ما ابي اجري يضيع ..لكن؟؟؟؟؟؟؟؟؟؟؟؟؟؟؟؟؟؟

[foozia_87]

خواتي انا من طبعي ما اشتكي او اتكلم بالمعنى الاصح اقول اللي في بالي او بداخلي لكن ؟؟؟؟؟؟؟؟؟؟؟؟


انا ما ادري ليش قاعده افتح قلبي لكم كان بودي اترجم كل مشاعري على ورقه وبالاخر اشقها لكن ؟؟؟؟
في داخلي بركان ثاير وفي اي لحظه راح ينفجر لكن ؟؟؟
قد ما اقدر الهي نفسي واشغل بالي بامور ثانيه غير الحمال والاعيال لكن ؟؟؟
كلمه لكن اهيا اللي مخسبقتني انا .....
اقدر اني اسيطر على عصبيتي وعلى نفسيتي جدام الكل الا ربي سبحانه
وامتص قضب الكل ولي قعدة في اي مكان اخلي الفرح واللويه والقشمره فيه لكن انا من داخل اتقطع وياليت اتقطع وبس تخيلوا انا اليوم قاعده اشرب موكا بارده لكنها تنزل في حلجي الى معدتي كانها جمر انا ادري اني قاعده اخربط بالكلام وما اكو اسلوب ولا تنسيق بالجمل لكن عذروني انا حدي واصله ...
خواتي انا بخاطري افرح زوجي لكن ....
كل ما اشوف عيونه تطال اطال معاه اهوى شنو يطالع واموت ليمن اشوف اللي اهوى قاعد يشوفه يشوف بطون الحريم الحمل ويسرح انا احس اني .....
والله انا حدي منهاره يارب اغفر لي ذنبي ورحمني يا رب يارب يا ارحم الراحمين
انا مو معترضه على امر ربي
بس؟؟
احس اني ظالمه ريلي معاي حيييل وما الومه لانه انسان وعنده مشاعر لكن مو بيدي هل شغله اللي اغليها عليه
بنات تكفون نصحوني و اعتبروني ياهل ورشدوني الود ودي ارد صغير بحظن امي وابوي ولا اكبر
ادعولي ربي يسر اموري بالدنيا والاخره ويشفينا ويرزقني بالذريه الصالحه السليمه آمين

 

[out of reach]

بعد عمري انتي

اجرج ماراح يضيع باذن الله...

خلي ثقتج بالله كبيره ترى ربج كرييييييييييييييم

وما اخر شي الا لحكمه...

انا كنت نفسج وربي رزقني عسى الله يرزقج مثلي واكثر يارب...

وبعدين اذا على زوجج انتي موضالمته..هالشي موبيدج..الله اللي كتب لكم هالشي موبس لج انتي..

وحاولي تنسين هالموضوع ترى التفكير يذبح.. ولله يذبح.. الواحد ينسى ويعيش حياته والله ماراح يخيب رجاه..

وراح ادعيلج ان الله يرزقج عاجلا غير اجل واهم شي ان الله يشرح صدرج وييسر امرج

 

[تمر حنا]

حبيبتي ليش التشاؤم مو بس انتي شوفي القسم احنا جم وحده متاخره والحمدلله راضين بقسمت الله وصدقيني متى ماربج كتب انج تحملين بتشوفينه جدامج وخلي ثقتج بالله كبيره والله بيرزقج ان شاء الله بعدين اذا انتي مواليد87 يعني توج صغيره الي كبرج بعده ماتزوج... وادعي ربج وتصدقي والله يرزقنا كلنا بالذريه الصالحه المعافاه

 

[Emanova]

حبيبتي ليش التشاؤم مو بس انتي شوفي القسم احنا جم وحده متاخره والحمدلله راضين بقسمت الله وصدقيني متى ماربج كتب انج تحملين بتشوفينه جدامج وخلي ثقتج بالله كبيره والله بيرزقج ان شاء الله بعدين اذا انتي مواليد87 يعني توج صغيره الي كبرج بعده ماتزوج... وادعي ربج وتصدقي والله يرزقنا كلنا بالذريه الصالحه المعافاه

صح السانج ما اقدر ازيد زياده ...........

