مبارك " يبكى بشكل هيستيري بعد أن شاهد القذافي مقتولاً

[ملح @ شمر @]

يالله الأحداث مخيفة ...

ايه والله اللي قاعد يصير يخوف والثورات وراها سر الله يستر
:eh_s(2):
​

 

[ام _خلودي]

الميته ماتجووز عليه الا الرحمه اذكروا محاسن مواتكم

 

[حناينq8]

((يؤتي الملك من يشاء وينزع الملك ممن يشاء ويعز من يشاء ويذل من يشاء ))

 

[دارسين]

ودي اسالكم سؤال هل القذافي مسلم؟

 

[الغلا كله لبوي]

لاحول ولاقوة الابالله

 

[‏[ رمش ]]

لاحول ولا قوه إلا بالله

ي ربي تحسن خاتمتنا وترحم امواتنا

 

[كويتيه وافتخر]

بدوية وايد الله يهديج

تدعين علي اخوان لنا في الله يشهدوون ان لا اله الا الله وان محمد رسول الله بمن يذلهم ويعيشهم بفقر

استغفري ربك

معمر يكفيه هتك الاعراض وقتل الشباب بغير ذنب والكتاب الاخضر وتطاوله على الصحابه

 

[~..samar]

،



واااي حرااام كسر خاااطري انكسر كسره قووويه
والقذااافي كسر خاااطري بعد آخر لحظات حياته شوفوها باليوتيوب انذل ذل وانهان وطقوه بالنعااال قبل يطلقون عليه النار بس القذااافي معيشهم احسن عيشه مو معيشهم بفقر لا معاشات للعوائل والمطلقات والارامل والي يستلم شهادة الجامعه يمشي له معاش على طول حتى لو ماتوظف ليش اسقطوه وذبحووه ليش ؟ صج اني اكرهه لانه مع صدام الجلب لكن مع شعبه زين ودولة ليبيا ماعليها ديون ولا يشتغلون برا ليبيا لانهم شبعانين بس شعب وصخ ومو كفوو الحين صج راااح يتبهذلون وياكلون هوى الله يجيب لهم واحد يعيشهم بفقر يااااارب

الحين تدعين على شعب مسلم عشآن انسآن عيشهم بضيم وظلآيم .. طبعاً لانج مآ عشتي الي هم عآشوه ظلم ، قهر ، واندآست كرآمتهم انذبحوآ عيآلهم واهلهم جدآم عيونهم .. وبعدين ولنفرض انه معمر شخص زين وخيّر ياخي دآم الشعب طلع وقآله يتنحآ جآن تنحآ من الاول لو انه يحب شعبه بس هو لآ ذبح وقتل وحرق قلوب امهآت .. وبعدين انتي كويتية وعشتي الغزو يعني انتي المفروض اكثر وحدة اتحسين بلي سوآه ف شعبه جوفي اشلون للحين الكويتيين متأثرين من الغزو ولو يرد صدآم ودكم تقطعونه مآ بالج بلي سوآ مجآزر بشعبه .. تدرين انآ بالنسبة لي ششآرون ارحم منه تدرين لييش.؟؟ لانه كآن يحترم ابناء بلده وعمره مآ لطخ يده بدم اسرآئيلي جوفي هالاسرآئلي اشلون عيل المسلم ابن المسلم المفروض شيكوون .. بعكس القذآفي الي ذبح شعبه ولآ همه .. وبعدين من صجكم شعب كآآمل بيطلع بس جذيه يبي يسوي نيو لوك ويجلع رئيسه لآ طبعاً اكييد عيشتهم الي تقصر العمر اهيا الي خلتهم يطلعون .. والي تقول انهم مآ احترموا شيباته ومآدري شنو عيل اهوا ليش مآ احترم اليهآل والعيآيز والشيآب وغيره وغيره اشمعنآ الشعب طلعتوه مب محترم وتصرفه غلط والقذآفي كسر خآطركم عجبي والله ... صج صج صدمتوني بدآل لآ نفرح لهشعب ونكون معآهم نقط عليهم هالحجي الله اكبر عليكم .. مآ قول غير احمدوا ربكم عآيشين ف ديرة امن وأمآن والله لآ يذوق حد الي ذآقه الشعب الليبي .. ((وبعد موت معمر ليبيآ تولد من جديد فديتكم والله يآ احفآد المختآر )) ...:eh_s(22):

 

[إلين اليوم]

الله يرحم القذافى ويسكنه فسيح جناته
وحسبى الله عليهم الهمج
اللى ما رحموا عمر الشايب اللى بالثمانين وطاحوا فيه طق طراقات واهوا يقول حرام عليكم
وحتى لما مات مسكين ما خلص منهم

قاطينه عالأرض بدون ملابس ومسوينه فرجة
حتى حرمة الميت ما يعرفونها
صج صج همج

(الله أكبر هم اللي مارحمو شايب ولا اهو اللي مارحم لا شايب ولا أمرأه ولا طفل ..إنتي شفتي الإباده الجماعيه اللي سواها بشعبه المسلم ؟؟اللحين صار هو المسكين واهم الهمج؟؟ لو ان ابوج ولا امج ولا خوانج ماتو تحت القصف ولا تقطعت ايديهم وارجلهم كان ماقلتي هالكلام وكان قطعتيه بأسنانج لمن تشوفينه ) :rgewrg:


