ما اقدر أبرهاااااااااااااااااا !!!!

[sh_mashael]

انا امي اتزفنا و تعصب علينا و تسبنا بس بالمقابل اهي اللي متحملتنا و متحمله البيت فوق راسها
ف عادي تمون
و ان عصبت او زفت ف اهي تبي لنا السنع و الزين

و امج يمكن تكون عليها ضغوطات خلتها تعاملكم جذي
جربي تييبين لها هديه
و تحاشيها حتى لا تشوف ويهج

و صدقيني راح تستغرب و يمكن تغير اسلوبها

الله يعينج و ييسر امرج

 

[.حــنــان.]

الله يهديها يا رب

شنو اهي من زمان جذي ؟!!!!

 

[ملاك ^ الحب]

الله يساعدج

صج مو كل ام ام

بس شنو راح تسوين غير انج تصبرين هذي امج

صدقيني على كلامج هذا اذا طاحت امج انتي اول وحده توقفين يمها

لان مافي احد مايحب امه حتى لو شنو كانت

اشكي لله وادعيلها بالهدايه وخليج على ثقه بان ربج راح يعطيج الي تبين

 

[قبسات]

انا لله وانا اليه راجعووون
شوفي حبيبتي هذآآ الدنيااا كللل انسان مبتلى وانتي مبتليه والله يعينج
يمكن امج فيها شي يعني حاله نفسيه مثلآ لاتشرهيين عليها وحقريهااا والله لج ثواب انج مستحملتهااا
الله يفرج عنج انشاءالله ازمه وتعدي ماعليه عمري عليج بالصبر

 

[بنت الكويت &]

البنات ماقصروا بِــ̯͡سّ حبيت اضيف شغله الله امر بر الوالدين اذا كانوا كفره فمابالج اا كان مسلمين وماحرضوج ع عصيانه مالج الا الصبر ومثل ماتقولين اهي تحب الفلوس حاولي تتقربين منها بالفلوس عطيها فلوس احتسبيه بر يمكن ترضى عليج وتكف شرها عنج والله يهديها وياجرج

 

[‏ڝڋٸ ٵڸڪٿہـآڻ]

الله يسخر أمك لك .. كل شي تسوينه لها خليه لله رب العالمين .. تعاملي مع الله مو معاها وربي أذا شاف اخلاصك معاه وصدق نيتك رح يفرجها لك من سابع سما .. ويمكن أمك أحد طاقها عين أو جاها حسد ..أكيد عندها مشكلة ... وإذا تكلمت عليك مو معناتها انها امك يعني كلامها صح .. لاتسمحين لاحد يقيم اخلاقك حتى لو كان أمك وأبوك أنتي ادرى بنفسك والباقي كله كلام اسمعيه من اذن وخرجيه من الاذن الثانية ... أهم شئ تكونين واثقة بنفسك وقبل وثوقك بنفسك تثقين بالله .. لاتظنين بالله إلا ظن حسن .. وخلي عندك امل كل يوم انها رح تنحل المشكلة ... سبحان الله الدعاء لله ممكن ماتتم الاستجابه لحكمه ارادها الله لكن مكانها يجيك طمئنينة وسكينه في النفس لو الدنيا قدامك كلها تحترق ماتهمك .. وحاولي دايم تشغلي نفسك بشئ يكون مفيد لك لدرجة انه مايكون عندك وقت تفكري بسوالف امك الله يهديها ..
أدعي هالادعيه أحب اقولها وحتى لو مانحلت مشكلتي سبحان الله احس بسعاده داخليه مدري وش مصدرها
سبحانك ربي ماأحلمك وبحالي ماأعلمك ..وعلى تفريج همي ماأقدرك أنت ثقتي ورجائي .. فأجعل حسن ظني فيك جزائي
يامن يحول بين المرء وقلبه حل بيني وبين مايؤلمني ويؤذيني ...
اللهم عزز ثقتي بك وحسن الظن بمقاديرك ..

 

[bacher a7la]

حبايبي والله ما قصرتوا :*

و اللي تسأل من زمان جذي ،، اي بس هالمره بزياده ،، من زمان قاسيه بس زايده لأنها تستغلني و صار عندي معاش ! وانا مو مقصره معاها بالهدايا والله يشهد ! و ينقطون بالكبت بعد وفلوس أعطيها بس تبي أكثر ! يا تاخذ نص المعاش يا اتعصب ! انا عندي التزامات وزين يكفيني لي اخر الشهر :/

اهيا طول هالسنين تتهاوش معاي وتطردني واتقولي مابي اشوفج لي طلب منها شي حتى لو بسيط ! والله عال ٥٠٠ فلس اتهزأ !

وبعد اللي سوته قلت ميخالف بس اهيا ما تشبع كل شي تبي لها


استغلالييييييييييييه

مو ما تبي تشوفني؟ خلاص انا قاعده اسوي اللي تبيه !

 

[أم علي الرفاعي]

بنات حبايبي ..

مو كل ام ام !!!!