الله كريم يرزق الجميع

 

[*-زينه-*]

حبيبتي أنتي لا تزعلين و تضايقين حبيبتي بل عكس أنتي لازم تعرفين أن المؤمن يبتلى و الحمد الله على نعمت الإيمان هذا بس لا زم يسعدج و يفرحج
حبيبتي أنا يمكن أزيد منج كنت بس الحمد الله رب العالمين صدقيني لا تحاتين و الله سبحانه أنشاء الله يرزقج الذريه الصالحه
و صدقيني زيدي من الاستغفار و الصدقات و قرآة سورة البقره صدقيني بتريحج و بترتاحين
و لا تتكلمين بهل موضوع وايد و يا ريلج حاولي أنج تغيرين جو شويه لا تحطين في باله و الله يرزقج الذريه الصالحه ياااااااااااارب العالمين

 

[ردينه]

توج صغيره تعوذي من ابيليس وماكو الا العافية و شوفي غيرج و قولي الحمدالله


و انشالله الله يفرجها عليج و اتبشرينا باذن الله

 

[$غــ(ز)ــل$]

يااحيااتي انتي لازم تعرفين ان الله سبحانه وتعالي اذا احب العبد((ابتــلاه))
وقال سبحانه((وبشــــر الصــــــــابرين الــذين اذا أصـــابتهم مصيــــبه قالوا انا للــــــــه وانا اليـــه راجــــعون))
وقال سبحانه((وقلــت استغفروا ربكم انه كان غفارا يرسل السما عليكم مدرارا ويمددكم بأموال وبنيـــــــــــــن ويجعل لكم جنات ويجعل لكم انهارا))
صدق الله العظيم

انتي انسانه مؤمنه ولازم تعرفين ان هذا اختبار من ربج
لازم تصبرين وتعالجين وان شااءالله ربي ماراح يضيع تعبج
ودام زوجج مافتح معاج الموضوع انتي لاتفتحينه

بنت عمي تزوجت وطولت ماحملت (واهي اساسا ماتنزل عليها الدوره الا بحبوب)وزوجها كان سليم الحمدلله
وتخيلي 8سنين تعالج ماخلت مكان مارحتله (ادويه عمليات انابيب وعلاج شعبي)

وبالاخير راحت عند الدكتور باتريك وسوت عملية اطفال انابيب ونجحت والحين صار عندها بنوته
وسوتها بعد مرتين وربي ماكتبلها الحمل

يعني ربي متى مااراد ان بيرزقج راح يرزقج
وفي مقوله حق شييخ يقول((يابني اعمل لربك حتى يرضى لا ليعطيك)
معناته (الله سبحان اذا رضى عن العبد راح يعطيه ويرزقه من واسع فضله)

وانتي تقربي من ربج اكثر (قيام ليل..استغفار..صدقه..قرآن,,دعاء,,رقيه)

وبنفس الوقت روحي عالجي لان الله سبحانه بقول بالمعنى(اسعى ياعبدي وانا اسعى معاك)

وعسى الله يرزقج بالذريه الصالحه عاجلا غير أجل
ويرزقني ويرزق كل من يتمنى الحمل

 

[um-naser]

حبيبتي لا يضيق خلقج ربج أرحم منا كلنا وثقي ان ربج راح يعوضج خير
أنا كنت مثلج و من كثر ما عالجت وما كان في نتيجه كنت أحس اني غير عن الحريم التبويض عندي صفر
والعلاج مو راضي يسوي شي
فوضت أمري لله وتركت العلاج وأنا قلت لكم عن سالفتي جم مره بالمنتدى استمريت على حبوب اللقاح و تبخرت بالشاي
بالشهر اللي تبخرت فيه حملت عسى الله يرزقج مثلي ويبت بنت وبعدها بسنتين تبخرت مره ثانيه وكنت آخذ حبوب اللقاح
وحملت بتوأم والحمدلله ----------يللا شدي حيلج واخذي عسل مع غذاء الملكه وحبوب اللقاح كل يوم بدون توقف مع المده راح تشوفين النتيجه باذن الله وتبشرينا ان شاءالله

 

[.>حــــــــ(و)ـــراء<.]

