متزوجة عندج عيال تشتغلين وماعندج خدامة تعالي هني

[العاطفية]

مشكورة حبيبتي بس ماقلتيلنا يومياتج أنا حابة هالموضوع يكون فيه اكبر قدر من التجارب عشان نستفيد

 

[الجووورى]

لى رده حبيبتى وان شاء الله بكتبلكم كل شى

 

[العاطفية]

يا حياتي يالقطوة ربج كبير لا تضيقين خلقج وريحي اعصابج ترى الصحة اهم من كل شي وأدعي واستغفري ترى مالج الا ربج وريلج حاولي تتحاشينه عشان لا تعصبين وتتعبين وتدرين شلون خلي العيال على يوم عند امج و طلعي لو نص ساعة راح تهدين فديتج والله عورتي قلبي الله يحنن قلب زوجج وامه وترى تصبح نار تمسي رماد تصبري وهونيها تهون

 

[حبيبي مالكني]

رد : متزوجة عندج عيال تشتغلين وماعندج خدامة تعالي هني

الحمد الله انا عندي خدامة حق تنظيف البيت وطباخ
وامي واختي الكبيرة الله يخليهم لي هم الي ايودون عيالي
بس الخدامة تقيدني في لبسي انا احب اتمشى بالبيت بثياب شبه عارية
بس الخدامة ملوعة جبدي
عشان جذي من ترقد في اليل اخذ راحتي ههههههههههههههههه

 

[العاطفية]

اي والله شعور الخصوصية حلوووو بس الواحد مايدري شيسوي نبي نرتاح ونبي خصوصية شلوووووون؟
الله يخليلج الأهل( حبيبي مالكني)

 

[الجووورى]

الله يوفقكم ياعسولات لى باك

 

[العاطفية]

الجوري مشكورة قلبي مشاركتج نورت موضوعي بس ياريت تحطين يومياتج

 

[sweet december]

رد : متزوجة عندج عيال تشتغلين وماعندج خدامة تعالي هني

شوفي حبيبتي انا ما عندي خدامه وعندي ولدين الله يخليهم لي واحد عمره 3 ونص والثاني 8 شهور

وساكنه ببيوت الاحمدي يعني حديقه كبيره لووووول ولا عندنا دياي بعد

انا اسوي كل شي بيدي بس انا اقولج انا وريلي كله رجيم طول السنه لووووول فاكلنا ماكو كله خفيف واشياء سريعه بس اليهال اسويلهم اكل من بليل ويكفييهم 3 ايام تقريبا

انيي حق الغسيل يوم حق ابونا ويوم حقي واليهال يومي وبسرعه اخلص شغلهم بساعه طبعا الاوتي حق اليهال يومي واهم يلعبون انا اسوي واطالع تي في ما فيها شي

تنظيف الحمامات حمام غرفتي كل يوم اكيد قبل لا اخذ الشور انظفه وبعدين اتسبح يعني كل شغلي بنص ساعه

حمام الضيوف الي اهو بالصاله اغسله لما اليهال ينامون عشان يكون نظيف اثاني يوم كله

وحمام ولدي بروحه اغلب الوقت ما يدشه لانه كله بالصاله فما اغسله يومي واصلا حاطتله داخل حمامه حوض سباحه يعني كله حمامه نظيف لانه يا متسبح والماي كله عالارضيه

انييي حق تنظيف الصاله والصالون وغرفه الظعام لها يوم بروحهم 3 مرات بالاسبوع بس طبعا الخم والمساح كل يوم شي اساسي والصبح اعيالي نايمين اقوم اخلصهم ما ياخذون ساعه

بس تنظيف القنفات والمفارش والبرادي والدرايش نفس ما قتلج 3 مرات بالاسبوع وعندي المكنسه المخصصه لهم تنظق وتغسل وتنشف كلها يبيلها ترقريبا 3 ساعات