وولده المعتصم بشهادة الثوار نفسهم انه قاتل بقمة الشجاعة وما رضى يستسلم
وقال لآخر قطره بدمى

القذافى بطل
ما انحاش
قاتل لين مات
كان بامكانه يروح جنوب أفريقيا عنده قصر هناك وعرضوا عليه الجنسية لكنه رفض

(أكيد ماراح يروح ويترك الكرسي هذا عنده جنون العظمة)


واللى تقول لقوه ببايب المجارى

اقولها انها اصلا كان طالع بعدد من السيارات
وصار قصف الناتو يمهم
فاضطر اهوا واللى معاه يتركون السيارات وما لقوا غير هالبايب


لكن العرب يبيلهم 20 سنه علشان يفهمون اللى صار

(ماشالله انتي كنتي هناك وشفتيه لمن أنحاش وتعلق بالبايب ومصره انه شجاع لوووول )

لما انقتل صدام
الكل فرح وطار
والنتيجة ؟
شنو حال العراق الحين ؟؟
منو فيها ؟
وليش ؟

( ليش!! ليش!! والله عاد كلمة ليش قوليها لصدام اللي كاسر خاطرج ..قوليله ليش غزيت الكويت ..قوليله ليش تعديت على حق الجار ..قوليله ليش قتلت وشردت وإغتصبت في الابرياء ..مو تقولين لنا احنا ليش :rgewrg: )

اعتقد توكم عرفتوا الإجابة بعد سنين وبنين

خلوا الدول الغربية تشوفنا واحنا نتذابح وتضحك علينا
وبعد المذبحة تاخذ الخير والنفط

ردي عليج باللون الأسود فوق :rgewrg:​

 

[||سمّـني روحك||]

..


مسكين الله يشفيه

 

[شموخ ممطير]

ارحمو قوم عزيز ذل

 

[دبي.دبي]

كسرو خاطري :*__________*:

 

[رفاعيه]

ولا واحد فيهم كسر خاطري !

 

[جوانا2010]

الله يحسن خاتمتنا ......
ليش مافكرو بالخاتمه و بالموت والحساب وهم على كراسيهم؟
ربي يمهل ولايهمل بينصر المظلوم في النهايه .......
((يارب عجل عذاب بشار واعوانه وارنا فيهم عجائب قدرتك انك سميع الدعاء))
مشكوره

 

[english muffin]

اللهم لااا شماتة

 

[كريستينآآآ]

اللهم لا شماته والي يدافع عن معمر ومبارك يكفي انه موت الناس ويتم اطفال وذبح الناس با الفقر يلا متى افرح بموت بشار يارب مصيره مثلهم

 

[نونه العنونه_H]

حسني وايد احسن من معمر القذافي

 

[اميره بعيونه88]

لا حول ولاقوة الا بالله

 

[زوجي توأم روحي]

ما اقول الا الله يعين حكام العرب على شعوبهم المتخلفه طبعا مو الكل متخلف ومصدق سالفه الثورات بسنه وحده محد طايق حاكمه وبيطيحونهم ويمشون مثل البهايم فوضى بفوضى واطبللهم اوربا وامريكا اشوف يوم مظاهرات لندن اكلوهم تبن من اول يوم يوم وامريكا طارديين الناس من بيوتهم عشان البنوك ماتظاهروا وقالوا ثوره بس هالعالم المتخلف الي مايعرف قيمه الامن والامان بدوا بتونس ومصر وليبيا وبيكملون على سوريا البحرين واليمن وبعديييين بس الله يقلب السحر على الساحر ويقولون ثوار الا ثيران هايجه من غير سالفه

صح لسانج :eh_s(15):

 

[زوجي توأم روحي]

ما اقول غير الله يرحمه ويغفرله ويتجاوز عنه
مهما كان بالنهايه هذا انسان وفوق هذا مسلم
حرام يعذبونه كذا ويعذبون ولده ويقهرونهم
وبعدين يقتلونهم كذا هاذي يسمونها همجيه
واكيد انتو ماترضون تشوفون ابوكم او احد اخوانكم بوضع زي كذا ولا ترضون الذل لهم والله هو اللي يحاسب عباده على افعالهم وربي يغفر ذنوب العبد مهما بلغ كثرة الذنوب ....
ليه حنا مانغفر لغيرينا وين انسانيتنا ووين دييننا وين مبادئنا اسمحولي بنات بس هذا اقل ما اسميه تخلف
ارحمو عزيز قوما ذل
ارحمو عزيز قوما ذل
انا زعلت ع صدام لما اعدموه بس لانه مسلم
زعلت على المظاهرات اللي صارت بدولنا العربيه الاسلاميه
زعلت على حسني مبارك وممعمر القذافي لانهم بالنهايه مسلمين
اسرائيل عشان شخص واحد اللي هو شاليط قومو الدنيا وما قعدوها
وافرجو عن اسرى فلسطينين عشان واحد ...
اللي بوصله لكم ان ابناء جلدتهم غاليه عندهم مو رخيصه مثلنا
عموما حنا العرب كذا؟
وما اقول الا الله يهدينا ويصلحنا ولايام الجايه لسوريا وليبيا واليمن ايام غبره بكل ماتعنيه الكلمه من وصف والوعد قدام وراح يندمون ويتحسرون ع حكامهم

صاجة والله