الله يرزقج الذريه الصالحه عاجل غير آجل

و يعوض صبرج خير

 

[WaChoCha]

حببيبتي الله يرزقج ان شاء الله ويرزقنا معاج ..هذا اختبار من رب العالمين ...... انا توني اكتشفت ان مالي امل بالعيال بس الامل بالله كبير والطب قاعد يتقدم وكل شي رزق ...الله يطمن قلبج

 

[foozia_87]

ما ادري شقول لكم لاكني ....
انتوا حاسين باللي فيني وانتوا نفسكم تمروون بنفس اللي امر فيه ساعات وانا متاكده من هذا لكن ابي اشيل من قلبي حب الياهال ومن تفكيري اني احمل
بس شلون
؟؟؟؟؟؟؟؟؟؟؟؟؟؟؟؟؟؟؟؟

 

[m e m e]

فوزيه انتي مواليد ٨٧ ؟ ييعني كبري عمرج ٢١

ترى ماعندج سالفه البنات بعمرج ماتزوجوا ليلحين و انتي معوره راسج

يباااااااااااااااااا استانسي طلي قزي شوفي رفيجاتج سافري

شحقهه معوره راسج و اذا احد سألج قوولي انا توني كتكووته

انا قمت اتحاشا اليمعات منتي مجبووره تروحين اذا خايفه تسمعين حجي


انسي الموضوع

انا صارلي سنتين متزوجه وايد ناس عايروني و اللي تزوجوا معاي و عقبي كلهمم الله رزقهم

بس شسوي اذا الله مارزقني اذبح عمري؟ و لا اطق راسي بالطوفه ؟؟ لا يبا اضحك و استانس و اطلع بس اتحاشى الناس ستين الف مليوون بالطقااق

اهما الناس ليش يقولولج هالحجي؟ لأنهم ضعاااف و بيطلعوونلهم شي يتكبروون فيه و اهم بالأصح طايح حظهم

اللي الله رازقهه بالعيال مو معناته ان مستانس و اللي ماعنده عيال مو معناته مو مستانس

 

[هى وبس]

بعد عمري الله يعطيج اللي في بالك
صراحة قلبتي المواجع انا عندي بنت وولد وكان كل شي طبيعي والحين صار لي 4 سنين عمر ولدي ومادري شنو اللي اخر الحمل احترت من دكتورة لقرآن ومادري شنو السبب اخر شي قالت الدكتورة نسوي تلقيح صناعي والله كريم
الله يرزق كل من يبي الذرية صراحة قريت موضوعج ذابحتني العبرة

 

[foozia_87]

مشكورين خواتي
واختي m e m e
كلامج صح هذا اللي انا اسويه لكن اتييني ساعات اموت من القهر وبما اني صارلي فتره واللي وراي يابو و...........
ما ادري شقول قفلة صج قفله

 

[بسبوسه بالباشميل]

السلام عليكم ..

الله يرزقج يا الغاليه ..

كثري من الدعاء وتوكلي على الله وحاولي تلهين عمرج بشي ترى التفكير اهو اللي يأخر الحمل واذا كنتي تعالجين وانتي تحاتين ونفسيتج تعبانه راح تخربين كل شي ..

والله يا حبيبتي لو شتسوين لو تفكرين ليل ونهار لو تذبحين عمرج بالبجي والصياح والنواح ما راح تحملين الا اذا الله اراد سبحانه ..

اتبعي الاسباب من علاج وقرائه وتوكلي على الله سبحانه وتعالى .. واحنا ما علينا الا الدعاء لج ولنا ولكل محروم الله يرزقنا جميعا الذريه الصالحه المعافاه بحوله وقوته وفضله سبحانه ...

 

[سينامون]

ياعمري.. طبيعي اللي تحسين فيه كلنا نفسج
وحياج الله بمنتدانا متى ما حسيتي انج ودج تفظفظين تعالي واحنا خواتج
نعين و نعاون باللي نقدر عليه.
و اقري هالموضوع يمكن اذا قريتيه تحسن انج احسن.

http://www.q8yat.net/showthread.php?t=192894

 

[كويتيه مذهله 87]

حاسه فيج والله
حرام عليج أنتي مو ظالمته
يعني لو هالشي بيدج جان أنتي من زمان حامل
أنا كنت نفس تفكيرج وكنت أقول
أحس أن الله قاعد يعاقبني
لان سبحان الله أنا أول وحده من العايله تزوجت ثاني شهر ماشالله يمكن 20 وحده تزوجت بعدي كلهم أحملوا إلا أنا والله ما أبالغ كنت أقول ليش مو أنا أكيد هذا عقاب بس دريت كل شي له حكمه ماتدرين أذا أنا عندي ياهل الحين شنو بصير فيني
كل شي له خيرا
مثل ماقالوا البنات أحنا صغار أنا قدج خل نستانس وهذا الشي بيد رب العالمين ولا تقطعين الأمل الله بيرزقنا إن شالله وباجر بذكرج

 

[m e m e]

