متعبنـــي معــآه مادري شســوي لــه

[Habibat Abooha]

بنات انا

دشيت بالمسؤوليه وتوهقت

مابي وحده تزفني او تقولي انتي مو قد المسؤوليه انا بروحي قاعده اكل بروحي مليون مره

مادري ان اذا يييا يوم راحت علي نومه وماطبخت راح ينفس علي

يوم الى مارتب له هدومه راح يعصب علي

يوم الى ماضبط غداه ينزل عند امه وتيننني ذيج تخز فيني

مادري يوم الى اقعد من النوم ومارتبت داري راح يقولي من متى قاعده يعني صارلج ساعه او ساعتين قاعده ليش مارتبتي الدار

ليش حاطه الهدوم بالغساله وماغسلتيهم

ليش الفرن بالمطبخ جذي ليش ماتحطين فيه جذي مثل ماتقول امي

حتى ادق الاشياء لازم يعلق عليها

انا شماخذه ياربي

انا مو مكفيني اهله ايييني اهو

حاسه بروتين مو طبيعي

حطيت لي نوته عند ثلاجتي

تلخبطت كل هذه خايفه يرد ويقولي ليش ماسويتي جذي

المشكله بنات يحاجيني ماحب احط عيوني بعيونه

مشكلته يرد لي اذا كلمته بموضوع مايطالعني جنه يقولي اسويلج مثل ماتسوين لي

يحسسني جني غلطانه عليه وتعالي شوفي بالليل وداعته مافي مثله وبالنهار يقلب

وعندي مشكله ثانيه امي احسها ماتبلع ريلي اذا قلت لها يبي يسلم عليج مادري شلون تصير

رافضه فكرة الحمال الحين تقولين اخذيلج على الأقل سنه انتي مو حمل عيال الحين

وانا مالومها من اللي يسونه فيني بيت اهل ريلي صارت ماتحب ريلي لأن اذا صار شي منه او من اهله اتضايق وامي تسئلني واعلمها ومن جذي صارت يمكن ماتحبه

اختي قالت لي امي تقول والله مايستاهلج لو انتي قلتي تبينه تقول امي مارتاحت له كلش

صرت اتحسس وايد منه

مستحيل امي تبالغ الا اذا فعلا شافت شي انا مااشوفه سسسوا بعرسي وعقب عرسي سواي الله اعلم فيها

اخته بروحها ظيييييييم

بنات محتاجه اروح بيت ابوي يومين تعبت والله تعببببببت يمكن ارد اشتاق له

شلون افاتحه بالموضوع

محتاجه اغير روتين واطلع شويه من بيت اهل ريلي

 

[مارشميلو..]

ياعمري لاتكدرين نفسك ترى اللي تقولينه اغلب العرايس يمرون فيه
انا كنت مثلك مااتحمل الشغل واتضاااايق لما يقعد يعلق وليش ماسويتي وليش ماطبختي كنت متعوده على الراحه بيت اهلي ملابسي حتى معمري غسلتها فجاه صرت مسؤوله عن نفسي وعن واحد ثاني شي طبيعي الضيقه اللي تمرين فيها
بس اتعبريه تحدي لك وحاولي ترتبين وضعك قومي قبل لا يجي بساعتين ولا 3 حطي غداك ع النار ورتبي الشقه ع السريع بس مكينه كهربا ورتبي السرير بعدين جهزي نفسك وترتبي وخصصي يومين بالاسبوع تنظيف شامل تقدرين تجيبين اجار بالساعات ولا خدامه اهلك اتوقع انتو 2 بس يعني مارح تتوصخ الشقه واجد وماعندكم اطفال
انا عقدتي الطبخ اكرههه كنت ههههه بس شوفي لاتعودينه انك تتفننين بالطبخ سوي نفسك ماتعرفين وسوي له اشيا سهله وسريعه بس
وبالنسبه لاهله طنشي يختي لاتحطين ببالك اهم شي زوووج لاتهتمين لكلامهم ولا لتصرفاتهم
ونصيحه انتي باول حياتك يعني قاعده تبنين الاساس اللي بتعاملون فيه مع بعض
اذا عودتيه على شي او على اسلوب مستحيل تغيرينه عقب كم سنه
واذا مضاايقه حيل قولي له تروحون مكان تغيرون جو مع بعض او طلعو يوم من الصبح لاخر الليل تمشوا وتسوقي وروحو سينما عيشو حياااتكم
توك عروس هذي المفروض تكون احلى ايام عمرك حاولي تكسبينه بالاسلووب الزين والكلام الحلو يمكن يفيد معاه
وسوري ع القرقه بس ذكرتيني بنفسي