انيي حق المطبخ قتلج ما عندنا طباخ وانا طبعي اي ةشي استخدمه وانا اطبخة اغسله يعني الصحون ما يتكودون عندي كلش وولدي الصغير ابوه يمسكه وانا انظف المطبخ واطلع يعني ما ياخرني المطبخ كلش

بالنسبه للجاي والقهوه والنسكافيه انا عندي بصالتي دريشه كبيره تقريبا جنها بلكونه ارضيه حاطه كرسين وطاوله ذربه ومسويه ركن مع ورود وشموع وسوالف

اكو نفسطبت صعير ايشوق معلق فوق حاطه فيه الجاي والقهوه والنسكافيه وعلي كافيه لاهم شي لوووول وككاوات الي احنا نحبهم

فوق طاوله الاكل لانها اويد كبيره مالتنا اخر شي بالزاويه حاطه غلايه الماي واكواب للشاي والقهوه وقلاصات ماي وبغرفه الطعام بعد انا حاطه برادتي وحدها مجكنمه يعني الجاي والقهوه ريلي لو يبي يسويهم حق روحه ما يبيلها شي كل شي يمه من ماي حار بالبراده والجاي والقهوه بالكبت الي بالركن


الحديقه والدياي لووووووول عندنا نقس صبي جذي يمر كل يوم الصبح ساعتين يغسل وينظف ويغسل السياييير يعني ما اتعب فيهم

بس انا الظهر وبليل احطلهم اكل لوووووووول لاني احبهم صج وبعد عندنا كاسكو لووووووول هم احطله اكل واهو داخل بيتي شكو قصه حياتي مادري


المهم انيي لملابس ريلي الدوام اول ما ايي علطول بس يفصخ انا عندي صج غرفه غسيل والله هالفكرحلوه واتينن

شوفي عندي 3 غسالات وحده اتوماتيك ووحده عاديه ووحده مالت اليهال

ويمهم اكو خزاين انا مفصلتهم حق المناشف وهم مخزن للاشياء الي ما نستخدمهم وايد

طبعا علطول من الغساله لي الاوتي لي الكبت

والفوط علطول من الغساله لي الكبت الي يمهم بغرفه الغسيل

ويم غرفه الغسيل اكو حمام خارجي لوووووول انا مسنعه فيه واغلب شي لما ريلي يرد من الدوام يتسبح فيه لانه برا واليهال يمه لووووووووول فيقط الملابس بالغساله ويدش يتسبح يطلع الفوط بالخزانه الي بغرفه الغسيل وانا بس وياطلع ملابسه واكويهم والحياه سهله

صج ماكو وقت حق اي شي بس انا عيالي اسمله عليهم نظاك انقليزي لوووول اي شي ياكلونه او يلعبون فيه بغرفه الالعاب مالتهم ما يقططون او يسوون وصخ يعني بيتنا دايما نظيف وما اتعب فيه

حتى صحنه ولدي انا معلمته بس يخلص يحطه بالحوض وبس يكبر شوي بعلمه يغسله ويشيل صحن اخوه الصغير عادي لازن يتعلمون جذي

بليل ينامون عالتسع وانا بعدها اتفرغ لنفسي ولو اكو طبخ حقهم او شي ازهبه وانطر ابوووونا

وبس هونيها تهون والخدم ما منهم الا عوار الرااااس

 

[ام غازي الصواغ]

انا عيالي 3 واحد سنتين ونص ووحدة سنة ونص وواحد شهرين وماعندي خدامة سهر وغسيل وتنظيف وكرف بس الحمدلله الامور ماشية منظمه وقتي ومأجلة موضوع الخدامه لانها بتقيدني ما اخذ راحتي مع رجلي

 

[الجووورى]

اول شى اقعد من النوم وااسوى فطور حق ريلى وبعدها اقوم انظف الصاله من خمام وتنظيف ومساح وبعدها اسوى الغرفه وادش المطبخ اغسل صحون الريوق بس بنات حتا وانا اطبخ الل اوسخه اول باول انظفه بعدين ادش الحمام وانت بكرامه واشغل الغساله
يوميا اغسل وعلى ماتخلص الغساله اكون غسلت الحمام ماى وصابون المهم اغسله بالماى واطلع الهدوم واحطهم بالشمس
بعدها ادش احضر اغراض الطباخ ا\ا بسوى عيوش اذهب الدقوس والحشو واسوى الغدا
وبعدها اطلع اعطر غرفه النوم وابخر البيت

