ما عندج خدامة؟؟؟!!! تعالي ابيج

[ورد و ريحان]

انا اكثر شي بالحياة اكرهه هو الخدم
صارلي متزوجه 5 سنوات وعندي بنت عمرها 3ونص وولد ماتم سنه
وفيني سكر واولد عمليات
وعمري ما فكرت اجيبها
قدملي زوجي على وحده شاف حالتي بحمالي مزريه رحت وكنسلتها
وجبت وحده مؤقته مده شهرين لين خلصت الاربعين
كانت بس تنظف وتغسل البيت
الملابس عندي غساله اتوماتيك
وانا اطبخ على طول بس اول اسبوعين بعد العمليه كان عمتي واختي وحماتي يطرشون لي ولعيالي ما قصروا
عيالي مستحيل مستحيل مستحيل اني اتوظف واقطهم على غيري لانهم
امانه برقبتي ومسؤليتي انا مو مسؤليه احد غيري
ويعورني قلبي اذا قطيتهم على احد
ما افكر اجيب خدامه حاليا
ممكن لا طلعلي بيت كبير
واخليها بس حق التنظيف الخارجي
اما ملابس وعيال وطبخ وترتيب
اذا مو شغل ايدي ما ارتاااااح ولا اضمن ان مره غيري تخاف على بيتي وعيالي لانهم بيتي وعيالي انا

اكذب اذا قلت لكم ما اتعب من البيت بس هذي الحياة وبتمشي
شوفوا حريم قبل صحه ورشاقه بعد 10 عيال ولا خدم ولاشي يربون احلى تربيه
ويطبخون احلى طباخ ويرتبون وينظفون بايدينهم وما فيهم كسل حريم هالايام
نتعب بس الله اللي يهون
لان والله ربي خلق المره فينا عشان بيتها وزوجها وعيالها وهذي رسالتنا بالحياة
وانا مني وعلي باديها بكل رحابة صدر

 

[مسافرةبلازاد]

الحمد لله اناكان ماعندي خدامةلاني عندي قناعةان الخدم مايجوااا الابسبب الحاجةالملحةوطبعالم يجوويشوفوااااالخير الي عندنا...شوفواااالحسدوالحقد اللهم ياكافي ....ايضاعندي قناعةان الي يستعين بالله تعالى راح تيسرعليه اشياء كثيرةومن ذلك مثل ماقال الرسول عليالصلاة والسلام اذا اوى احدكم الى فراشةفليقل سبحان الله والحمدلله33 والله اكبر34مرةراح تعطيةقوةباذن الله ايضاالمحافظةعلى اذكارالصباح والمساءيوميا..ايضاااامجتمعناالخليجي صارللاسف يقلد كثيرحتى صارت الخدامةكانهاشي اساسي...مع العلم انه الوحدة المفروض ماتجيب الافي الشديد القوي....واكبرمثال ان اكثر البلادالعربية عايشين بدون خدم وماشاء الله عليهم احسن منا كثير...والحمدلله اناالان عندي خدامةوصحيح شالت عني عبى كبيربس صراحة بدون خدامة اريح ...والله يعين على هالحياة..بس بالصبرررنعيش ...لالالالالالالالالالالاللخدم لالالالالالالالالالالا...الافي الشديدالشديدالقوي......لننقي بيوتنا من العيون الدخيلة....لنجعل دخول الخدم للحاجة الملحةفقط.......وبعدالاستعانةبالله تعالى ...استخدام الاجهزةمثل الغسالةالاتوماتيكوالمجفف للغسيل يسهل كثيركذلك استخدام جلايةالصحون وايضا..عدم تكديس البيت بالاشياء الي ماله داعي يسهل الكثير...تحياتي....

 

[ToOoTi]

الخدامة شر لا بد منه
يعني مرات احنا مجبورين عليها
والشكوى لله شنسوي

 

[أمواج البحر]

شوفي انا ظليت 7 سنوات ما عندي خدامه

كان عندي 3 يهال وساكنه في بيت بروحي

بس كنت مووووو موظفه يعني وقتي ملكي

لكن عقب ما توظفت يبت لي خدامه واضطريت لان دوامي طويل

بالنسبة لي حاليا ما استغني عن الخدم مو لان مالي خلق او لان مو قد شغل البيت

لكن نووووتايم اذا بشتغل في البيت (بيتي 3 ادوار )

معناته ماراح اجابل لا عيالي ( عندي 6 الله يحفظهم ويحميهم من بينهم توأم ) ولا راح اجابل زوجي ولا نفسي

