ما أحبه ؟

[اتكاءة حرف]

بناااااااااااااااااااااات

اللي تقول شكو قلتي للمليج <نعم موافقه ..وشكو وافقتي

انا زواجي تقليدي ..يعني ماشفته ولاسمعت صوته الاا بعد الزواج
وفيه من ينوب عنه اللي الولي <ابوي ..
انا وافقت يوم قالو من عايله طيبه وناس ماعندهم خربطه وملتزمين وماهم راعين سفرات
وفعلا اهما جذيه
لكن انا يابنات غصب عني
يمكن الظروف اللي صارت لي بالاول ومواقف ورى بعض يمكن تراكمات انا طنشتها لان طبعي اطنش خلتني اكره
انا كنت حاطه براسي مثل اي وحده الانسان اللي تتمناه اي بنت لكن طلع مو مثل اللي متصورته
ادري الزواج مو تفصال ؟لانه نصيب
الرجال مافيه عيوب ..بس انا تخيلت باخذ واحد راسمته بمخي وادري غلط بس عجزت حيل شخصيته طفوليه مدري اذا الرياجيل جذ ولا انا مكبره المواضيع ..انا اقولكم مافيه عيوب
يمكن الكل يقول انتي بطرانه شوفي باقي البنات مغازل وراعي سفرات والي واللي واحمدي ربج

بناااااااااااات كلكم مريتو بجذ اول زواجكم ماحبيتو ارجالكم؟ ولابس انا
انا احس مثل طابوق على صدري وودي اطلع من الشقه احس بختنق واذا رحت لهلي ارتاح
اه بس والله ودي ارتاح
والله احس غصب عني والله يابنات..
اغير شقتي ؟رايكم يمكن ارتاح؟

نسااااااااااااااااافر؟هقتوكم اتغير ؟
انا مدري ليه مركزه على اني احبه ؟ وامي تقول مو الا تحبينه اهم شي محترمج ورجال مضبوط؟
مشكوووووووووووورين على وقتكم

ومشكووووووووورين على ارائكم


مشكووووووووووورين على تفاعلكم

مشكورين على مشاعركم واحساسكم بالغير

 

[Miss.6Mo7]

باجر لا ثقـل عليج , بتحبينه ..

 

[دآنة آلرشآيده]

مشكله النفس لاعافت مستحيل تتقبلينه
انا اقول احملي جيبي لج بيبي يلهيج ومع العشره
يمكن تحبينه

 

[a7la MUM]

عاااادي بسيطه الحب من الله

تطلقي خيولي..!

^
^
^
لايبا هذا مو حل حلوة خيولي :rerrerek:
حبيبتي مادام انتو بالبدايه صدقيني الحب مو كل شي بعدين فكري فيها تاحذين واحد يحبج وماتحبينه ولا تحبينه ومايحبج!!
فكري بمنطق

 

[عقــد منثور]

حاوولى بهالفترة .. تمنعين الحمل .. ويمكن مع العشرة تتغير مشاعرج .. سافرى مع اهلج .. يمكن تشتاقين لة .. واذا ظروفج ما تسمح تسافرين .. اخذى فترة نقاهة وقعدى عند اهلج .. لعل وعسى ربى يهون عليج ..

مووفقة يالغلااااااااااا .. ~

 

[شواخي]

عاااادي بسيطه الحب من الله

تطلقي خيولي..!

ياشين كلمتج

تهدم بيت !!!!

بدل ماتقولين لها المره مو كل يوم لها ريل تقولين لها جذيه !!

االله يكون فعونج

 

[ألماسة ثلجية]

تعوذي من ابليس واكثري من الاستغفار والدعاء وادعي ربج يهديج حق زوجج وابو بيتج واقري سورة البقره كل يوم والرقيه الشرعيه يمكن تكون عين وله نفس الله يكافيكم شرها 00 وان شاء الله تجين وتقولين لنا ان الحال تغير 00
الله يوفقج ويهديلج الحال ان شاء الله

وآنا مع اختنا جوري وأضيف عليه تصبري على الرقية يعني مو من أول يومين بتبين النتيجة وتقربي إلى ربج عشان يسعدج بالدنيا والآخرة

 

[hotchocolatee]

