متضايقه يا بنات.... لا تخلوني

[نـور الكويت]

يا قلبي الله يفرج همج

شووووفي اهم شي انج تقرين قران ترى يشرح اصدر واستغفري قال تعالى : (( فقلت استغفروا ربكم انه غفارا يرسل السماء عليكم مدرارا ويمددكم باموال وبنين ويجعل لكم جناتا ويجعل لكم انهارا) أكثري من الاستغفااار يشرح الصدر ويجعل من كل ضيقا مخرجا ..

انتي يمكن تعبانه من شغلج يمكن مو عاجبج ؟؟ وربج يسهل ان شاءالله اطلعي غيري روتينج

 

[tmtmt]

الله يعينج حبيبتي ويفرج همج
البنات ما قصروا

لا تقعدين بالبيت طلعي استانسي مع عيالج وارتاحي

 

[الجـــووري]

رد : متضايقه يا بنات.... لا تخلوني

عليج بالدعاء ان الله يسخره

 

[كندة العجمى]

رد : متضايقه يا بنات.... لا تخلوني

والله ياختى الحال من بعضة بس أتوقع مثل ماقالت فوفو علشان رمضان والعيد والمدارس كلها جت ورى بعض ..... ماأقول إلا الله يشرح صدرك وفترة وتعدى هذى الحياة مع العيال والرجال الله يعين ......

 

[لمسه حزن]

رد : متضايقه يا بنات.... لا تخلوني

الله يفرج همج

ويشرح صدرج

ويسخر لج زوجج

 

[غيمه ظميانه]

والله انا جتني هالحله قبل جم يوم

عادي هذا فتره النفور لازم تجي بالحياة الزوجين
تحسين مالج خلق احد ودج تبجين وتنحاشين

ماعليه هونيها وبتهون تدرين انا شسويت


رحت الجمعيه شريت لي اغراض وطلعت لي كذا طبخه او كيكه من النت وقمت ادخل اسوي كيك واكل انا وعيالي واقول لزوجي اليوم مسويه كيكه تعال العصر بسوي قهوه ويقعد ياكل عالاقل تحسين في شويه اكشجن وياحبذا لو كانت الكيكه حلوه واذا تبين انا حاضره والمنتدى ما يقصر

دقي على صالونه تجيج علاقل تقظي الوقت سوي بديكير وانتي جدام التلفزيون

سيري على جيرانكم


حبيبتي من شاف بلاوي غيره هانت عليه بلوته الحمدلله غيرنا زهقوا من المستشفى وغيرنا زهقوا من السجن

احمدي ربج يارب لك الحمد هذا الدوامات وماتفعل وحطي ببالج مو بس انتي بروحج تحسين هالشعور الاغلبيه يحسونه

 

[امواج الكويت]

الله يفرج همج

 

[DooLy88]

الله يفج كربج

 

[ام بديير]

حبيبتي نظمي حياتج وغيري شوي سافري اذا امكانياتكم ما تسمح حجزي شاليه خليلج يوم بالاسبوع تطلعون مع اليهال وسويلج يوم خاص لج .. سووي جدول انتي معاه .. والله ايسر امورج واتفج الضيقه عنج وعليج بالقران على طووول

 

[fufu el7lwa]

يااااي الله يعينج لااا تضغطين على نفسج لا يكلف الله نفسا الا وسعهاا حطي خدامه ودخلي عيالج القاعده الحلبيه علشان تفتكين منهم ومنهاا يدرسونهم وبهالفتره دلعي عمرج سوي مساااج كل اسبوع اشتركي بسبااا وسوي اظافرج تعطري ترا العطر والله له اثرررر انا عن نفسي اذاا ضقققققت ادعي ربي واصلي ركعتين ورشي عطرر تحبينه ويذكرج بشي حلووو ولااا فكري افكار ايجابيه اذا الطلعه عسره عليج وزوجج عله فكري بشي حلو تذكري ايااام خبالج مع رفيجاتج دقي على اختج امج رفيجتج وضحكي على مواقفكم يعني ضيعي وقتج بالمنتدى هني وحطي قراان يشتغل وانتي بالمنتدى دشي اليوتيوب حطي مواقف مضحكه فكري بقلبج قولي شتسواا الدنيااا وجم بعيش واذا تضااايقت بتفيدني ضيقتي هني بتنقدين على نفسج وتقومين تسويلج عصير بااارد وتبردين على جبدج وتلعبين مع عيالج والله يشرررح صدرج انشالله ويفرررج ضيقتج

