ما احب ريلي :'(

[درة أهل الطولات]

قولي الحمد لله وبس

 

[شادن33]

ويعه هالسوني عيالي لاصقين فيها لصقه ويندمجون مايطيعون يهدونها يمكن اهو اصغير بالسن مرده بيفهم وضعه ليمن ايي البيبي

 

[Kamla:)]

تدرين لما اقوله لي متى هالسوني وهاللعبه السخيفه يقولي شفتي هذا رفيجتي فلان عنده ٣ عيال وعمره بالثلاثينات ويقعد يباريه ويييع
احسه موريال فهموني بنات ما اتخيل اعيش كل عمري معاه ! تخيلو ما اكل وجبه معاه ! لانه كله نايم
عروس اكل بروحي اتغدا واتعشا واتريق بروحي ويع عيشه خايسه
يانا رمضان طبعا ولا صلاة يصلي وصايم !!!!! وفوق هذا مايتفطر الا الساعه ٨
اروح اكل مع حمولتي بروحي وكنت توني متزوجه يقولون وينه نايم اعيز اقعده للفطور
صلاة العيد طبعا ماكو مااادري شلون بربي عيالي معاه وبالعيد اقوله انزل تعال معاي انا عروس بروحي
يقولي بنام وطبعا ما عايد علي ولا على احد وانا قمت افرفر مع اهلي بروحي جني عزوبيه
عاد صار المغرب بالعيد ادق عليه مايرد جان انا ارد البيت ولا نايم وعصبت عليه
لما اقول حياتي سخيفه معاه جد حياتي سخيفه انسان بليد تافه سخيف ممل احس مالا لزمه بالحياة
طبعا ماعايد على احد من اهله ولا اهلي

 

[شادن33]

حبيبتي والله صاجه مو الحياه جي العيد موحلو بس مادام يحبج وهاي نقطه ضعفه عوديه علي اللى تبينه علشان ماتزعلين عليه بعدين انت تقولين انه مايرفضلج طلب وشوي شوي بتغيرين اسلوبه

 

[شادن33]

وهالعيد اصري على انه يروح يعايد على اهلج وقولي ترى الناس كلوا ويهى يقولون وين ريلج وانا اتفشل وعليه يمكن مومتعود انتي علميه

 

[Kamla:)]

لاا انا حاولت فيه ماكو فايده عادي عنده مايعايد على اهله ترا متعودين اهم عليه
واهي يدق تلفون بس لو اقوله فشله عادي عنده شنو فشله اهم شكو يرد علي جذي
انا تعبان وبنام وذبحني بكلمه تعبان وزهقان اقوله من شنو بس يقول زهقت وتعبت من الدوام معنه دوامه مو تعب ويروح شبعان نوم ويلعب جنجفه بس قلتله لانه انته ماعندة شي تسويه تعبان من النوم والقعده والسوني سخييييييييف
ترا انا بس ابجي من حملت كارهته وكارهه العيشه معاه

 

[شادن33]

بس حبيبتي انت لازم اتبينيله ان الحين انت غير متزوج ولازم تتوجب اهلي اهله كيفه يعرفون طبعه بس اهلى يزعلون وصراحه انا اكون مفتشله وأما سالفه النوم والسوني خليه علي كيفه دام اهو قايم بواجباته

 

[Kamla:)]

