ما قدرت أدافع عن نفسي

[jen2n]

السلام عليكم

اليوم قاعدين نحط درجات المتفوقات
الفصل الاول كان عندي 5 بنات بمادتي
وطبعا كانت الاعمال درجتين بس

اليوم المدرسه الاولي تقول لي ما عندج فل مارك صح ؟
قلت لها أمبلا 4

جان تقول غريبه !!!
بعدين تقول اي أكيد الاعمال ساعدتهم !!!!!
لان انتي بالفصل الاول ما كان عندج !!!!


انربط لساني ما عرفت شقول !!!!
وما قدرت أدافع عن نفسي

 

[منال القلب]

وخير يا طير؟

جنان ممكن أقولج شي بس ما تزعلين؟ لا أنا ابيج تزعلين لأن جد صايرة حيل حساسة وعلى أقل شي تتحسسين وكأن المدرسة

ما همها الا أبلة جنان. والله بالطقاق خل يولون. مستحيل أغير من درجة طالبة علشان رئيسة القسم شكت. انتي ادرى بصفج وطالباتج

أكثر منها ومن أي أحد ثاني. صدقيني ان غيرتي بالدرجات انتي الي خسرانة بيكون ماعندج شخصية وشخصيتج مهزوزة..

قولي لها باجر ( إن قالت لج شي ) بأسلوب منمق هذول طالباتي وانا ادرى فيهم. وخل يولون ماعليج من أحد..


=====


كلمة لجميع المعلمات..

انا بفهم انتوا ليش جذي حساسات ليش على أقل شي تكبرون المشكلة وتتضايقون وتسوون من الحبة قبة وكأنها نهاية العالم؟

وحدة تقول في ابلة معاي تطالعني باحتقار ووحدة تقول وحدة تقول في قروب ما يبوني. وتقلونها مسكينة كل يوم تترزز عندهم

وتحاول جاهدة انها تغير وجهة نظرهم..

بالطقاق يطقهم زين!!! عنهم ما حبوج شتبين منهم؟ لا يكون يصرفون عليج او دافعين كفالة سيارتج!! عجبهم

طبعج وأسلوبج اهلا وسهلا ماعجبهم الساعة 1:35 الظهر وقت الانصراف وماراح تشوفين رقعة وييها..

اما بخصوص الإدارة والي مايعجبهم العجب ولا الصيام برجب ويبون ابداع ابداع ابداع.. يبا سوي الي عليج وبس

عجبهم كان خير وبركة ما عجبهم ازبليهم طااااااف ما راح ينقص من معاشج شي!!! يعني شنو لازم تيييبين أشياء من الفضاء

ولا الابداع مايصير؟

ليش ما تصيرون نفسي؟ الحمدلله مرتاحة ومريحة راسي واسوي الي يملي عليه ضميري

اسوي حصصي وارضي نفسي وطالباتي واخذ معاشي اخر الشهر والمطلوب مني من ورش عمل او درس ريادي اسويه بالقدرة

الي اقدر عليها. طبعا اسمع كلمة ابي ابداع وشغل حلو. كيفهم اذا ماعجبهم بالطقاق..

انتوا الي معطينهم مجال يتحكمون فيكم ويتحكمون في نفسياتكم.. لي قويتي نفسج محد يقدر يأثر عليج..

 

[PuPa^^SWeeT]

جنان


ياقلبي انا مافهمت شنو المشكلة ؟؟؟


ليش تدافعين عن نفسج


ليش ماكو شهادات ولا سجلات تثبت انهم 5 بنات متفوقين ؟؟؟


غريييبة اذا مافي


اذا في سجلات و هذا اللي اعرفه انه الدرجات مثبتة عندهم بالسستم



فا ليش اتقولين ماعرفت ادافع عن روحي و سكت ؟؟؟


جان ذكرتي اسامي البنات اللي عندج متفوقات





و يمكن المدرسة الاولى ناااسية .؟؟؟



مادري هذه مو مششكلة كبيرة


لانها بسييطة و فيها مجال اثبات


اذا جادلوو وريهم درجات البنات من البداية لي النهاية


ويعرفونن

 

[jen2n]

منال حبيبتي ما فهمتيني

مو اغير الدرجه عشان ارضيها

اهم البنات فعلا ياييبين بالاختبار فل مارك وانا معطه هالبنات بالاعمال كامل لان فعلا يستاهلون

وطبعا احنا نسلم الاعمال حق الكنترول قبل ما يمتحنون

فلما قاعدة توزع علينا رئيسة قسم فورمه وتسأل ابله ابله جم طالبة متفوقة عندها

قالت لي غريبه عندج متفوقات!!! يعني كأنها تقول انتي ما تعرفين تشرحين اشلون يابو عندج فل مارك

هذا اللي باط جبدي والمصيبة الاكبر ان لما كل ما تدش علي زيارة تقعد تمدحني !!!

ما ادري ليش بالآونة الاخيرة قاعدة تتعامل معاي جذي !!!

