- إنضم
- 26 سبتمبر 2009
- المشاركات
- 576
- مستوى التفاعل
- 0
- النقاط
- 0
مررررررررحباا
بنات اناا متضايقه حييييييييل وابي شوركم بمشكلتي
أنـْْ♡ـْْا من زمان خاطري اسافرر اوربا خصوصا زلمسي حيل بخاطرررري ومن داومت ابتديت اجمع مبلغ شهريا حق السفر وعقب حملت وتضايقت قلت يمكن خيره اولد واخليها سفره طلعتي
تحملت وصرت اخش شهريا ومرات ماقدر يطير كل المعاش وتعبت بحمالتي حييل على دم وابر وولادتي صعبه تعب البيبي وخذوو مني دبل اللي كنت حاسبته وطبعا أنـْْ♡ـْْا دفعت اغلب المبلغ لان زوجي معاشه شويه يالله يكفي
وكان يدري اني ابي السفر من زمان كلمته ووافق وحجزنا قبل 15 يوم حق باجر الثلاثا بروح المانيا والنمسا وسويسرا ولي شهر ابحث واخطط واجمع احلى الاماكن متحمسه
بعدين كنا طالعين ولانتهاوش على سالفه مالي شغل فيها اهو الغلطان ركبني الغلط وقعد يزف ويزف احتريييييت لان مالي شغل كلش بالموضوع وتزاعلنا 4 ايام مانكلم بعض وانا محكوره وهو هايت ويرجع بس ينام يقوم يطلع عقب بخمس ايام تقريبا قام يسولف عادي ولاجنه صاير شي احتريت عقب كل ههالوقت هاملني جايني الحين يوم شبعت ضيم وهو شبع هياته
سولفن معاه عادي وبليل كنت اسولف مع بنت خالتي قلتلها السالفه اشتكيلها وقلتلها حرني عقب كل هذا يسولف ويضحك وانا مطنشه مرتفع ضغطي
بس قبل اسبوع جيت بنام الا القى فون زوجي بدون رقم سري ونايم عاد اهوو دايم يخشه ومستحيل يفتحه لي بس أنـْْ♡ـْْا يطلب مني افتح فوني وافتحله عادي وكذا مره اصيده يتعبث بفوني اذا رحت قمت غيرت الرقم عناد مثل مايخش خشيت
المهم فتشته ولا القى رساله قديمه من شهر 4 دازلها انـْْ♡ـْْتي فلانه ردت لا رد عليها العذر والسموحه أنـْْ♡ـْْا فلان واسم العايله غلطان بالرقم
امبييييه احتريت ومسجله برقم رجال سعود سعود سكت ورديته على وضعه واول ماحطيته قام وشافني قال شتسوين قلت اوخر الفون عن مكاني طالعني بنظرات شاك وعطيته ظهري ونمت قام قال سويلي ريوق سويتله بدون كلام ورديت فراشي لاحظني وجاني يسألني قلت مافيني شي بعصبيه راح وقعدت ابجي ونمت جاني الظهر قالي قومي وليش تفتشين فوني قلت منو فلانه ورريته المسج وقعد يحلف انه ولد عمه سعود وان ماخذ تيليفونه وداز ويوم ردت كان معاه التيليفون ورد باسمه لان في رجال دق عليه من هالرقم معصب وزوجي كلمه قاله أنـْْ♡ـْْا مالي شغل بالموضوع ودز اسمه ويقول خليت الاسم عندي عشان لادق ماارد عقب قعد يهدد ليش تفتشين وانا بعلمج وكلام واجد واخذ الايفون مالي لاني شاريه جهاز جديد
تهاوشت معاه الا يرده وكلمته بليل قلت هذا جهازي مومن حقك تاخذه وانت اللي غلطان كذا مره تفتش ماكلمتك لاني واثقه من نفسي بس انت خايف والفون فيه صور خواتي ومن هالكلام رده باليل وراح نام وبعدين عقبها بجم يوم راضيته عشان السفره قالي شفت كلامج للبنت خالتج تقولين يضحكلي واطنشه
تزاعلنا جم يوم بعدين راضيته عشان السفره لاتخرب
تراضينا بس اهو ثاقل قلت بروح ااهلي جم يوم ابعد عن جو المشاكل شوي ومنها نشتاق لبعض بالسفره رحت الجمعه ويوم السبت دزيتله مسج بليل قلتله كلمني اذا رديت عشان نحجز الفنادق وصارت الساعه 6 مادز شفته شابك بالواتس دزيتله اناديه شافه وطلع دزيتله الحمدلله والشكر تشوف وتطنش
شافه وطلع سكت دق علي العصر يهاوش شنو الحمدلله والشكر واحترمي نفسج وكنسلي الصالونه ماعاد في سفره
دزيتله مسج اراضيه مع اني ماغلطت اهوو يقط علي كلام اقوى بسً تحملت عشان السفره قات اذا رحنا بتغير نفسيتنا
ودقيت عليه امس وراضيته وعقب طلعتلنا مشكله فيزا السياره ماتطلع الاعقب 5 ايام وقتل بكنسل حاولت فيه نأجلها مارضى قال خيره وبتروح علينا فلوس التذاكرر وباجر طيارتنا حدي متضايقه حاولت وحاولت وماكوو فايده
وجاني زعلان وقال أنـْْ♡ـْْا ماعاد يهمني شي والاموور متساويه عندي انـْْ♡ـْْتي كله تعاندين ومصخرنيني عند الحريم تصولين يضحكلي واطنشه قلتله هذي بنت حالتي وماقلت لغيرها لانك تحرني وماعندي احد اشكيله وبجيت عند بس مصمم على رايه ماكووو سفرر وحلمي ضااااع
بنات أنـْْ♡ـْْا حاسسسه انها عين او شي ماادري أنـْْ♡ـْْا على طول مقموته ومتضايقه وزوجي يعاندني وماعاد يهمه زعلي عقب ماكنا نمووت ببعض ويهتم فيني ومدلعني والكل حاسدني احسن انقلبت حياتي
تكفون ابي شوركم انتوا حسبت خواتي كل وحده تقول وايها وتحط نفسها مكاني بدون تجريح
وسوري اذا الكلام مومرتب قاعده اكتب من فوني
