ما ادري اضحك ولا اواسي مرت حماي

[tota-elktkota]

زين سوت انها حقرتها مثل مايقولون الحقران يقطع المصران
ولو اهيا متكلمه جان تهاوشو هذيج تبي تتحرش عشان تسوي مشاكل احسن شي تحقرونها وتخلونها تاكل روحها بروحها من الحره كككك
امبيه حركات سخيفه

 

[HaSooNa82]

من صجج تبيني اكلمها بيني وبينها انا مرة من زمان كانت تتشكى ان ماعندها مصرف وعن حالتهم المادية اهيه وريلها عقبها بجم شهر يت تتفلسف تقول ان دخلت ولدها مدرسة خاصة (فوق الالف دينار ) من باب الميانة قتلها انت مو من جم شهر قاعدة تتذمرين من المصاريف ماله داعي مدخلته خليه بالحكومة حاله حال اخوانة اشزينهم جان اتعصب واطنقر وتقول انا اعرف اشلون اتحكم بمصروفي يمة ما بغيت الا نفسي قلت والله بالعنة انت وعيالج

 

[شـو shoo]

رد : رد: ما ادري اضحك ولا اواسي مرت حماي

اسمحيلي

بجد وقحه

 

[al3ta]

رد : رد: ما ادري اضحك ولا اواسي مرت حماي

ماسوت كذا الى لانها غيرااانه منهااا

خل تسفهها ولاحتى تسلم عليها قليله الادب

 

[*صَبا*]

انا مستغربه ترى الخادمه انسانه ويمكن تكون احسن منا

ليش مقللين قيمتهم ومستهزئين فيهم

استغفر الله

 

[شخابيـط]

رد : ما ادري اضحك ولا اواسي مرت حماي

صدق المثل القائل تسعين امرأه بعقل دجاجه

 

[فرحه عمر]

عاااااااادي تعودت على خبال مرت حناي العود
يامعوده قرقيعان بالطقاااااااااااق ولا تتحبل حق عيالج وتطقهم وتركض حق زوجها وتتبلى عليج والريل الاهبل يدق على زوجج يتشكى ويقثكم ؟؟
والقرقيعان وااااااااايد صارتلي مواقف بايخه ماقدر اقولها اخاف حريم حمواني يعرفوني لانه حركاتها فللللللللللله مبدعه محد سواها قبلها

واللي يضحك بالموضوع انه الثانين الصغار قامو يسون حركات خبال مثلها مايدرون انه ((( الكل يعمل باصله )))

فنصيحه الفطافيط الصغار البنوتات اللي في بيت حموله لا تسوين مثل خبالهم ترى الناس تبي الشماته والمطنزه فلاتخلينهم يمسكون عليج ممسك واذا غثوج عندج 3 اختيارات
1- سكتي ولج الاجر ههههههه صعبه ادري
2- حقريها وغيري الموضوع جنج ماسمعتيها >>> يبيلها شطاره وتدريب عملي مستمر هههههه
3- ضحكي وردي عليها المغثه بغشمره جنج سامعه نكته <<< بس حاولي ماتكونين معصبه وختاري الفاظج عشان ماتنقلب عليج السالفه نكد

 

[عاشقه رويشد]

خطنش طاف وعليه اللي ماله لسان بهل وقت ما يعيش

 

[مريوم النزغه]

رد : رد: ما ادري اضحك ولا اواسي مرت حماي

انا اخذ قرقيعانها و اقول بصوت عاااااااااااالي عشان الكل يسمع :eh_s(14):
هذا قرقيعان منو لو نعطيه الخمام اللي بالشارع يحذفه بالزباله :tomato2: حتى الخدم يبون الزين
و مثل ما اعلنت الحرب انا اشن عليها هجومي الكاسح :j013: <<< ماقدر على التعبير :eh_s(22):
نياهاهاهاهاهاهاهاها _03BA:
بس والله كسرت خاطري مرت حماج الله يعينكم على حميسه مادري حليمه اللي عندكم ​

