اشراقة المحبة
New member
مع احترامي للدكاترة صلاح الراشد وطارق السويدان ... بس شنو صفتهم اللي قاعد يقولون هالكلام هم ليسوا سياسيين وكلنا نعرف انهم مدربين في التنمية البشرية فقط ... الا اذا كان تدخلهم نابع من انتماؤهم السياسي لحركة الاخوان المسلمين ... فهذا شي ثاني ... بس الافضل انهم يبعدون نفسهم عن هالامور ترا الكويتيين مو اغبياء وكافي غسيييييييييييل الدماغ اللي قاعد تمارسونه على عقول شبابنا وشاباتنا تحت مظلة مزيفة اسمها (التمنية البشرية وغيرها من الامور) واللي متعمق في السياسة يعرف شنو اهدافكم الغير مطروحة بشكل مباشر على الساحة ... واللي هو سيطرة الاخوان المسلمين على الديرة بس عاد فكونا ويا ليت بعض هالناس اللي تراكض حق دوراتكم تعرف نواياكم عدل ... واحد كان داعية ومن مؤسسين لجنة التعريف بالاسلام في الكويت جك بم صار يغني ... والثاني في ايام الغزو قاعد بامريكا ويرفض دخول قوات غير اسلامية لتحرير الكويت ما ادري بصفته شنو يدخل وهالموضوع بالتحديد تكلم عنه بالتفصيل الشيخ سعود الصباح وتكلم عن الامور اللي سواها طارق السويدان اللي ما كان معروف ايام الغزو لما كان قلعد بامريكا وكان يحرض الكويتيين اللي هناك ان ما يصير قوات غير اسلامية تحرر الكويت الشعب كا قاعد يموت وتنتهك الاعراض وهذا حضرته ما يبي امريكا تحرر الكويت طبعا هو يتبع حزبه السياسي الاخوان المسلمين وحبيبتهم حماس اللي كانوا مؤيدين لصدام في غزوه للكويت ... انا بس بسأل طارق السويدا انت حضرتك ترفض امريكا تحررنا وانت اللي عشت فترة طويلة هنا واكثر اعياللك ألحين يدرسون بأمريكا هذا اذا ما عندهم جناسي امريكية لا وبعد زوجت بنتك لامريكي ... العب غيرها يا دكتور ترانا مو غشمين بس وااااااااايد ناس مخدوعة ... والا واحد اول ما وصل الكويت يقدم برامج دينية وجك بم يتخصص في التمنية البشرية ... لا وبعد يدير قناة الرسالة واللي يمولها الوليد بن طلال اللي هو نفسه صاحب قنوات الغناوي والرقص وقلة الادب روتانا يعني الواحد ما يدري الفلوس اللي قاعدة تمول قناة الرسالة حلال او حرام ياخي بالعقل ما يجتمع الدين والفساد بنفس المكان والا شرايك يا دكتور ؟؟؟ بسكم وخلوا الكويت بحالها مصيتوها مص الكويت للكويتيين الاحرار فقط واللي ما ينتمون لاي تيار او حزب ما عدا حزب واحد وهو حزب (أمنا الكويت) ...