يخلص الغدا اغسل الصحون واقعد ارتاح واجابل اليهال شوى وبعدهااخذ الهدوم اللى شريتهم واسويهم اوتى يعنى بنات شغلى اول باول صراحه ما اخلى ريلى عنده فرصه يعلق على اى شى ناقصه
طبعا لا رد من الدوام اجابله مره نسكافيه شاى كيكه مسويتها واى شى من هالسوالف
واول باول شنو يتوسخ انظفه واقطه بالخمام وعلطول ايدى بالبيت

 

[العاطفية]

مارياج حبيبتي شخبارج توني ادري غيرتي نكج أنا كنت من رواد مواضيعج ماتوقعت كلش ان ما عندج خدامة يحلوج خووووووش يوميات صج سنعة وتونسين وحدج تشجعين بس ليش ماعندج خدامة<<<<<<<لقافة لووول

الله يوفقج

 

[العاطفية]

انا عيالي 3 واحد سنتين ونص ووحدة سنة ونص وواحد شهرين وماعندي خدامة سهر وغسيل وتنظيف وكرف بس الحمدلله الامور ماشية منظمه وقتي ومأجلة موضوع الخدامه لانها بتقيدني ما اخذ راحتي مع رجلي

يا هلا يا هلا والله حديدية ام غازي الله يوفقج وترى لو تجربين الخدم بتكرهينهم والله يقويج

 

[العاطفية]

الجوري حياتي اشتري غسالة صحون واااااايد بترتاحين ومو غالية بسعر خدامة تيبين ٣غسالات لوووول وصج يومج حافل وممتع

 

[كويتيه78]

انا عندي ثلاث يهال واصغر وحده عمرها 3شهور وماشالله عليها حنه ماتسكت يعني ماالحق على الشغل ولا اجابلها ولا اشوف عيالي الثانيين وطبعا ريلي حايس معاي بهالمعمعه وماكو وقت نجابل بعض ضايعه المساله بس لما كا عندي خدامه بصراحه ماكنت احس بخصوصيه احس انها تعرف احنا شنسوي ومتى مادري ماكنت مرتاحه وهم بدونها مو مرتاحيين لووول​

 

[كويتيه78]

اول شى اقعد من النوم وااسوى فطور حق ريلى وبعدها اقوم انظف الصاله من خمام وتنظيف ومساح وبعدها اسوى الغرفه وادش المطبخ اغسل صحون الريوق بس بنات حتا وانا اطبخ الل اوسخه اول باول انظفه بعدين ادش الحمام وانت بكرامه واشغل الغساله
يوميا اغسل وعلى ماتخلص الغساله اكون غسلت الحمام ماى وصابون المهم اغسله بالماى واطلع الهدوم واحطهم بالشمس
بعدها ادش احضر اغراض الطباخ ا\ا بسوى عيوش اذهب الدقوس والحشو واسوى الغدا
وبعدها اطلع اعطر غرفه النوم وابخر البيت

يخلص الغدا اغسل الصحون واقعد ارتاح واجابل اليهال شوى وبعدهااخذ الهدوم اللى شريتهم واسويهم اوتى يعنى بنات شغلى اول باول صراحه ما اخلى ريلى عنده فرصه يعلق على اى شى ناقصه
طبعا لا رد من الدوام اجابله مره نسكافيه شاى كيكه مسويتها واى شى من هالسوالف
واول باول شنو يتوسخ انظفه واقطه بالخمام وعلطول ايدى بالبيت

