متأخرة الدورة يوم واحد ينفع اسوي تحليل دم؟

[Miss Golden]

في ناس يبين معاهم من اول يوم و في عقب 5 ايام او اسبوع


نطري شوي احسن لج حبيبتي وان شاءالله حامل

 

[الأميرة جوري]

انتظري يومين اذا مانزلت حلي دم ,,,,,,,,,

 

[Daleela]

نطري اسبوع واذا ما تقدرين حللي دم هرموني

هذا حتى قبل موعد دورتج يبين

 

[*فدك*]

الله يرزقج الذريه الصالحه وان شاء الله حااااااااااااامل ...اذا مافيج صبر روحي حللي دم...واذا تقدرين نطري 5 ايام يقولون افضل وبعدها حللي دم بس انتبهي لا تشربين اي شي ممكن ينزل الدوره لما تتطمنين على وضعج...

 

[أم يوسف وأمونة]

الله يرزقج الذريه الصالحه والله أنا بالنسبه لي

حللت في نفس يوم الدورة دم عادي والحمدالله طلع حمل

والله يسهل عليج ولا تحاتين وايد

 

[بنت السعودية23]

مشكورين بنات على وقفتكم معاي هذا العشم فيكم

و بنطر الى االاحد وانشاء الله خير

والله اني احاول اشغل نفسي بأي شي عشان لا افكر بالموضوع و زوجي يحاتي اكثر مني بس يسوي نفسه انه مو متشوق

كل شوي يسأل ها نزلت الدورة؟ واقول له لا يقول اصلا عادي حتى لو نزلت بعدنا بعز شبابنا ويمكن تحملين الشهر الجاي

 

[مو عايشة بالدنيا]

لو انا منج ما انطر ولادقيقة
انا بنفس اليوم حللت وبين معاي الحمدلله

 

[بنت السعودية23]

الحمد الله على كل حال نزلت الدورة يوم السبت متاخره 4ايام ... وكانت نفسيتي متحطمه بس الحين احسن (الخيرة فيما اختاره الله)

وانشاء الله ابشركم في شهر الخير بحمالي قولوا امين

 

[virgo88]

الله يرزقج بالذريه الصالحه يارب

 

[Miss Golden]

حبيبتي ذكرتيني بنفسي..

اخر دورة نزلت لي قبل حمالي يتلي مبجر بيومين او اكثر بشوي..

زوجي مسكين يقول لي متأكده انها نزلت؟؟؟ اقوله اييييه

بس سبحان الله الشهر اللي وراه حملت


واكييد الخيره فيما اختاره الله وان شااءالله ربي يرزقج الذرية الصالحه