مرات القاها شحليلها ودج بس تبوسينها وساعات تحطمج مره وحده

ومثل ما قالت بوبا المفروض تشوف السجل قبل ما تحكم بهالطريقه

 

[PuPa^^SWeeT]

اذا صفج عليه شكاوي

ولا المواد الثانية مزفتيين بالاختبارات


يكون معاها حق لانه يكون التقصير من الابلات الثانين


بس لو مافي اي اشكال عالصف


اذا اهيا يمكن نساية

واذا لها امور حلوة و ودج اتبوسينها على قولتج


عيل سكبي الامور البايخة


لانه الوظيفة القيادية كريييهة اتحدها اتقول امور من صميم عملها بس في ابلات مايتقبلون


طنشي و خلييج هادية معاها ينفع ترا

 

[PuPa^^SWeeT]

وماله شغل طريقة شرحج


بس يمكن البنات اللي عندج ماكو شطار قبل الحيين صارو شطار عرفتي



يعني انا عندي اولى تواسع


فا رسمي لازم عندي فل مارك اذا مافي يعني انا ماعرف اشرح



بس لو صفي كسلان و فيه فل مارك اهني يكوون شي غير معقووول و واااااو


وشلوون


جذي عرفتي

 

[jen2n]

خل اقول لج بوبا توزيعة صفي

عدده 25 طالبة

فيه الكسلان فيه التوب فيه نص ونص

الكسلان تقريبا يايبين 4-5 من 8 وعددهم 10 طالبات

النص ونص يايبين 6-7 من 8 وعددهم 11 طالبات

والتوب اللي يابو فل مارك عددهم 4 طالبات

والحمدالله ما عندي سقوط مع اني وايد منقصة بنات في الاعمال

واهيا بنفسها قالت صفي بمادتي 100% نسبة النجاح فيه

اكثر كلمة انصدمت منها لما قالت غريبه عندج بنات فل مارك!!!

جان ارد امبلا وعندي 4 بنات

جان تقول ايه عشان الاعمال ساعدتهم !!!

بالله شكو الاعمال!!؟ اذا بالاختبار ياييبن كامل !!!

وبعدها قالت اي بس الفصل الاول ما كان عندج!!!

بغيت اقول لها امبلا هم كان فيه 5 بنات

بس ما ادري ليش انربط لساني :/

واهي ما تتكلم عن باقي المواد تتكلم عن مادتي الاجتماعيات

 

[PuPa^^SWeeT]

اهااا


يمكن مضيعة بين صفيين


عالعمووم

من هالموقف مايبين اذا اهيا هدية رضية ولا فيها مارب اخرى



بس عموما بالتدريس

لاتطوفين وايد ولا واتوقفين عند الموقف وايد


فكري بشغلج و بس


مجتمع الحريم ماله حل

وهذا بلا التدريس


انه تحت رحمة هالحريم

 

[منال القلب]

جنان
أغلب رئيسات القسم طبعهم جذي متذبذب
ماعليج منها.. ولا يهمج شي واذا كانت مستغربة من المتوفقات الي عندج مشكلتها مو مشكلتج..
غصبن عليها تعرفين تشرحين وغصبن عليها وعلى الي مايرضى فيه متفوقات..

 

[".شاعريه."]

بعضهم الله يهديه يبي يتفلسف

 

[طالبة1990]

مع منال بكل حرف قالته

قولي سبحان الله جاهم الوحي وحلوا عدل وجابوا فل مارك

ودرجات البنات ماتقيس اداء المعلمة ابدااااا


والدليل ان كل مدرسة تلاقين نسبهم متقاربة

فهذا يدل على اهتمام اولياء الامور

يعني مدارس نسبهم عالية حييييل

ومدارس معروفين طول السنين نفس النسب النازلة


فكللش مو مقياس


ومرة ثانية اذا في كلمة جرحتج او موقف تحسستي منه

يابيني وجهة نظرج حزتها او انسي الموضوع

لاتشيلين بقلبج وتنضغطين وعلى يوم تنفجرين

 

[jen2n]

اليوم عادت علي الموضوع
جان اقول لها تبين أسامي البنات بالفصل الاول او الثاني
جان ترد ما شا الله حتي الاول !!
قلت لها إيه ٥
جان تقول اي كتبيهم
واضغطتني بالاستئذان ليش رجعت بسرعه !!!!!

 

[PuPa^^SWeeT]

شنو يعني ضغطتج بالاستذان



امووت ولا احد يحاجيني باستئذاني

 

[jen2n]

ليش رجعت امبجر
تقول لي مداج رجعتي بسرعه !!!

 

[^^ريهام^^]

اعذريني بس حاسة انج حساسة وايد

وتفسرين الكلام على هواج

هي سألت سؤال عن عدد المتفوقات بصفج واستغربت لان كانت تظن ان الفصل الاول ما في متفوقات

الموضوع ماله علاقة بطريقة تدريسج .... بالعكس حتى لما سألت عن الاعمال وقالت ان اكيد ساعدتيهم بالاعمال , بالعكس هالشي ينحسب لج مو نحيسة وعارفة مستوى طالباتج

واذا على الاستئذان ؟؟ عادي استغربت ليش رجعتي امبجر ؟؟؟ ما قصدها شي ؟؟؟ مجرد تساؤل

احنا بالقسم اذا وحدة غابت او استأذنت عادي نسألها عسى ما شر ليش غبتي ليش استأذنتي؟ اذا جاوبت عادي واذا ما جاوبت بكيفها

طوفي .... مو كل كلمة تفكرين فيها

امن اسبوعين صار لي موقف غبت ثلاث ايام (مرضي)ورئيسة القسم كانت طالبة منى اسوي امتحانات سويتهم وطبعتهم قبل لا اغيب بيومين , داقة علي بالبيت لازم تداومين علشان تعدلين الامتحان , قلت لا انا عندي اجازة , قالت انا مضطرة ابلغ التوجيه انج متأخرة بالتسليم قلتلها انا مسلمته لج من 3 ايام وعندي اجازة وماراح اداوم ...

طبعا ما قدرت تسوي شي

طنشي .... ما دام انتي ما شية سيدة لا يهمج احد

 

[مدّهره !]

لو بنركز بالموواقف مااخلصنااااا ,,,
أحلى شيء الطااااااااااف محد قااص رقبتج لو بتسمعين لهم وتتأثرين أنتِ اللي تتعبين ,,,
عطيهاا ع قد المطلووووب وووبس إنشغلي بأمووورج الأهم منهاااا ,,,