ما ادري شنو اسوي بنات ساعدوني انا ضايعه

[صاحبه التميز]

امس كنت طالعه مع ريلي وقبل لا انزل احتجت الخرده اللي بسيارتي انصدمت لما لقيت خط وطنيه قلت له شنو هذا قال ما ادري كنت بشوف مال منو قلت له خط مكسور يركب لآيفون فور ؟؟ مال منو هذا ..
المهم نزلنا وما حبيت ابينله ان مهم عندي لما اتأكد شنو بالخط ولاحظت ارتباكه اشوي بس مو متأكده .. بس استغربت لو صج على كلامه جان ياني وقال منو خطه اللي بسيارتج لان محد يركب سيارتي الا اهوا وانا وكانت سيارته خربانه قلت اكيد حطه ونساه .. ردينا البيت ما قدرت امسك ادموعي وقهري وبس بجيت حاولت ابطل الخط في رقم سري ما يتبطل واهوا يقولي شفيج زعلانه انا مضايقج زعلانه مني اتعذر بالحمال والتعب .. ما ادري شسوي تكفووووون تعبت من امس مو نايمه وبس افكر

 

[ElN00R]

لا تكلمين في الموضوع راقبي بصمت ولا تقصرين عنه ولي تاكدتي من السالفه لنا كلام ثاني

 

[كليـ دلعـ]

الله يعينج

مادري شقولج

الاكيد ديري بالج ع نفسج

ترا اهم مرتاحين

واحنا اللي ناكل بعمارنااا

 

[popa]

يمكن مو له

 

[Patcholli]

انتو الاثنين الوحيدين اللي تستخدمون السياره اذا مو له لمنو بيكون ..؟؟
حبيبتي لا تعيشين مغفله وتسكتين عن حقج واجهي وخلج صريحه شنو يعني خط بسيارتج ويقول مادري شالاستغفال ..؟؟

 

[الأميرة جوري]

عادي صارحيه بهدوء.....مع انى متاكده راح ينكر ....بس شوفي ردة فعله

 

[ياليتهم يشعرون]

غريبه شلون نساهـ يمكن يبي يثير اهتمامج

 

[اميره1980]

اذا انتي واثقة فيه خلاص عطيه طاف
بس اذا عليه حركات ما يبيله كلام

 

[tunaQ8]

انتو الاثنين الوحيدين اللي تستخدمون السياره اذا مو له لمنو بيكون ..؟؟
حبيبتي لا تعيشين مغفله وتسكتين عن حقج واجهي وخلج صريحه شنو يعني خط بسيارتج ويقول مادري شالاستغفال ..؟؟

سبحان الله ..........
بسرعه حكمتي عليه مغفله وساكته عن حقه. لا وتحرضينه على المواجه والصدام مع زوجه حبيبتي ليش التحريض ياحبكم لخراب البيوت بدل ماتهدينه وتوخرين الشك منه تكتين الزيت على النار. الله لايقوله حطي نفسج في مكانه تسوين وطبقين نصايحج. ماأعتقد!!!!
الله يسامحج
أنا اقول الحكمه والتعقل واجبه بالمواضيع الي تمس اركان الزوجيه .

 

[غلاي رورو]

يممممممممممممه 0_0

بنات وشو ذا استغفففر الله ياربي

^ انتي ماتستحين وش هالصور الله لايسخط علينا اعوذ بالله

 

[tbola]

لا حوله ولا قوه الا بالله ياتوحه شهالصور؟

 

[reem83]

استغفر الله شنو هذا

اختي اخذي الخط وكسريه عساس ماتدرين شفيه بسيارتج

 

[رنيم الروح]

اعوذ بالله من غضب الله وين الحياء وين الخوف من الله قــــــــــــــــــلنا نتثقف بالنصايح مو الصور الاباحيه محرمه وين المشرفه من جد يحذف مشاركة الاخت

 

[دلع انثه]

تفاهمي معاه بهدوء صج شي يقهر بس خلاص لازم تتحملين والله يسهل امورج

 

[Tom ♥ Jerry]

,


ليش تتعذرين بالحمآل :/ ؟!
وآجهيه قوليله الي فيج حبيبتي لا تخشين شي
خل تكون علاقتكم وآضحه ..

 

[Mjnont '3lay]

حبيبتي مالج غير المواجهه بس بهدووووووووووء عشان نفسيتج وعشان مايصير تصادم او تهرب من الموضوع
الحل اقعدي معاه بهدووء تعال يا فلان محد يركب السياره الا انا وانت مافي غيرنا والخط اكيدد اذا مو لي معناه لك
ميخالف صارحني انا زوجتك مافيها شي لو قلت لي والله يغفر واحنا العبيد مانغفر وكل انسان يغلط بس كل انه الانسان يغلط ويتعلم من غلطه
انت صارحني وصدقني بتكبر بعيني < جذذذذذذذذذي عطيه بهالاسلووووب والله رح يستحي انه ينكر اصلا رح يتسحي على وجهه ويتفشل اذا كان عنده شي وخاشه عنج واكيد رح يقوول
اما بالهواش والعصبيه والنجره والصراخ صدقيييني يا حبيبت قلبي ما رح تستفيدين غير انه ينكر ويقلب الدنيا على راسج وانتي بتتعب نفسيتج
ولا تسيئين الظن بالرجال انتي اقعدي معاه وحاولي تفهمين منه من سوالف المحقق كونان والله يوفقج يااارب حبيبتي ويقومج بالسلامه
وعلى فكره حتى لو صارحج انه عنده شي اخذيه بالاحضان وبوسيه وقوليله كل انسان يغلط محد معصوم عن الغلط بس اوعدني انه ما يتكرر الغلط مره ثانيه ومن غير دموع ومن غير حساااسيه المره الذكيه هي اللي تكبر نفسها بعين رجلها وهي اللي بيدها تقدر تحافظ على نفسها لا تخلين بنات ابليس يحلون مكانج

 

[Mjnont '3lay]

كويتيات كويت اذييييييييييييييتينا والله ما صارت هالدعايه اللي بكل موضووووع رازته لنا

 

[توبآت]

إختي لأتتسرعين يمكن مب له بنآت حرام عليكم يحرضونها ع رجلها وتخربون بيتهم لو إنتي واثقه من رجلك مب مسويها اكيد

 

[غنج اهلها]

مدامه انكر انه له انسي يعترف

كسري الشريحه وامرج لله

 

[راجية الرحمة]

كويتيات كويت اذييييييييييييييتينا والله ما صارت هالدعايه اللي بكل موضووووع رازته لنا

عاد انا صدقت وسجلت بالمنتدى وانواع التهديدات
لاعت جبدي مايفتحون المواضيع لين اشارك
لا وفيه تحذير اذا ماشاركت خلال ثلاث ايام جنه يلغون عضويتي
قلت احسن ماحب الغصب