ما هو السؤال الذي لا تحب أن يسألك به أحد ؟؟

[3aly mstway]

السلام عليكم ورحمة الله وبركاته

سوف نعتبر انفسنا في مواجهة صريحة مع النفس ونكتب هنا بصراحة عن رأينا فيما يلي :

أخواتي مــا هـــو السؤال الذي لاتـــحبين ان يساأــك به احد ؟؟

ولا تحبين الا جابة علية؟؟؟

اريد تحديد السؤال !! وبدون احراج !!!!!!!

اي سؤال لا تحبون أن يسألكم احد به ... يلا ابتدوا ... من عنده الشجاعة ...

بعض لا تحب ان يسالها احد عن عمرهااااااا؟؟؟ او هل انت على علاقة الآن ؟؟ ومن تفضلين ..الخ

وبعض لا يحبون ان يسالهم اي شخص مهما كان ( كم راتبك )!!!!!!! او هل تحبين زوجك ؟؟ او اسم زوجك ؟؟؟ .....الخ
​

 

[Black-Prestige]

كل أسأله اللقافه وبلاغه الشف أنا ما أحبها !

مو عن انحرج .. لا بس أتنرفز من إلي يتدخلون بشؤوني وبحياتي الخاصه

 

[داناتا]

اسئله عن حياتي الزوجيه الخاصه حيل او وحده تسولف وتاخذ راحتها باشياء الخاصه حييييل احسن قله ادب وبصراحه يبين علي ويهي ان مو عاجبني واشكره اقولها ما احب اتكلم بالشغلات ما يخصج

 

[هاجس الشوق]

ماحب قلة الادب الزايدة وتدخل الغير فاللي مايعنيه ونصايح الشخص اللي هو مو مطبقها واكره لما يكون شخص يجذب وهو مبين على ويهه

واكره اللي يظن نفسه غشاش وانه ماحد حاس فيه تكشفه عيوني بسرعة وتبين علي الضيقة اوقات اواجه لاوصلت حدي واغلب الاوقاتاسكت ما ارد س اتعب حيييييييبل

 

[3aly mstway]

نووورتوو حبايب قلبي والله صح كلامكم

الكل جذي يحبوون اللقافه والفضووول



هل من مزييييد حياكم الله

 

[شتره]

ما احب اي احد يسالني عن راتبي جم ؟؟؟؟

 

[3aly mstway]

حلووووو


ولا انا احب يسألني احد عن حياتي

 

[asoula al-3soul]

سوالف اللقافه و عن حياتي الشخصيه

 

[3aly mstway]

حياج الله نووورتي

 

[ام دليار]

مافي شي معين
يعطيكي العافية

 

[اميرة الورد $]

انا الشي الوحيد اللي مااحبه هو لما يسألوني عن نسبة بناتي بالمدرسه اما الباقي عادي ..
ومشكوره على الموضوع

 

[احساااااس انثى]

يويو ياكثر الاسئلة الي تصادفني من الملاقيف وخاصه الاسئله عن حياتي
الخاصه الي ماراح حتى يستفيدون لو عرفوا الاجابه....
.... زوجك وين يشتغل وكم راتبه ؟؟..واسئله كثثثثثثثثثير

 

[جيرازksa]

ليه للان مانخطبتي ولا جوكي خطاب يعني اروح اخطب لنفسي مثلا ... مع انه عمري 21 مو كبيره

 

[blue ocean]

ليش ليلحين ماتزوجتي ؟

ليش ماتوظفتي ؟

ومن اللي شكالهم الحمدالله مرتاحه ومعززه ومكرمه ..​

 

[المرتاحة]

كل الاسئلة الشخصية ما احب اجاوبها او يعتمد على حسب الموقف و الشخص اللي سالني لان في اشخاص احس بشخصيتهم قريبه مني فأجاوب وما اتضايق حتى لو سألوني طبعا همن يعتمد على صيغة السؤال

 

[روح مغليها]

بنااات جم رتبكم؟؟
لوووول

 

[manoooram]

اللقافه الله ما كثرها بوسط حياة الأغلبيه

طبعا الأسئلة الزوجية هذي تحتها مليون خط أحمر ..

ماعندي مانع أجاوب على الأسئلة الشخصية اذا كانت موجهه من الأهل القراب يستاهلون لأن الحمدالله مافيني طبع النحاسه

لكن استغرب من البعض منهم اذا سألوج جاوبتي برحابة صدر

واذا سألتيهم بأتفه الأشياء أقل ما فيها شباصتج من وين تضايقوا منج وصرتي كريهه

صج ولله في خلقه شؤون

 

[مطلع النـور ~]

ليش للحين ماتزوجتي ؟؟



وكل ألأسئلة اللي تتعلق بحياتي الخاصة عموما

 

[غايتي الجنة]

اممممم اي سؤال بقصد الشك فيني او بكلاامي <ماحب الي يشك فيني اوو يجذب كلامي

و اساله عن شؤون خاصه "اساله اللقاافه عموما"

 

[3aly mstway]

حلووو والله كلامكم عجبني الله يعين


نورتوو حبايب قلبي