متضايقه ومحتاره ساعدوني أنا اختكم من السعوديه

[لولوه الحربي]

حياتي هذا زمان اول العيال يربطون الرجال ولا الحين ما يربطه لا عيال ولا غيره

والرزق من عند الله بس احس ان شحلاتهم لكثرو باالبيت وشحلات ضجتهم فديتهم عسى الله يرزقج حبيبتي

 

[نفهمها صح]

انا من تزووجت 20 سنه الحمدالله عندي 4 وخلاص كتفييت
لكن اخر ولاده لي حملت علي كبر وكان الفارق بين الولده ثالثه والرابعه 9 تندمت والله العظيم لانه مالي خلق اربي يعني حملي الحيين علشان بعديين تتفرقيين حق نفسج نصيحه والله بتتبهدليين جبيلج و1 او 2 وفكي نفسج
اما عن زووج لايمسكوون ولا شي كثرتهم تعب عليج وشقه عليج وهوو مو هامه
لكن المووضوع موضووع الجسم وتعب وفيه سن متحبيين تربيين

 

[شوشو الشقيه]

يسلمو اختي
بصراحه هذا كلامي امي
لي
وللان تقول
تره الزوج لا يمسكه لا اطفال ولا جمال المراه
فقط يمسكه التفاهم والاحترام المتبادل بينهم وصيانه عشرة الزوجيه

ساعات اقوله لها يا يمه ما يصير ما اصدق
تقولي
هذا الحقيقه
وياما ازواج لا عندهم اطفال وعايشين بسعادة
تره الزوج لا يمسكه الطفل ولا شيء
والي تفكر تمسك زوجها بطفل غلطانه
او بجمالهااا

يا ما ازواج عندهم زوجات ملكات جمال يتركونها يروحون لاثيوبيه
ليس لانه لقي عند الاثيوبيه شيء لم يحصله عند ملكه الجمال
هو الاهتمام والرعايه والاحترام
هذا كلام امي تقوله لي
الرجل لا يربطه اولاد او اطفال الي يربطه فقط التفاهم بينهم والاحترام
ساعات اتناقش معاهاااا اقول لها مستحيل
تقول لي نعم اكيد
بقولج قصه شفتها بعيوني
وامي قالتها لي
في زوج زوجه 25 سنه عايشين بسعادة
بدون اطفال
بعد 25 سنه الله اكرمهم طفل لما جابت الطفل تطلقوا من بعض
في قصه ثانية بعد شفتها بعيوني وامي قالتها لي

في زوج وزوجه للان لم يكن لديهم اطفال
بس عايشين بسعادة والزوج لا يفكر باطفال
وراضي بقسمه ربه
ولا يفكر يتزوج على زوجته

 

[حلاوه تمشي]

امك صادقه الحين ماراح يقول شيء بس بعد خمس سنوات عشؤ سنوات بيقول جيبي عيال وبتزوج عليك وانتي من ويلك شده على التربيه الحين جيبي وارتاحي جيبي واحد او ثنين وخلاص

 

[نوتيلا 99]

شوفي حبيبتي أنا بقولك سالفة وحدة زميلتي بالدوام عندها بنتين و ولد وأصغرهم بنت بالمتوسط وكانوا مبسوطين هي وزوجها على هالوضع طبعآ زوجها الله منعم عليه رجل أعمال والرجال متعلم ومتفتح .. وهي بعد ماشاء الله عليها بنت عز وناس هاي كلاس ..
... المهم زوجها صاير يزن عليها تجيب عيال يبي له عزوة ... وهي من زمان ماحملت وعمرها حسب ماقالت لي دخلت الأربعينات والمسكينة حالتها حالة تبي الحمال باللي هي به ...
.... لذلك أنصحك أذا ربي يسر لك الحمل تجيبين لك 2 أو 3 خصوصآ إنك عمرك صغير .. وإذا على التعب فالحياة كلها تعب الله يعين عليها... و أنتي أستخيري والله يكتب لك الخيرة .

 

[فوفو..]

اختي ماشاء لله بنتك الحين كبيره توكلي على الله واحملي ولاتفكرين تاجلين موضوع الحمل اقلها جيبي ثلاثه وخلي بين وكل واحد وواحد سنتين مع حمال البطن....الحين عمرج زين الدكاتره صاروا يحذرون من الحمل بعد سن الخمسه وثلاثين...والرجال كلهم كذابين اذا طاف العمر ووقفتي قال لا ابي اطفال يونسوني....وانتي وافكارج عاد...وبعدين الحمال ماعاد صار سهل...ربما تتركين المانع عاد الله اعلم تحملين على طول ولاتقعدين عمر بعد....انا ماسويت المانع الاسنه وست شهور ومع ذلك قعدت سنتين ماحملت...والله يكتب لك الخير ومافيه...