صج تعب بس تصدقين الواحد نفسيا مرتاح واحس بيتي نظيف وماكو عله قاعده على جبدي وخدامه ماتفهم وتعالي راقبيها وحوسي وراها شوفي شغلها شغلي اخلصه بايدي انظف واحسن مليون مره حتى اليهال نفسيتهم تتغير بدون خدامه حنتهم تقل ويصيرون هاديين اكثر ​

 

[العاطفية]

انا عندي ثلاث يهال واصغر وحده عمرها 3شهور وماشالله عليها حنه ماتسكت يعني ماالحق على الشغل ولا اجابلها ولا اشوف عيالي الثانيين وطبعا ريلي حايس معاي بهالمعمعه وماكو وقت نجابل بعض ضايعه المساله بس لما كا عندي خدامه بصراحه ماكنت احس بخصوصيه احس انها تعرف احنا شنسوي ومتى مادري ماكنت مرتاحه وهم بدونها مو مرتاحيين لووول​

الله يعينا ويعينج والله يهدي ام3شهور سلم قلبها يبه صج تعب بدون خدم بس شنو راحة نفسية ماتحاتين شي وتقطين جنطتج باي مكان وتلبسين كل الي بخاطرج بس اخ لو ما الدوام

حاولي تدبرين وحدة نص دوام لحد ما البنوتة تكبر عشان السهر والتعب

 

[العاطفية]

كويتية٧٨ما قلتيلنا تشتغلين واذا اي شغلج لي الساعة جم؟

 

[كويتيه78]

الله يعينا ويعينج والله يهدي ام3شهور سلم قلبها يبه صج تعب بدون خدم بس شنو راحة نفسية ماتحاتين شي وتقطين جنسهم باي مكان وتلبسين كل الي بخاطرج بس اخ لو ما الدوام

حاولي تدبرين وحدة نص دوام لحد ما البنوتة تكبر عشان السهر والتعب

اي الله كريم انا الحين ماخذه امومه البلوه لما تخلص الاجازه ومشكله هالدوام شراح اسوي عيالي وحده روضه والثاني حضانه والصغيره اكيد بوديها حضانه وصراحه جربت الخدم اللي بالساعات تنفع بس الشغل مايخلص كل يوم نفس الشغل جم مره بييبها بس اكيد بطلب خدامه هالوضع لايمكن يستمر لانه بصراحه لازم يكون في جانب تهملينه يعني في مثل حالتي ريلي كلش مادري عنه حرام بصراحه بعدين الريال ينحرف لوووول ​

 

[كويتيه78]

كويتية٧٨ما قلتيلنا تشتغلين واذا اي شغلج لي الساعة جم؟

اي اشتغل بس مثل ماقلت الحين امومه بس قبل لااولد كنت اداوم بس تدرين كان عندي 2 يهال يعني الشغل اخف والمسؤوليه اخف انا اللي متعبني هالصغيره وقبل لااولد عيالي كانو حضانه كنت ارد البيت الساعه 2 ونص وطبعا مقزرينها عالمطاعم لاني كنت حامل وتعبانه بس الحين مالي عذر اطبخ ​

 

[sweet december]

رد : رد: متزوجة عندج عيال تشتغلين وماعندج خدامة تعالي هني

مارياج حبيبتي شخبارج توني ادري غيرتي نكج أنا كنت من رواد مواضيعج ماتوقعت كلش ان ما عندج خدامة يحلوج خووووووش يوميات صج سنعة وتونسين وحدج تشجعين بس ليش ماعندج خدامة<<<<<<<لقافة لووول

الله يوفقج

الحمدلله انا تمام ياحبي فدييييييييييييتج

لووووولا توقعي كل شي حياتي ماعندي الله يسلمج لاني اولا ما احبهم ولا احب شغلهم يدانيا ريلي ما يرضى

وما يداني خدامه بالبيت بصراحه مرات اطفر خصصوصا اني شبه محبوسه ما اطلع بس شسوي

ودي احيانا بس الهوا ضدي وترا انا ما اخلي عيالي عند احد تقريبا كله معاهم بس شوي يكبرون الدنيا بتصيرر اسهل