وبظل طوووول الوقت احوس من غرفه لي غرفه ومن من صاله لي مطبخ

فكل وحده فينا وظروفها ولا تنقصون من قدر الحريم اللي عندهم خدم

 

[Amora Amor]

انا من توجت ماعندي خدامة 5 سنوات صج تعب بس شسوي ريلي ما يبي واحس خصوصية الصراحة والحمدلله الي مريحني ان ريلي مو طلبات غدا مجبوس وهالسوالف لا غداني كلة شوي والهمبرجر والدياي بقصماط بس احطة زيت شوي لان ريجيم يعني على كيفي الغدا وخفيف بس الي يتعب الاوتي والحين صارلي شهرين اييب فراشة معاي وانا رادة من المدرسة تنظف الشقة لي المغرب وتروح اما تكسي او انا اوصلها 4 مرات بالشهر يعني بالاسبوع مرة وحدة نعمة بالنسبة لي

 

[Om-7soOoN]

انا من اول ما تزوجت ما ينتلي خدامه صارلي سنتين و نص
و الحمدالله عندي ياهل عمره سنة و نص و انا الحين حاامل بعد
و انا قاعده بشقه حلييوه مو وايد صغيره بس قادره عليها
و من فتره لي فتره اتيي خدامة خالتي اتنظف و كل شي
و الحمدالله مرتاحه و ما افكر اييب حرمة غريبة اتعيش بينا لأن ماراح اخذ راحتي ابيتي
و احتمال انشالله اذا ولدت ادخل ولدي بو سنة و نص حضانه لأني ادرس بالجامعه

 

[بناتي سكر نباتي]

والله الخدامة شي ضروري

 

[om al ghaleen]

1-اشكثر صار لج بدون خدامة؟

شهر تقريبا وصارلي 10 سنوات مع الخدم

2- تفكرين تييبين خدامة بالمستقبل و الا هذا قرار نهائي؟ وشنو اللي خلاج تاخذين هالقرار؟

على حسب يعني اذا افكر احمل مره ثانيه الخادمه ضروريه لانه حمالي صعب

3- اشلون قدرتي تسهلين على نفسج الحياة بدون خدامة؟

الحمدالله التوكل على الله والاارده بالشغل

4- تحسين انج نفسيا افضل بدون خدامة؟

شي طبيعي يكفي انام واقعد مرتاحه نفسيا
((وعلى قولتهم تعب البدن ولاتعب القلب ))

\\

 

[السمرة~القمرة]

انا موظفه واحتاج خدامه على الاقل حق التنظيف والكووووووووي وغسيل الهدوم وشغل البيت اللي مايخلص خاصة اذا عندج بيبي يحن ويحتاج تجابلينه ماتلحقين ...
وبصراحه الخدم شر لابد منه
وانا اييبها تساعدني
ما اقط شغل البيت كله عليها بالاضافه الى اليهال والطباخ

 

[Q8stylle]

الخدامة شر لا بد منه

 

[ياحبي للفليسات]

ماعندي شغاله
وعندي 3 اطفال الله يحفظهم
وتعودت ع الشغل والترتيب وتعودوا اطفالي بعد
اكثر شي لمن اطلع برا او انعزم اتوهق ومااخلص بسرعه
بس الحياه مريحه بدونهم

 

[قمر2009]

والله انا صارلي 11سنه ماعندي خدامه ونفسيا مرتاحه حيل بشقتي وعندي بنت وولدين والحمدلله ما افكر اجيبها ولو تشوفين بيتي يلق نظافه قولو ماشاء الله

 

[ام فجور 2008]

انا ماعندي بس المشكلة بالدوام الي يهد الحيل ما اوصل البيت الا 3 اتغدا اريح مالي خلق اسوي شي وزوجي من نوعيته الي يمشي ويقط
اما الي مو موظفة فعادي عندها بدون خدامة

 

[نور-الكويت]

مساعده مساعده مساعده
بنات انا كارهه الخدم وما عندي مشكله بالطبخ والتنظيف بس انا عيالي الله يحفظهم تحت بعض يعني اربع ونص و سنتين ونص وسنه فما اقدر اصيطر عليهم عشان جذي حاطتلي خدامه
بنات ما احب الخدم ما ابي الخدم بس اشلون والجهال من يرضع ومن يطبخ ومن يمسك اليهال واذابطلع مع زوجي ثلاثه من يمسكهم بالطلعه هذي بس النقطه اللي خلتني اجيب خدامه
الله كريم ان شاء الله يكبرون وافتك منهم

 

[أحب بابا جابر]