الجنة تحت اقدام الامهات مو اشباه الأمهات ؟؟؟

هذا بلاااااااااااااااااء والله يصبرج عليه

تحاشيها كثر ما تقدرين !!

والمشكلة ان البعض ما يعرفون شي اسمه (عقوق الأبناء)


وربكم ما يترك ظالم

واذا الجنة تحت اقدام الأمهات اللي جذي
عيل اللي يسوى واللي مايسوى بيدخلها

وطبعا هذا مو منطق ولا عدل !!!

الله اعدل العادلين

" وقل ربّ ارحمها كما ربياني صغيرا "


الأم اللي تربي وتتعب على عيالها
مو اللي تولد !!!!!!!

مسكين اللي لسانه سليط
عقابه عسير عند رب العالمين !!

والله يكتبلج الزوج الصالح اللي
يسعدج ويهنيج ...
وينسيج هالعيشة ,,

 

[bacher a7la]

بنات حبايبي ..

مو كل ام ام !!!!

الجنة تحت اقدام الامهات مو اشباه الأمهات ؟؟؟

هذا بلاااااااااااااااااء والله يصبرج عليه

تحاشيها كثر ما تقدرين !!

والمشكلة ان البعض ما يعرفون شي اسمه (عقوق الأبناء)


وربكم ما يترك ظالم

واذا الجنة تحت اقدام الأمهات اللي جذي
عيل اللي يسوى واللي مايسوى بيدخلها

وطبعا هذا مو منطق ولا عدل !!!

الله اعدل العادلين

" وقل ربّ ارحمها كما ربياني صغيرا "


الأم اللي تربي وتتعب على عيالها
مو اللي تولد !!!!!!!

مسكين اللي لسانه سليط
عقابه عسير عند رب العالمين !!

والله يكتبلج الزوج الصالح اللي
يسعدج ويهنيج ...
وينسيج هالعيشة ,,

قلتي اللي بقلبي واللي ابي اوصله لهم :* :eh_s(7):

 

[رجااوي]

الله يهديها لكن بعض الامهات الا غصب تخلي عيالها عاقين بصرفاتها !!

 

[أكذب عليك]

مابي احط نفسي بمكانج لانه صعب اشوف امي جذي

بس حطي في بالج شي موكل الامهات زينات



ايام الدعوه لرساله كان في صحابي امه تلعنه وتسبه وتلعن بالرسول وتلعنه

وتعرفين الرسول صلى الله عليه وسلم شنو كانت مكانته عندهم وكان يكلم الرسول انه

مايقدر يبرهااا لان تدعي عليك يارسول الله



فقال (هالكلام سمعته من داعيه ) انه برك فيهاااا على اللي تسويه فيك

يمكن يكون شفيعك للجنه ويكون عملك افضل من جهادك في الاسلام نفسه



لاتطلبين انها تتغير وخلاص العمر ماراح يدوم لا لج ولا لهااا

بريهااا ولو كانت شنووو وتحملي بيجيج الفرج من ربج وربي بيرزقج

فكري برضى ربج مو برضهااا فكري باخرتج لاتفكرين فيهااا



اذا هي ماكانت الام لج فانصيحتي لج يا اختي كوني البنت لهااا

والله بيرزقج

 

[afaf]

ياحياتي الله يصبرج ويكون بعونج ويهدا امج يارب

 

[Japanese]

واي عندنا وعندج خير

ع الآقل انتي قاعده ف بيت ابوج!

انا امي يت وياي اميركا واحس شي من هالآشيا بيصير ياآني بموت بسكته قلبيه ولا بنتحر اسم الله علي ولا إن نفسيتي

بتصير زفت وبرسب اسممممم اللله علي بعد بس خلاص مب قادره! شعري كله صار ابيض اكل ماقمت آكل مع ان حمدالله ماعندي

مشاكل بالشهيه!! دراسه مافيه وقت دام الوالده تبيني اجابلها!!! رفيجاتي ماقدر اروح استانس وياهم

تعبت نفسيتي احس الدمعه بطرف عيني خلاص

الله المستعان

 

[المكسيكيه]

لا حول و لا قوة الا بالله العلي العظيم

 

[روز بآريس]

الله يصبرج

 

[sho-sho_93]

راح تظل امج مابيدج شي تسوينه غير تدعين ربج يهديها

 

[وش تبي]

الله يفرج همج وبدعي لج بصلاتي ان شاء الله عسى ربي يفرج همج

 

[Alias]

حبيبتي اعتبيريها بنتج هل راح تتحملينها انصحج استيشيري مستشار لا تظلين تقاطعين امج

 

[latkt7as]

الزمن الي احنا فيه ماصرنا نستغرب من اي شي


لكن هذي امج مايجوز تدعين عليها او تحسبين مهما كان

بريها وتحاشيها


وادعي لها الله يهديها ويسخرها لج

الله يكون بعونج حبيبتي

 

[bacher a7la]

مشكورين بنات :*

Alias : مستشار شنو ما فهمت ؟

يعطيكم العافيه :*