مبروووك للبدون الحقوق المدنية وعقبال ,,,

[جنون الـq8]

هيااااااااااااااا وناااسه


الللللللللللف مبرووووووووووووووووووووووووووووووووووووووووووك

 

[????????]

مبروك

 

[Googleya]

رد : رد: مبروووك للبدون الحقوق المدنية وعقبال ,,,

بسم الله الرحمن الرحيم​

اللهم صلي على محمد وال وصحبه وسلم ​

حبيت اشكر الاخت حجيه هيونه لكتابتها الموضوع الجميل والله يبارك فيج ياقلبي:eh_s(17):​

بالنسبه الاخت ستارز اللي قالت عن البدون العرقرق اولا خلي اسلوبج ارقى من هلاسلوب:eh_s(15):​

مو كل البدون عندهم جنسيات وخاشينها للمعلوميه فقط لاغير بالنسبه للاخت tefann وجوك احلى جو والاخت ​

فجوره واالخوات اللي معجبين بكلامها انتي لما تكلمين عن الزحمه اولا ربج اهو الرازق ولو يبي يرزق حتى لو زحمه​

خير الكويت الحمدلله مغطي الشرق والغرب لاتصير عينج ضيقه الله سبحانه وتعالى خلقنا ويرزقنا ويوسع علينا كلنا​

بالنسبه حق انج تقولين انه البدون طموحهم الجنسيه وانهم اذا خذو جنسيه بيشاركونج التموين والليسن والوظيفه والعلاج​

انا شخصيا وحده من البدون اطمح بالجنسيه أي وبحط راسي براسج وباخذ تموين وووظيفه وليسن واتعالج بتقولين ليش؟ انا بقولج ليش ياقلبي​

لما يكون جدي يعمل بالقطاع النفطي من الخمسينات ولمايخدم ابوي بالجيش لاكثر من33 سنه ولما يداوم خفاره يوم الغزو ويدافع عن الكويت في تاريخ2-8 وينصاب ويتاسر ماندري حي ولا ميت ولما يكون القصف الجوي فوق راسنا ولما نصمد بالغزو عمامي وخوالي ومقاومه ولما نيوع ونعطش حتى ماي مانلقى ولما يستشهد خالي البدون بعلم الكويت ويندفن فيه ولما نعيش التحرير والفتره الصعبه اللي وراه ولما نظل نحب الكويت سواءا العيشه صعبه فيها ولاسهله ولما اعيش واتمنى اموت بترابها انا وقبلي ابوي وجدي هذه ديرتنا مانبدلها اغلى شي عندنا من نفسنا وعيالنا ومستقبلنا ولما نتعامل على انننا مو عيال الكويت واهي ديرتنا​

ونرضى متمسكين فيها معناتها نحب الكويت انا فيها بالحلوه والمره ديرتي ومو ورقه جنسيه بتعلمني اني كويتيه ولالا عشان جذي اقولج انا ابي الجنسيه لانه هذا حقي ؟ انا تكلمت عن المومستحقين وماتكلمت عنح انا بقولج ليش ​

خصيتج بالذكر انتي والخوات لانه انتو ماذكرتو المستحقين بشي وطوووول الوقت تكلمون عن المومستحقين​

وفي شغله ذكرتيها ضحكتيني بصراحه سالفه زحمه الشوارع والطرق وخنقه الدوامات اختي البدون مالهم علاقه بهالموضوع هذا يتعلق بتاسيس الطرق بتقولين اهم المسوين زحمه يعني شنو تبيننا نختفي؟ بالنسبه حق التوظيف الرازق هو ربي وربج ممالهلا علاقه الزحمه بالموضوع بتقولين تردي الخدمات الصحيه البدون هم شكو ؟خل يعدلون الخدمات الصحيه تبين تفهميني عشان زحمه بتصير الخدمه سيءه ؟ شكو كلامج مو منطقي على الاطلاق:bbbiu:​

انا مستحقه واعتقد شرحت ليش مستحقه وسواءا تجنست ولا لا انا كويتيه واحب الكويت فديت ترابها​

وثانكس لكل اللي بارك للبدون الحقوق المدنيه:eh_s(9):

اختكم دنيتي​

:balo:

ردج عحبني :rerrerek:

الله يرحم خالج الشهيد
وان شاءلله تحصلين على الجنسية

وبالنسبة للحقوق المدنية الف مبروك عليكم تستاهلون

 

[LA TROO7]

البدون المستحقين لهالحقووق قللللللللللله وفالهم الجنسيه ان شاءالله

اما العرقرق والسورررين مايستاهلوون واصلا مايبون هالحقوق يبوون الجنسيه وحامض على بوزهم والدليل انهم متواعدين على مظاهرة جديده

لو يحبون الكويت ما فكروا بالمظاهرات

والله وطلعوا واجد البدون بالمنتدى

 

[غلا فهد]

مبررررررررررررررررررررررررررررررررررررروك

 

[aziziz]

thanks 3la al mawthooo3

 

[غلاي امي وزوجي]

الف مبروك

اهم شي اذا مرضوا تعالجوا بالمستشفيات

ويتعلمون حالهم حال غيرهم

 

[الدلـــع كله]

الف مبرووووووووووووك للبدون
والله يرزق اللي يستاهلون الجنسية سواء كان من اي اصل ...
لان مافي كويتي اصله من الكويت نوووو
كلنا يا من السعودية او العراق او ايران أو ... وكلنا يعرف هالشي ومحد ينكره
وفي ناس وايد انولدوا وتربوا بالكويت و ضحوا عشانها بالغزووو

الله يرزقهم ويفرحهم عاجلا غير اجلا

 

[makeup 2000]

مبرووك والفال للجنسيه

حراام ناس تعشق الكويت بحلوها وبمرهاا اللي مروا فيه ومافرطوا فيهاااااااااااا دليل حبهم لها

 

[كويتية و لكن]

الله ينصفهم بهالبلد العظيم اللي له حق ما يروح عليه والله ينصر هالبلد المعطاء بظل حكامها الحكماء اللهم اامين

 

[ساره سبنسر]

مشاءالله البنات المعترضين وايد يحسسوني انه ختم الجنسيه بمخباتهم بس ناقص موافقتهم لووووول كافي حسد كافي قطع ارزاق حرام عليكم اذكرو الله هذيل بشر مو حجر الله يرزقهم الف مبروك وعقبال الجنسيه للي يستاهلوون يارب عاجل غير اجل عاش بو ناصر الله يديمه لنه

 

[ii DareeN ii]

الموضوع مغلق لهبوط مستوى الحوار