 

[ياغفور اغفر لي]

حبيبتي عادي في ازواج العن من جذي

المفروض بالليل مخلصه كل شغلج من غسيل هدوم وتنظيف مطبخ وكل شي وتتسبحين وتنامين ولما تقعدين ركبي غداج ونظفي غرفة نومج وبس

انا احب شغل الليل احسن واريح الواحد لما يقعد من النوم ماله خلق تنظيف

 

[هُدوء]

يَ حبيبتي حطي لج قآعده مثثلي انا وريلي
آلمشآكل آللي تصير بيننا مآاطلعهآ لـ اهلي واهو مآيطلعه ة لـ اهله
لآن احنا بنترآضى امآ الآهل كل وًآحد بيآخذ في قلبه ة عّ آلثآني ،

وصدقيني رآح تتعودين عْ ككل شي لان آنتي توج عروس ومآلج الا سنه ة متزوجه ة
بدآيه ة آلزوآج لآزم تصير مشآككل انتي هدي نفسج ، وسوي مثل مآيقولج ورتبي جدولج ووقتج
وآلله ةة يوفجج ويعينج




,

 

[ام كوثر2007]

الحين بعرف وين المشكله ؟

المشكله انج تحملتي المسؤوليه ؟

والا المشكله انج ما تبين وحده فينا تقول لج انه هذا واجبج وريلج ما طلب منج شي اوووفر اللى يخليج تطفشين وتبين تغيرين روتينج .. هذا الواجب


صراحه ما اشوف في مشكله كل المشكله فيج .. لانج كل شي تحطينه بحلج امج ..

وباجر لا تصافيتي مع ريلج وصرتوو عسل .. تعالي عاد قنعي امج تحبه ..


الله يعينج حبيبتي

 

[ام كوثر2007]

يَ حبيبتي حطي لج قآعده مثثلي انا وريلي
آلمشآكل آللي تصير بيننا مآاطلعهآ لـ اهلي واهو مآيطلعه ة لـ اهله
لآن احنا بنترآضى امآ الآهل كل وًآحد بيآخذ في قلبه ة عّ آلثآني ،

وصدقيني رآح تتعودين عْ ككل شي لان آنتي توج عروس ومآلج الا سنه ة متزوجه ة
بدآيه ة آلزوآج لآزم تصير مشآككل انتي هدي نفسج ، وسوي مثل مآيقولج ورتبي جدولج ووقتج
وآلله ةة يوفجج ويعينج



,

لا وانتي الصاجه .. ثلاث اشهر وقصوور

​

 

[شيخه_البيض]

ام كوثر أنا لي ٥ سنين الا شهرين ولمن الحين ماخذيت على ريلي ولا على اهله مو امه وخواته لا اقصد خالاته وعماته

لمن الحين مو راضيه استوعب أني أنا متزوجه وان عاداتنا وتقاليدنا واطباعنا غيير لا أنا قادره اتاقلم معاه ومع افكاره ولا اهوا راضي يتنازل

أحاول اسايره على قد ما اقدر مع انه بدا يتنازل بس احس لمن الحين يبيله لان مستحيييل أصير مثل تفكيره

وحبيبه أبوها اًذكر اول ماتزوجت كان يقولي اذا نظفتي أطلعج اذا رتبتي اسويلج وما اروح عند اهلي الا مجهزة كل شيء

واااي كنت شوي وآموووت لان شيء مو متعوده عليه ومو متقبله أني أنظف واغسل

وقوليله تعبانه ابي أريح شوي عند اهلي وقبلها نظفي البيت وسنعيه وروحي

 