ماشاء الله عليكم

الله يعطيكم على قد نيتكم ويقويكم على مشاغل الدنيا

 

[انصاريه قمره]

1-اشكثر صار لج بدون خدامة؟
من اول ما تزوجت ما يبت شغاله

2- تفكرين تييبين خدامة بالمستقبل و الا هذا قرار نهائي؟ وشنو اللي خلاج تاخذين هالقرار؟

اذا زادت المسؤوليات اي افكر بس نص دوام
3- اشلون قدرتي تسهلين على نفسج الحياة بدون خدامة؟
ما عندي التزامات وايد خصوصا اني ببيت الحموله وعندي بنت وحده الله يخليها وحاليا حامل

4- تحسين انج نفسيا افضل بدون خدامة؟
اي والله رااااحه

 

[انصاريه قمره]

مساعده مساعده مساعده
بنات انا كارهه الخدم وما عندي مشكله بالطبخ والتنظيف بس انا عيالي الله يحفظهم تحت بعض يعني اربع ونص و سنتين ونص وسنه فما اقدر اصيطر عليهم عشان جذي حاطتلي خدامه
بنات ما احب الخدم ما ابي الخدم بس اشلون والجهال من يرضع ومن يطبخ ومن يمسك اليهال واذابطلع مع زوجي ثلاثه من يمسكهم بالطلعه هذي بس النقطه اللي خلتني اجيب خدامه
الله كريم ان شاء الله يكبرون وافتك منهم

حياتي انتي الله يعينج اول شي عيالج دخليهم حظانه
صدقيني بترتاحين
وبالطلعه ميخالف ابوهم يساعدج ما فيها مشاكل

 

[انصاريه قمره]

انا اكثر شي بالحياة اكرهه هو الخدم
صارلي متزوجه 5 سنوات وعندي بنت عمرها 3ونص وولد ماتم سنه
وفيني سكر واولد عمليات
وعمري ما فكرت اجيبها
قدملي زوجي على وحده شاف حالتي بحمالي مزريه رحت وكنسلتها
وجبت وحده مؤقته مده شهرين لين خلصت الاربعين
كانت بس تنظف وتغسل البيت
الملابس عندي غساله اتوماتيك
وانا اطبخ على طول بس اول اسبوعين بعد العمليه كان عمتي واختي وحماتي يطرشون لي ولعيالي ما قصروا
عيالي مستحيل مستحيل مستحيل اني اتوظف واقطهم على غيري لانهم
امانه برقبتي ومسؤليتي انا مو مسؤليه احد غيري
ويعورني قلبي اذا قطيتهم على احد
ما افكر اجيب خدامه حاليا
ممكن لا طلعلي بيت كبير
واخليها بس حق التنظيف الخارجي
اما ملابس وعيال وطبخ وترتيب
اذا مو شغل ايدي ما ارتاااااح ولا اضمن ان مره غيري تخاف على بيتي وعيالي لانهم بيتي وعيالي انا

اكذب اذا قلت لكم ما اتعب من البيت بس هذي الحياة وبتمشي
شوفوا حريم قبل صحه ورشاقه بعد 10 عيال ولا خدم ولاشي يربون احلى تربيه
ويطبخون احلى طباخ ويرتبون وينظفون بايدينهم وما فيهم كسل حريم هالايام
نتعب بس الله اللي يهون
لان والله ربي خلق المره فينا عشان بيتها وزوجها وعيالها وهذي رسالتنا بالحياة
وانا مني وعلي باديها بكل رحابة صدر

مشالله عليج عيني عليج بارده
مره بنت اصول وسنع

 

[مكنتوشه]

ان شاء الله اذا كبروا عيالي .. راح انضم معاكم

صج لا .. للخدم ( طبعا حق الي عايشه بشقه )

 

[عطرالليل2000]

مراااااااحب لي 14 سنه متزوجه ,,,,,,,,عمري ما جبت خدامه حتى من اللي بالساعه لان زوجي ما يبيهم
انا والله بحا جتها احنا 7 اشخاص والشغل كلو علي..بالاضافه لتعبي النفسي والجسدي نتيجة كسل الغده الدرقيه
والله اموت واحيا باليوم 100 مره
انا من طبعي ابي كل شي مرتب ونضيف و لا القى منديل بالارض ولا جوتي محذوف ولا اي شي موب عدل بس اش اسوي الله له الحمد والشكر .............الله يعينني ويصبرني لاني احس شوي وانجن

اتمنى لو زوجي يرحمني ويخليني اجيب لو من اللي باليوميه ترحمني شوي
بس اش اقوووووووووووووول رجاااااااااااااااااااااااااال