مشكورين خواتي
واختي m e m e
كلامج صح هذا اللي انا اسويه لكن اتييني ساعات اموت من القهر وبما اني صارلي فتره واللي وراي يابو و...........
ما ادري شقول قفلة صج قفله

اشحقا تنقهرين عبالج وناسه وحده بطنهه متفووخ و لا شايله ياهل؟ حامل يعني نسات و ترجيع و تعب وولاده

و اللي عندها ياهل تشييل همه و اذا صار مريض نفسيتهه بالقاع و اذا مادرس شوفي شلون تاكل اب عمرهه


قولي الحمد الله كل شي نعمة من الله حتى العقم نعمه لأنج يمكن الله يبلييج اب ياهل معاق او مايبرج او عاصي

كل شي خيره

 

[اوملييتا]

حبيبتي والله جنج اتحجين عنني بس شنسوي هذا امر الله والصبر مفتاح الفرج
ودايما ذكري رب العالمين و عرفي انج من المناس الللي الله يحبهم لانج مبتلاه
هذا بلاء من رب العالمين

قولي الحمدلله على كل حال

 

[سراج الليل]

وربي انج ذكرتيني بنفسي قبل تصدقين كنت لما أشوف خواتي وعيالهم وإلا رفيجاتي اللي أنا متزوجه قبلهم بسنين و بنت اختي اللي بيني وبينها 5 سنين نص حملت وصار عندها ولد يتقطع قلبي أقول ليش اهم حملوا وأنا لا ؟

أنا لو عندي بنت أو ولد جان عمره 7 سنين


بس والله والله ثم والله حتى يمكن بنات قسم تجمع الأمل يذكرون كنت ساعات أنهار من كثر تفكيري بالحمل


رحت 3 دكتورات ورحت حق وحده ذكروها لي البنات فالمنتدى تعالج أعشاب وماستفدت شي بالعكس أطلع منهم حالتي حاله بجي وماحه


بس سبحان الله قلت ليمتى وأنا جذي ؟ لازم أغير وهم والتفكير يأخر الحمل


قلت لازم أطلع من هالجو دخلت قسم سوالف وفرفشه وكل يوم سوالف وبصراحه كل ماتذكرت الحمل أقول خيره لي وأنا متفائله وأصلن بشوف ضناي الحين أو بعدين ودشيت انتخابات عشان أنسى أكثر


وربج مانساني قبل الدوره تنزل علي صار فيني من تحت عوار والله كنت أقول أكيد التهاب لأنه قبل فتره طلع فيني التهاب بكتيريا على عنق الرحم تذبح الحيوانات المنويه وكنت أخذ علاج عنها والدكتوره قالتلي هالشهر مستحيل تحملين

بعد جم يوم ظهري وبطني عوار الدوره نطرت اليوم الأول والثاني والثالث والرابع بس سبحان الله ماكنت ناويه أحلل لأني مستبعده الحمل بس زوجي حن علي لأنها أول مره تتأخر الدوره علي حتى كنت أقول حق زوجي نفسيتي حلوه أخاف أحلل ويطلع سلبي وأرجع للهم بس ماقدرت على حنت زوجي حللت واااااااااي لو تشوفيني لمن قالي في حمل ماصدقت أقوله شنو ؟ قال في حمل طلعت رحت لثاني أوريه ورقت التحليل قلتله شنو فيه قالي مبروك في حمل


والله والله ثم والله ماتصورون صدمتي على خوف وكان ودي أصرخ أنا منقبه تخيلوا حاطه ايدي فوق النقاب على حلجي وأول ماشفت زوجي مت بجي المسكين يقولي شفيج قلتله حامل بس مو مصدقه روح اسألهم وراح سألهم وجاني ركض يبوس راسي يقولي مبروك والله صارت فيني رجفه تقولين أرقص مصري


على طول قلت لزوجي أبي تحليل منزلي قالي ليش ؟!!!


قلت تذكر لمن حللت وطلع سلبي كان يذلني الحين بذل الحقير !


المهم شريته واستخدمته وطلع خط وبعدها بجم دقيقه طلع خط فاتح جان أطلع لزوجي أقوله ذليت الحقير وريته إني حامل !



وأنا بعد جم يوم بدش الثالث <<<<< ادعولي الله يثبته



أدري طولت وقلت قصة حياتي


أنا حبيت بس أقولج انسي سالفة الحمل وخلي ثقتج بالله كبيره والله قادر على كل شي وصدقيني بيرزقج من غير ماتدرين


الله يرزق كل محرومه عاجل غير آجل



ياااااااااااااااااااااااااااااااااارب