[ام كوثر2007]

ام كوثر أنا لي ٥ سنين الا شهرين ولمن الحين ماخذيت على ريلي ولا على اهله مو امه وخواته لا اقصد خالاته وعماته

لمن الحين مو راضيه استوعب أني أنا متزوجه وان عاداتنا وتقاليدنا واطباعنا غيير لا أنا قادره اتاقلم معاه ومع افكاره ولا اهوا راضي يتنازل

أحاول اسايره على قد ما اقدر مع انه بدا يتنازل بس احس لمن الحين يبيله لان مستحيييل أصير مثل تفكيره

وحبيبه أبوها اًذكر اول ماتزوجت كان يقولي اذا نظفتي أطلعج اذا رتبتي اسويلج وما اروح عند اهلي الا مجهزة كل شيء

واااي كنت شوي وآموووت لان شيء مو متعوده عليه ومو متقبله أني أنظف واغسل

وقوليله تعبانه ابي أريح شوي عند اهلي وقبلها نظفي البيت وسنعيه وروحي

هذا انتي قلتيها .. خمس سنين .. وهذا اهو قاعد يحاول اشوي اشوي اكيد الواحد ا ما يقدر يغير طبع فيه بسرعه .. لازم وقت ووقت طويل بعد ..

واذا انتي قعدتي خمس سنين في غيرج صبر تسع سنين وثمان سنين عشان يتوالم مع اهل الريل والريل نفسه ..


انا مو قصدي شي بكلامي كثر ما كنت ابي اوصل لها انه مشاكلها جدا بسيطه .. وتقدر تنحل هالمشاكل بالصبر والوقت ..
​

 

[خشف العذارى]

الله يعينج

طموووشه

 

[shak!shoka]

الله يعينج
كل شي صعب بالبدايه

انا من اول شهر حملت و ريلي مو مرتب يمشي و يقط ملابسه و الله كنت اتعذب وما اعرف بالتنظيف و دايما ينقد ع غسيلي و تنظيفي وكنت اتنسا و الوضع يديد و اهله ما ادري شلون

عقب ما يبت ولدي نظمت وقتي طبعا بصعوووبه و بالمقااابل خسرت وااايد اشيااااء
بس شسوي ؟

لازم اتأقلم
كل البنات جذي


الله يعينج والله حااااااسه فيج حيييييييييل*

 

[هُدوء]

يعني توج ٣ شهور ومتحلطمه ة ؟
آلله ةة يهديج ، سوي مثل مآقلت لج عليه ة بردي آلآول
لاتعطينه مجآل يزفج لاتعطينه مجآل يقولج ليش مآسويتي وليش مآغسلتي ؟
سوي كل شي بوقته ة ورتبي وقتج


,

 

[ضاع الود]

نفس مشكلتي مااقول الا الله يعينا بس

 

[Kensington]

الله يهداكم انتي وياه
علي اللي تسوونه
اقعدي معاه واتفقي معاه قولي اي شي خاص فينا يبقي بيننا
هاذا اول شي
اما ثاني شي بالنسبه للطبخ اطبخي حق يومين مثلا
بعدين انتي ساكنه مع اهله ليه مافيه خدامه تطبخ اكل البيت كله اذا كذا تغدو تحت ولا خليها تحسب حسابكم اذا صعبه
جيبيلك شغاله
او مثل ماقلت لك طبخي حق كم يوم وحطيه بالثلاجه وسخني
الغسيل وديه بيت اهلك
نضافة الشقه شوفي الخدامات اللي يجون بالساعه خليها تجي الصباح وقت مايكون زوجك بالدوام تنضف لك كل شي حمامات
ومطبخ ومسح الشقه
قعدي معاه وفهميه انه اهو لازم يتحمل انا مانخلقت اعرف كل شي انا وحده ببيت اهلي ماسويت هاذا كله مع الايام بتعلم
اهله طنشيهم عطيهم واجبهم بس لاتطيحين الميانه بينكم او اسراركم يعرفونها او يتدخلون فيها
او اي شي يخص علاقتك معه

 

[أم ميميتو]