السلام عليكم ...اولا صج انتي بنعمه موعارفتها يكفي انه تكانه وشاريج ...ليش تعاملينه جذي ..شنو تبين ريال يبهذلج ويهنينج ..عشان تفكرين انج تحبينه....لو انا منج ادوس على قلبي واجامله مع العشره راح احبه اكيد يعني لاتقعدين كل يوم الصبح وتقولين ليش ما حبيته للحين لا هذي يبيلها وقت وعشره موفراره ونحشه كل ساع لبيت اهلج...الله يهديكم لبعض ويصلحكم ....وان شاء الله ربي يسخركم لبعض
لاتزعلين مني بس والله حسبت اختي وحبيت انصحج

 

[بطة vip]

استهـدي بالله وتعوذي من ابلـس ,,
توج عروسـه شزيـنج وتفكريـن بالطلاآق !! وعلى قولت الرجال جميل ومايعيبه شيء وفوق هذا شاريج
وين بتحصلين واحد مثله ؟ اطردي هالتهيؤات والافكار السودا من مخج ..
وشيلي فكرة فارس الاحلام اللي كنتي راسمتها قبل بمخج وبخيالج ..خلاص انتي الحين حياة جديدة عايشة مع شخص ثاني ما تعرفينه وطبيعي ماراح يجي الحـب سريـع لازم عشره بينكم ..اهم شيء لا تقعدين توسوسين ماحبه ومادري شنو وكارهه الشقـه!! عن العواآجـه عآد ..

 

[LA TROO7]

فترة وبتهدى نفسيتج

الله يهدي بالج

 

[L A T T E]

اول شي تعوذي من ابليس وحاولي تطردين هالافكار السلبية من راسج..

ثاني شي اول طريقة لحل هالموضوع انج تتعاملين بعملية معاه خلال هالفترة.. بتعاملج معاه خلي عقلج اهوا اللي يتعامل مو قلبج..

وبعدين حاولي تكتشفين السبب.. اخذيلج راحة.. يوم بالسبا استرخاء.. و فكري بحياتج واحمدي ربج على حياتج.. شوفي الاشياء الايجابية.. صدقيني ناس وايد يتمنون يكونون بدالج.. مشكلتج ماهي كبيرة لاتعطينها اكبر من حجمها.. تعلمي انج تحبينه.. او تحبين ايجابياته وتتعاملين معاها..

بعدين اهم شي ان تهدا نفسيتج.. لا تزيدين النار حطب.. والله يوفقج يارب و يزرع حبه بقلبج امين

 

[شمس 20]

اصبري عليه شوي دااامه زين معاج

واجلي سالفة العيال شوي ....


لين تشوفين مشت معاج والا لااااااااااا

 

[اميرة-الاحجار]

عطيي نفسج مهله جم شهر ااذ ماتغير شي
تطلقي ليش تعيشين روحج بجحيم وانتي مو بالعته وواصله لي هالدرجه
خليه يشوف وحده تبلعه وانتي ريحي عمرج ؟؟

 

[al-musk]

تصدقي بنية توفيقج معاه ماتخيلين شكثر اثر الصدقة رهيب وخطير

 

[يارضاها وقف وناظر شوي]

اكثري من الاستغفار ...




.،

 

[wujud]

الله يريح بالج انشالله ويهديج

 

[بتبوتااا]

انا اقول يا قلبي سافروو غيرو جو بالاول وان شاء الله بهالفتره تقيمين علاقتج معاه ولمن ترجعون اذا حسيتي بعدج كارهته غيرو شقتكم ولو اني انصحج نج تشغلين قرأن وتصلين وتكثرين استغفار حتى لو فيكم شي بيرروح ان شاء الله .. والله يوفقكم حياتي ,

 

[F.A]

الله يزرع محبته بقلبج يارب
كثري من الاستغفار وشغلي دوم سوره البقره ولازم لازم كل صلاة بوقتها اتصلين

المشكله اتشلون اتكونين معاة بنفس الفراش وماكو حب مو عقوله
انتى شيلي من بالج هالشي وزرعي محبته بقلبج غصب طيب دام انه ما ضرج بشي

 

[اسرار الغلا]

لاحول ولاقوة الا بالله

هذا شيطان ويبي يفرقكم

تعوذي من ابليس واكثري من الدعاء والاستغفار

 

[غنج اهلها]

دعيت ربي كثيررررررررررر يبدل مابقلبي واستغفر ولازلت

وهم واااااااصلى لاتتعبين ولاتايئسين

مابين طرفة عين وانتبهاتها يغير الله من حال لحال

ربي يحببج فية ويبعد عنج الطلاق صدقيني راح تندمين واااااااااااايد لوتتطلقين

بس اتحاملى على نفس وابذلى اي سبب يغير من الحالة اللي انتي فيهااا