ما اقدر ادخل على ايميلي

[برنسيسة Q8]

اشلونكم شخباركم

انا قاعده احاول ادخل على ايميلي مو راضي يدش بعدها دخلتله من الهوتميل ما صار بعدها طلعلي

" لقد حاولت تسجيل الدخول لعدة مرات باستخدام عنوان بريد إلكتروني غير صحيح أو كلمة مرور غير صحيحة."

حده ضاق خلقي مو راضي يدش

وحتى الفيس بوك مو راضي يدخل عليه مع انا الباس وورد مختلفين تهقووون انباق ايميلي

ناطرتكم ابي مساعدتكم اذا في حلول حق هالمشكله او تهقون هكرز خذاه

 

[CANDLES]

حاولي ادشين بوقت ثاني اتصير فيني وايد دامج متاكده من ان الباس وورد والايميل صح حاولي بوقت ثاني

 

[A. Fashion .Q]

خيتووو تاكدى انج حاطه الباسورد باللغه الصح , اذا انقليزى او عربي

واذا الباسورد انقليزى تاكدى انج مو حاطه ال caps lock

او جربي تدخلين من جهاز ثانى

واذا نفس الشى عيل يمكن ايميلج انباق , اذا حاط ايميل بديل حق الايميل يدزونلج عليه باسورد ايميلج القديم

وانشالله ما انباق

^_^

 

[برنسيسة Q8]

اضاهر انباق سويت كل طرق ما صار تعرفون طريقة ارجع الايميل فيها

 

[BaTTy]

جربي مرة ثانية لانه نفس ما قالت حلاوة تصير ساعات بعدين يرد طبيعي
بس اذا انبااق
انتي ذاكرة الجواب السري الي يوم سويتي ايميلج كتبتيه ؟؟
اذا ذاكرته ان شالله تقدرين تردينه
و هم في سالفة الايميل البديل لما سويتي ايميلج هذا تذكرينه ؟؟
يا الجواب السري او الايميل البديل

 

[ع ــندك / خ ــبر]

بنات نصيحه اللي بتسوي باااااس


تحط هالحركات .. @#$%^&*


ترى صعب يبوقونه بعدين ^_^

 

[برنسيسة Q8]

مشكووووووووورين يعطون
واااي بنات تصدقون نص رفيجاني باقو ايميلاتهم متنا من الهكرز وانا اخوي شايش علي على صوري اللي بلاب توب ومسحهم كلهم