شادن انتي موفاهمتني
انا عايشه معاه عيشه خايسه اقول زوجين وجبه وحده باليوم ما نتجابل فيها ! العيد اقوله فشله وانته متزوج يرد علي بكلمه خايسه اهي يحترقون انا شعلي
ردوده دايم مو بمحلها مايعرف يسولف اقوله وانا اسولف اختي وريلها مسافرين وصارلهم هالموقف معناة كلامي ناخذ حذرنا من هالموقف تدرين شيرد علي
يرد صحه اقوله صحه شنو يقول اهو حمار اقوله ليش يقول جان سوا جذي اقوله مايصير يرد حمار اقوله تكلم عدل شنو هالاسلوب يرد اي حمار بغيت اقوله انته اكبر حمار والشرهه علي اسولفلك وكله يغار من ريل اختي اهو احسن منه وااايد وريال وتصرفاته رياييل بغيت اهزأه ذاك اليوم بهالسالفه وعنده ريل اختي غبي وانا اقوله مافيه شي يغار منه حيل واذا سأل عنه قمت اقوله مالك شغل لانه يقهر.
ومره اسولف عن احداث لندن واقول طاع شنو قاعد يصير تهقى من شنو هالشغب يقولي يحترقون اقوله اي بس بدايه الشغب كانت انه رفعو الضرايب وهم بطاله كبيره يرد شعلي اكمل تصدق امتدت لمناطق ثانيه يرد شسوي يعني
عرفتي شلون انسان سخيف ممل ردوده مو بحملها يرد
عادي مايوجب مايروح زعلت منه وعصبت وبعدين راضاني وسكت حسباله راضيه
واهو لما ازعل عليه يراضيني وعادي يكرر اللي مزعلني عشانه ويطخخني وحسباله رضيت بس انا شايله بقلبي عليه وماحبه ومالامكان

 

[Kamla:)]

اهو قايم بمصروفي ومخليني على راحتي اروح وارد ومحترم مايغلط علي ويحبني
عرفتي بس هذيل الاشياء ومايحب يزعلني بس الا النوم مايقوم لو شنو اسوي ويييع لو اسوي حفله بالبيت مايقوم

 

[طموحه بزياده]

يعني معقوله اهلج ما يدرون لو ذره انج مو متقبلته؟؟

عفيه عليج تمثلين عليهم


انا مثلت اول الايام بعدين ماقدرت اتحمل ههههههه[


زين بسألج عقب كل اللي كتبتيه اكيد انتي في بالج شي؟ شنو تبين بالضبط؟ ودج تنفصلين؟ ولا ودج تلقين ردود تساعدج؟ ولا بس مجرد فضفضه؟؟؟

 

[Kamla:)]

انا ابي اطلق بس ماكو سبب !! اذا قلت لاهلي كلهم بيوقفون ضدي هذا البي ابيه
لاني مو متقبلته بنفس الوقت خايفه وببطني ياهل انا ماحبه اكرهه

 

[LoLaTi]

جم عمره زوجج

 

[Kamla:)]

22. عمره

 

[يؤ !!]

الله يكون في عونك ويصلح الحال

 

[دلوعة أبوهآ]

خلاص طيب تطلقي منه دامك مو طايقه منه أي شي ..
كل اسلوبك وكلامه عنه بالشين
خلاص اطلبي الطلاق وخليكِ بحالك وهو بحاله

 

[ملح على الجرح]

الله يكتب اللي لك فيه الخير والله لو انا منك ما أتطلق مدامه عازني ورازني
وبعدين ع 22صح أكيد أنتي أصغر منه يعني يمكن توك ماتعرفي معنئ الزاوج بس نصيحه قبل تتطلقي أستخيري ربك وشوفي شنو بتسوين
ويارب يكووون بعونك

 

[Kamla:)]

بس شلون افاتح اهلي خصوصا يقربلي من بعيد مو عارفه
اهلي يحبونه مو عاارفه

 

[Kamla:)]

انا 21 حبيبتي انا ناضجه وفاهمه واهو انصدمت امبيه جنه عمره 14 ويع

 

[ملح على الجرح]

الحب يجي مع الوقت بس. أذا ما تحبيه ولا تطيقيه. أطلبي الطلاق بس بالا ول أستخيري ربك ستخيري وكلميه عن شعورك تجاهه وبعدين تفاهمي أنتي وياه

 

[ملح على الجرح]

سبحان الله الله يكون بعونك