنه

امبي جد !!

اشوف احنا تربينا على كل هالرسوم وطالعناهم بـ براءه وما تأثرنا !!

ليش لانه مخنا كان نظيف وماعندنا هالافكار اللي تسمم عقولنا

بالله ياهل شـ فهمه بهالشغلات اذا احنا بنفسنا ما قلنالهم؟ وليش اساساً نقولهم ونبطل عيونهم على هالشغلات!

خلو اليهال يعيشون ببراءتهم ويحبون اللي يحبونه بس تحت عين اباءهم وامهاتهم
الياهل ما راح ينتبه على شي الا اذا انتي فطنتيه

يعني مثلا اغنيه اين العيد
انا فهمتها بمعنى بريء وحلو
وطلعو عنه كلام ونزلو موضوع هني وانصدمت من المعنى اللي طلعوه من هالاغنيه!

بعرف ليش تعقدون المسائل وتعقدون الدنيا؟

محد راح يتعب غير هالناس اللي يدققون على التفاصيل الممله ويشرحونها ويفهمونها بكيفهم


ليش تخربون عقول اليهال من الصغر وتقولوله في ناس غير عنا وناس اشرار وما لازم نطالع افلامهم ومادري شنو!!
من عذر يطلعون ارهابيين!!
خلوهم عايشين بـ سلام وامان مع كل الناس وخلو نظرتهم للحياه ورديه

المهم انه يتربى فـ بيئه اساسها نظيف ويعرف دينه وربه

انا معاهم قالوا كل اللي ابي اقولة :eh_s(7):

على العموم مشكورة حبيبتي :eh_s(7):

 

[فرح@@الكويت]

شكرا على الطرح والافاده

 

[0oR0R0 honeyo0]

الماسونيه لاشك انه لها دو كبير بالاعلام

بس الحلقات اللي تنعرض على نيكلوديون واللي بالعربي ماشفت منها جذي
ولدي يحب سبونج بوب اشوف بالعكس بعض الحلقات تعلم على
العمل والصداقه واغلبها ممتعه بالنسبه للاطفال من حركات بويهه وغيرها هذا يضحكهم

وعنده جنطه سبونج بوب وملابس سبونج بوب بس انا ماقدر ابعده عن شي يحبه عقب مافهمت البحث او المقصد ورا هالشخصيه
لانه ماراح يفهمها

يعني احنا قبل انطالع علاء الدين كنا ندري انه الجني الازرق اهوا الشيطان بالنسبه للماسونيه اللي يحقق حق علاءالدين كل مطالبه
اذا وقع عقد معاه ( بصفته الشيطان) راح يعطيه بنات وفلوس
الاغنيه موجوده البنات اللي يلبسون احمر يرقصون يمه :/ انا توني افهمه عقب 24 سنه توني افهمه ://

اللي بوصله نخلي الطفل يعيش طفولته مع اي شخصيه كانت يحبها بس بمتابعه من الاهل ماتكون شديده او حرمان

معاها :rerrerek:

انا شايفه كل حلقات سبونج بوب العربيه مافيها ولا شي من الي قلتيه
بالعكس مفيده وتعلم زي ماقالت الاخت ع الصداقه والعمل والتعاون ..الخ
وشوكران على الموضوع..