 

[بنت الكويت &]

رد : متضايقه يا بنات.... لا تخلوني

الزمي الاستغفارولا تنسين اذكار الصباح والمساء فهي حصن لج
من لزم الاستغفار جعل له الله من كل هم فرجا ومن كل ضيق مخرجا وجربي والله بترتاحين
وبتسهل امورك

 

[كل الغلا لك]

الله يفرج همج ويسعدج يارب ويجعلج في كل ضيق مخرج

انا ماقدر انصحج بشنو لاني مومتزوجه بس وربي دعيتلج من كل قلبي

 

[رنه خلخال]

كلنا نشكي من الروتين انتي حاولي اتسوين شي يديد دشي نادي او دوره كمبيوتر عالاقل تطلعيم من جو البيت واليهال
والله يفرجها عليج ان شاءالله ولازم يكون حق ريلج دور مع العيال مو معقوله اتكون المسؤوليه عليج بس
موفقه

 

[متفائلة2010]

حبيبتي تعوذي من ابليس مافيج الا العافيه ان شاءالله

وحاولي تقعدين مع ريلج قعدة رومانسيه واتقولينله اللي مضايقج

بهاللحظة اكيد راح تبجين وان شاءالله يتعاطف معاج.. ويحس فيج

 

[بدلية]

صاجين البنات بكل كلمة قالوها

وانا انصحج تمارسين اي هواية تحبينها او تسجلين بدورات او نوادي او اي شي

وتطلعين مع خواتج يوم بالاسبوع

اذا ماتقدرين تطلعين تقدرين تشترين افلام وتشوفينها مع ريلج وعيالج بالبيت < يصير الجو حلو واليمعة تهبل

 

[لغزالمشاعر]

لاتشيلين هم حبيبتي ولا تضايقين الله يسخرلك زوجك بس انتي بعد اهتمي بنفسك وجيبيلك خدامه وغيري لوكك ولبسي واثقلي عليه خليه يحس ان فيه آدميه تتعب يعني فكري بنفسك أول شي وش لي تحبينه وش اللي يسعدك لانك لو ماحبيتي نفسك ولا أسعدتيها مابتقدرين تسوين شي
الله يوفقك ويسخرلك زوجك وعيالك

 

[حبيبي سهلي]

اختي الغالية....................... محمد ينفعج لاتوقفين حياتج بيدج ابدئي انج تغيرين حياتج من الاساس دلعي روحج روحي للصالون وسوي لنفسج نيو لوك وبعدين دقي على اقرب رفيجة لج وروحي مطعم يوم ثاني روحي السينما يوم ثاني سوي عشا في بيتج وجمعي الاهل اخذي اليهال وسوي برنامج اوبن داي من الصبح لليل متاحف مجمعات حمام سباحة معارض وحركات من جذي كلش كلش اشتركي مع المجموعة التطوعية لخدمة نزلاء دور الرعاية مجموعة اسمها معاكم التطوعية يبون متطوعين واشغلي نفسج

 

[منيرة خالد]

عااادي هالحاله تمر علينا كل فترة والسبب المسئوليات مع الروتين تحسين بالملل والفراغ

والبنات ما قصروا بالنصايح >>> دام الخميس تروحين عند اهلج بدال القعده بالمجلس والهذره اطلعي معاهم للقهوه الشعبية او البحر ترى تحسين بتغير بالمزاج شوي وصدقيني حاولي تكون لج صديقه او اخت تزورينها بوسط الاسبوع او تطلعين معاها


والله يعينا على هالحياة

 

[كويتيه وبس!!]

الله يعينج والله صج ترا الروتين يذبح بس شنسوي
تعوذي من ابليس واقري قراان والله يعوضج خيير

 

[Miss McDonald]

,
السسسلآم عليكم ,
حبيبتي لآزم تغيرين روتين حيآتج ,
عيآلج الله يحفظهم لج علميهم يعتمدوؤن على نفسسهم ولو بششيء بسسيط !
بيتج غيري أثاثه أو أماكن الأثاث سسوي ميك آوفر ,
روحي الصصآلون صبغي شعرج قصي لج قصه تغير سستآيلج روحي السوق وكشخي له قربيه لج !
حآولي تناقشينه بموآضيع مششتركه شاركيه اهتمآمآته ,
وعليج بالدعآء والاسستغفآر والله يفرج لج همج يآرب =)
.
موفقه حبيبتي =)