متزوجه وشعري خشن متوهقه حدي فيدوني

[حقوقيه زوغه]

جربي الميلك شيك عند صالون لاليك اللي بمجمع شيخه اللي ع البحر ،، مسويته خاله ريلي شعرها نتفه وقصير صار ناعم بس تسويه هوا

 

[كهرمانة]

الحين احنا بزمن التكنولوجيا والاختراعات

ليش مايخترعون لنا دوا يعدل جينات الشعر ويخليه يطلع ناعم:eh_s(9):

ويفكونا من الصالونات والسشوار:eh_s(16):

والله جان زين فيه حبه ناخذها ونرتاح بلا كيراتين بلاسشوار:eh_s(4):

 

[نوّار]

أنا الصراحة ما فاد معي الكيراتين ، يمكن من ثاني غسله راح و خلى من بعده التساقط والجزء اللي
تحت من عند رقبتي صار خشششن .

الشيء الوحيد اللي يعطي شعري حيويه وحسيت انه مرتاح ورطب هو ماسك " ماكاديميا " استخدمه
مع الشامبو حقهم بعد .

والصراحه يفرررررق لما أتسبح و أحطه احس اني لو مشطت شعري وخليته ينشف ما يكش و التموج يكون طبيعي وعادي .

جربيه وان شاء الله ينفع معك ، لانه مع مفعوله في ترطيب الشعر يعالج التلف و يجدد حيويه الشعره
​

 

[ميمي 1]

عذبه السجايا ممكن رقم الصالون

 

[سلطة]

أختي مسوية ماتركس تحفة

 

[ملح الدنيا فيني]

الريلاكس ماتركس الامريكي

عجييييييب اختى مسويته روووووعه والله وبيوم واحد

بس وبالبيت بعد يطلع لج الصالون

تكفين ادعي لاخوى بالشفاء التام

 

[fwateen]

انا يبنات بحاول اطلب من امازون فرد اسمه mizani احسه حلو وشفت كذا يتيوب له وهو برنامج كامل

 

[sh_mashael]

الله يعيينج حبيبتي

يعني مو كله ناعم ناعم
سووي كيرلي

عجفيه بعد السبوح و تالي بطلي العجفه بيطلع جنه تكسير

 

[مسز بسبوس]

اختي حبيبتي الكيراتين ايخلي الشعر يتساقط والله مو زين جربي اتسوين حق شعرج حمام زيت مع قفشتين زيده المانجو وشوفي شعرج وادعيلي والله عجيب بس خليه اقل شي ساعه وقعدي تحت البخار

 

[al-zain]

مشكوريييين كلكم بنات ويعطيكم الف عافيه
عفيه اذا وحده لقت اختراع معجزه تقولي. . كريم نن امريكا او حبوب تو اي شي يدييييد غير الكيراينن والتملييس

 

[جوري - q8]

اتراوالي اهون شي ماركة كرستاس للعنايه بالشعر حنا نبي ترطيب للشعر راضيه بالتموجات مو نافش وهايش ومجعد صراحه احس شعري متعب ويفشل ابي شي يلين الشعر زيوت تنشف مايونيز ينشف كريم ينشف لكم دعوه بالشهر الفضيل الي تعرف

 

[مس استي لودر]

مافي احسن من الزيوت الطبييعيه

 

[WAAAW]

وحده من اهلنا كان شعرها لييييييييييييييييييييييييييييييييييييييييييفه والله ما تتخيلين شلون ....... وقالت انها راحت شركة التجميل الكويتيه عالبحر وسوت كيراتين ..... مادري شلون شعرها صار ناعم جذي @@

مع اني مو من مؤيدي الكيراتين

 

[حبيبه ببي]

ديري بالج من حنه التنعيم لحد يقص عليج

 

[د.أطفال]

انا نفسج تماما جربت الكيراتين مرة مافاد معاي.. اول ما تسبحت رد مثل قبل
الحمدلله ما حسيت بتساقط او شي بس انه ما فادني
والي يقولون سشوار شلون يعني؟ انا السشوار ياخذ ساعة او ساعة ونص غير انه يحرق الشعر ويقصفه وفوق كل هذا راح اتحمم قبل صلاة الصبح..
بخاطري اجرب شامبوهات موجودة ببوتس اسمه فايتوكيراتين في منه بلسم ومادري ايش.. وسعره غالي ترا يعني لو اجيب الست كامل يطلع 70 يمكن اذا مو اكثر بعد..
عني لسة مستمرة عالكريمات يعني شي احسن من ولا شي.. و بديت اقتنع ان هذا هو شعري والحمدلله عندي شعر.. بعد ما اتسبح اغسله واتركه كيرلي وخلاص وثاني يوم انسبح وهكذا .. لأن انا شعري ما يدهن بالعكس ينشففف
واهم شي ما تشتكين جدام زوجك بالعكس قولي الحمدلله شعري احلى شعر والكل يسألني شلون كيرلي شذي.. انا اقلهم رباااني والحمدلله

 

[al-zain]

مشكورينننننن بنات
منو جربت الريلاكس
وشنو نتايجه
وشنو احسن صالون

 

[al-zain]

للرفع

 

[fwateen]

ايه فعﻻ اللي خشن ما ينفعه اﻻ الريﻻكس
ياترى شو احسن نوع

 

[@تاج الراس@]

اعتني براسج غيري الشامبو
استخدمي بلسم سنع ينعم وانا استخدم هيربل اسنسيز
واستخدمي حمام زيت عجيب فاتيكا روعه

واشتريلج كريم فاتيكا قبل السباحه تحطينه حتي ريحته ناعمه ومو خايسه بالعكس
وييبيلج زيت باراشورت
وقصي اطراف شعرج كل 3 شهور
التزمي بهالشغلات البسيطه وشوفي نفسج اشلون شعرج بيتعدل من الخشن الخايس لي الميرلي الحلو المقبول

هذي الشغلات الي طبقتها علي عمري بعد تجارب كثيرة علي نفسي
واقطع فترة واجع اسويها عشان احافظ علي شعراتي
ولا تنسين انه يطول الشعر ويعطي صحه الزيوت وجذي
والبلسم مرتين بالاسبوع
وحمام زيت مرة حنه علي حسب علمي

والزيوت كل ما فضيتي دهني راسج باراشورت الازرق عجيب الي ما يلصق

مشطيه عدل بعد كل سياحه
وخري عن الاستشوار قد ما تقدرين

 

[@محبه الرحمن@]

اختى شعرها خشن ومجعد واستخدمت كيرياتين ماجيك وبتمدح فيه وكتير ظبط شعرها وههذ رقم الشركه 97709439