 

[أجرح وداوي]

هلا والله ببنت ديرتي من شفت من السعوديه قلت الفززززززعه هههههههه
لا والله كلهم خواتي سعوديات وكويتيات
بس الي شدني اني نفس وضعك وقصتك بالضبط بس الفرق ان اانا عندي 3
بنتي الكبيره صف رابع وولدي الثاني صف ثاني وولدي الثالت صف اول
تخيلي جبتهم وراا بعض وتخيلي بنتي جبتها وانا عمري 18 احس تعقدت والناس اكلوني بالكلام ومحتاره وزوجي ماعنده مشكله يقول كذا حلوين
عموما اذا حملتي عطيني خبر اجمل معاك ههههههههههههههههههههههه
وبس

ههههههههههههههههههه ضحكتيني والله من الصبح
الله يسعدك يااارب أصلا لو عندي 3 مثلك كانت مافكرت اجيب غيرهم خير شر
احس 3 كفايه اما انا اثنين بس كل الناس اكلوني
الله يعيننا بس لاتشيلين هم اذا فكرت بالحمل بقولك خخخخخ

 

[مسك حياتي]

العيال عزوه و بتحسين بهالكلمه لا كبرتي ...

 

[عيون الشيخ جابر]

بختصاااااااااااااااااااااار يمسكووووووووووووون ويمسكوووووووووووووووون ويمسكوووووووووووووووووووووووووون




بس مو منطق منطقج اجيب بس عشان يمسكونه غريبه ؟؟؟
اهم شي اقدر اربيهم وحميهم من هالزمن بذات البنت تخافين عليها من كل شي الله يوفقج ويسر امورج

 

[أجمل إنسإنة]

غلطانين الي قالولج ان الرجال ما يمسكه الا العيال لانه لو عند درزن عيال وفكر انه يتزوج بيتزوج ​

 

[أجرح وداوي]

بختصاااااااااااااااااااااار يمسكووووووووووووون ويمسكوووووووووووووووون ويمسكوووووووووووووووووووووووووون



بس مو منطق منطقج اجيب بس عشان يمسكونه غريبه ؟؟؟
اهم شي اقدر اربيهم وحميهم من هالزمن بذات البنت تخافين عليها من كل شي الله يوفقج ويسر امورج

يااختي وش أسوي بهذلني كلام الناس
ولا انا لو الشّور شوري صراحه يكفوني والله يحفظهم لي ويبارك لي فيهم ان شااااء الله
والله قمت اوسوس من كلامهم وخفت على مستقبلي

عموما مشكوره على ردك الله يسعدك دنيا وىخره

 

[sara1963]

انا اقول دام انتي معاه متفقين خلاص مالج بكلام خواتج واهلج والناس
وبعدين انتين قلتيها فيه نسوان عندهم 7 و8 ومتزوجين عليهم الحين انتي توج صغيرة
استنانسي مع ريلج وبعدين لو غير رايه بيقولج قوللي لحمدلله ولد وبنت نعمة وربي
يطرح فيهم لبركة ...

 

[هجران الليالي]

" المال والبنون زينة الحياة الدنيا " صدق الله العظيم

اذا إنتي عندج مقدرة صحية ، وتربوية ، ومادية ، تعليمية ، على الإنجاب أنجبي ... ترى العيال حلوين ولما يكبرون تحسين وياج وحوالينج يملون حياتج بس بشرط حسن التربية، وإنتي بكرة تكبرين ودج بطفل يملي حياتج ودائماً الطفل في آخر مرحلة تحمل فيها الأم يحسسها بأمومة أكبر ، سبحان الله كل ما تكبر المرأة وتنجب في عمر الثلاثين عاطفة الأمومة جياشة أكثر >>> ( هالكلام من وايد بنات حواليني علموني هالشي ) تجديد الحياة فيها والحنان والحب يزيد .. وجهة نظر وأعتبرها صحيحة

إدعي لي أحمل

 

[الوفى عنواني]

اهم شيء انتي متفاهمة مع زوجج خلاااص مالج شغل باحد وقوليلهم ولله شور ابو العيال انه مايبي خلاص الريال مكتفي بعد هم شكو الله يعين بس انتي لاتدخلين احد بخصوصياتكم وفليها مع ريلج بهالوقت العيال صعب تربيتهم يالله تربين 1 شلون 5 ولا فوق الخمسة ترى احنا مو مثل تفكير امهاتنا ولا فينا من طاقتهم الحياة تختلف والجيل يختلف

 

[غداً القاك]

العيال نعمه وخير لك قبل لايكونون له
والولد سند حتى لخواته بعد عينكم بعد عمر طويل
جيبي عيال ياقلبي مدام مافيه شي يمنعك ترى المال والبنون زينه الحياة الدنيا
والحياه الحين متسهله خدامات وراحه الله يرحم ايام امهاتنا بس

 

[(ناعم العود)]

جيبي بعد مايكفي اثنين انتي الحين تتعبين وياهم بس بعدين بيصيرون عزوة لك انتي و زوجك وعيالكم الله يرزقك ويشرح صدرك يارب