 

[Miss McDonald]

إن لم تستحي فافعل مآشئت ..!
عديمة ذوق وتربية ..,
.
بس لو أنا منهآ آعطيهآ اقووولهآ ودي بو100 فلس للخدم آبرك
,
الله يعينكم عليهآ ,,

 

[اميرة-الاحجار]

والكاظمين الغيظ والعافين عن الناس والله يحب المحسنين .
اهي اطلعت بالشينه وفشلت روحها بحركتها الهيلقيه ومرت اخوج ظلت ببرستيجها وكبرت بعين الناس انها سكتت لو راده عليها جان صارو سواسيه بس اهي لاتحط راسها براس وحده سفيهه

 

[دانة حبيبها]

رد : رد: ما ادري اضحك ولا اواسي مرت حماي

:
:

والله لو انا منها ..


ابتسامه و نظره حقيره .. اخليها تكرهه عيشتها ..

و انا اضحك و اكمل اليوم عااااااااااادي !!

وليش اقث روحي اهيا تحاول تقثني !!

و ان انقثيت ما ابين لها لانها تبي هالشي بكل الاحوال !!


:
:

 

[ياعيون مغليك]

احسن لها انا تسكت هذا افضل حل
وتخلي التحكيم والرد للي قاعدين عندها

احنا صارلنا جذي مرت اخوي على طوووول اختي تتنقص لها ملابس لبنتها وكلهم غاليات فوق ال30
وحتى ملابس البيت بجايم الرسوم وجذي تجيبه لها طلبيات تموت فيها

بس للاسف لما بغت تسافر خدامة مرت اخوي امي شكت انها بايقه اغراض من المطيخ وفتشت اغراضها ولقت كل ملابس اللي شرتهم اختي معاها وقالت ان ماما عطتها انصدمنا يعني مو لهلدرجه دناءه ملابس ماركات تنعطى للخدامه باكياسهم حتى ماانقاسو؟؟

والله اخذتهم اخي منها وعطتها بدالهم عشرين وودتهم للزكاة
عالاقل تتصدق فيهم ولا تروح لخدامه

 

[دلع العتبان]

شفيهم جنووا الحريم الله يستر علينا

 

[الرها]

لو انا ادووس في بطنهاااااااااااااااااااااااااااااااااااا

 

[كويتية قديمة]

رد : رد: ما ادري اضحك ولا اواسي مرت حماي

:
:

والله لو انا منها ..


ابتسامه و نظره حقيره .. اخليها تكرهه عيشتها ..

و انا اضحك و اكمل اليوم عااااااااااادي !!

وليش اقث روحي اهيا تحاول تقثني !!

و ان انقثيت ما ابين لها لانها تبي هالشي بكل الاحوال !!


:
:

:s142:

 

[لوازم العائلة]

رد : ما ادري اضحك ولا اواسي مرت حماي

الله اعلم بنيتها
بس الحركه كلش موحلوه

 

[i'm so happy]

صج صج قلة ادب ولاااا عمرها 38 مو ياهل واللي اصغر منها اعقل منهااااااا ههههههه

بس تبين الصج لو مكان الجنه الصغيره جان بسوي مثل الشي باخذ قرقيعانها وبوزعه على الخدم ولااااا وانا أضـحـك

 

[نوراء]

هذي وحدة ما تعرف الذوق وقليلة ادب صراحه بس لو مكان مرت حماج ما اسكت لها

 

[*أم*خالد*]

كافي انه موقفها وكلامها خله الغلط عليها مرت العود

وطلع مرت الصغير اهيه الفقيره

يعني جدام الكل الصغيره اهيه الرابحه والكبيره خسرت احترام الناس لها

المفروض تضحكون عليها وتبينون لها انه حركاتج حركات يهال سليمه