رد : متكممات .. متحورات .. متحزمات.. شنو اكثر اكله مريحه لمعدتكم ؟؟بالصور
بنات انا اليوم لي خامس من سويت العملية , عمليتي تكميم المعدة عند الدكتور خالد العنزي , ما شاء الله عليه مهما أمدح ما اوفيه حقه
طبعاً ماكو عملية بدون تعب الي يقول هالكلام ماعنده سالفة .. اهم شي انج تستعدين نفسيا ونصيحتي لا تقولين حق كل اللي تعرفينهم لين تخلصين بسكاااات
حاليا اليوم الخامس من العملية ماقدر اكل شي عايشة على سوائل .. اكثر شي يتعبني العصاير الحامضة مثل البرتقال وقفته طبعا لانه يعور معدتي مرات اشتهي شاي وقهوة بس قالت لي دكتورة التغذية ممنوع اي شي فيه كفايين
بنات نصيحة مهمة الي تمل من السوائل و تبي تبتدي تاكل اقولها تعوذي من ابليس لان هذي فترة النزول الكبير على قولة الدكتور تحملي و لازم تثبتين ارادتج هالفترة لان الوزن الحين ينزل اكثر شي .. انا بعد اسبوعين شكلي بمدد نظام السوائل علشان استفيد
الحين معدتي تعبانة من الغازات و الالم يحوشني بليل اكثر شي لكن فكرت بمصلحتي لان فيني ضغط وكلسترول والام مفاصل وانتفاخ قدمين الله يكافيكم الشر .. اتمنى يروحون مني ادعولي بصحة وعافية
والحين اختصر عليكم احسن السوائل الي ريحتني
1- عصير تفاح كي دي دي الشفاف
2- عصير كرز كي دي دي الشفاف
3- حليب خالي الدسم احط عليه نتفة نتفة بس من شكر سويت ان لو
4- لازم بين الوجبات تاخذين بروتين مركز مقدار ربع فنيال علشان يحافظ على الشعر وعلشان يعطيج طاقة شوية
مرحلة صعبة وتعب نفسي بس ميخالف تحملو علشان توصلون حق اهدافكم
مرات يمر يوم كامل ما اشرب الا مقدار استكانتين بس ماعليه اذا فكرت بمصلحتي كل شي يهون
بعد اسبوعين يتغير النظام وابتدي بالشوربة والنخي والروب بس انا ودي اطلب من الدكتور يمدد فترة السوائل ابي اضعف :eh_s(2):
الحمد لله على كل حال اي استفسار عيوني لكم خواتي و دعواتكم :eh_s(17):