حبيبتي انا بداية زواجي كنت ساكنه عند اهل ريلي قعدت عندهم سنه انا وايد احب اهله و هم يحبوني بس البيوت ما تخلى من المشاكل بهالسنه الي قعدت فيها عندهم صارت مشاكل و احداث بس انا ما طلعت مني ولا كلمه عندي اهلي خالتي لما كنت ازعل معاها اطلع من البيت تحسبني رحت اشتكي عند امي و تستغرب لما تشوف امي ثاني يوم زايرتها و قاعده تسولف و تضحك معاها لما اهي عرفتني عدل و عرفت طبعي وانا نفس الشي الكل يسألني شلونج مع اهل ريلج لما اقولهم تمام يستغربون ان شدعوه مافي مشاكل بينكم اقولهم لا الحمدلله مافي شي و حتى بعد ما طلعت شقه بروحي نفس الشي كل يوم ازورهم واذا انا ما رحت عندهم خالتي وعمي ايون عندي انا بالنسبه لي اكبر غلط ان الوحده تطلع اسرار بيتها بره حتى لو عند امها*

 

[صعب اكتم احساسي]

بعلق على سالفه لما تفضفضي للوالده ماقول انه غلط بس الام تخاف على بنتها انا مخطوبه وحسيت اهلي مو متقبلين اني طلعت من مسئوليتهم وصارت لي مشاكل على هالشي مو متقبلين زوجي اذا تفاهمنا على اشياء ورضيت مو متقبلين اني اراعي ظروفه وايد اشياء حتى قالولي انتي بعتينا عشان زوجج وانا والله وربي شاهد علي ماسويت اي شي من هذا من بدايه خطوبتي وانا ماخذه قاعده مشاكلي معاه سوء فهم اذا ابي شي وهو مايقدر يسويه ماتكلم عند امي لانها عمرها مابتكون في صفه حتى لو انا غلطانه بعدين انا فيني شي اذا متضايقه من شخص واحد يشجعني عليه خلاص اكرهه فصرت اتجنب هالموضوع
وسالفه انه يبي بيته مرتب واكله شي من حقه بس لازم يتكلم بذوق يعني مايجي باسلوب امر
الله يسخر قلوبكم لبعض

 

[مالك غيري]

الله يعينج ويصبرج

يوووه عانيت انا بعد من هالمشكله بالبدايه هم يمشوون ع نظام اهلهم الله يهديهم

حاااولي شنو تسوين وعرفي هالنقطه ان الكل كذاا بس محد يقوول
وامك لاتذمينه قدامها عادي خلك ريلاكس كلا يمر بها المسائل حاااولي بطريقتك تخلينه بصفك
واهل زوجك عادي خلك عاادي ولاتقولين عن امه ذيج عييب لاتخلين مثل هالافكار تدخل راسك
مره كبيره وخاايفه ع ولدهااا وودهاا انك نكونين ع كيفه خلي نيتج صافيه ناحيتها وانا مع الكل عن اهل الزوج مثل مااقالو طنشي ولاتطيحين المياانه


عااجي بكره تتعودين ع الشغل وهو بكره يفهم ان هاذي توافه الله يعينج
الله يجعل بينكم موووده وحب موفقه

 

[Mjnont '3lay]

الله يوفقكم مع بعض ويهديكم

 

[miss swan]

اصلا فشله يرد من الدوام وانتي مومرتبه
على الاقل على السريع
وعادي انا زوجي كان مأذيني بس مو من ناحية الترتيب
من نواحي ثانيه
بس بعدين صار عادي
وعلى امج لاتشكين لها صدقيني بتعبين نفس امي طيحت شعري
الله يحفظها موقصدي بس دايما يدورون الانسان الميثالي الكامل اللي مافي منه حق بناتهم
وماتنلام لانها ام بالنهايه​

 

[OHOD]

اب اب ​

 

[حبيبي مالكني]

حبيبتي مو كل شي ينقال للام
انتي تكبرين السوالف وتشينين لنفوس
خلي مشاكلج بينج وبين ريلج
وانتي توج بالبدايه
وهالمسولية اشوي اشوي بتعودين عليهت