متكميمات بمرحله السوائل مليتي تعالي يمكن يعجبج التغيير بالصور

[azouni]

السلام عليكم كويتيات:eh_s(7):​

انا متكممه يديده و بمرحله السوائل,و الصراحه مليييييت حدي و قلت لازم اسوي تغير بس يكون مفيد و ما يضر و الحين صارلي 4 ايام اسوي طريقتي و الحمدالله ما صار شي و انشالله ما يصير:yaaaaaarb:.
1.الحليب:ضفت عليه رشه زعفران و رشه خفيفه هيل و زنجبيل و دارسين كلش شوي و كيس سكر رجيم سويت اند لو و طعمه مقبول و حبيته اكثر من الابيض و بالعافيه.

2.حليب بالقهوه:حليب و ملعقه شاي صغيره نسكافيه بدون كافيييييين(decaf),صخني الحليب و ضيفي عليه القهوه مع كيس سويت اند لو و بالعافيه.

3.شوربه الخضار:خياره,كوسه,مشروم فرش,بطاطا,سالاري,بصل.
من كل شي وحده و صغيره قطعيهم صغار و فوحيهم مع نص ليمونه وانا سألت دكتورتي التغذيه قالت عادي اليمون شوي و حطي رشه كمون و كزبر او تحطين كزبر فرش و فلفل اسود شوييييييه و شخليها عدل و بالعافيه.

4.شوربه الدجاج:صدر دجاجه,كزبر و بقدونس فرش,و باقي مقادير شوربه الخضار,راح تفوحينهم مع نفس البهارات و انا الصراحه حطيت رشه بهار دجاج و 2مسمار و قفشه لبن خالي الدسمطبعا بس تغير لونها,وشخليها و بالعافيه.

انشالله اكون مكفيه و موفيه و اكون موضحه للمبتدئين و الي بسوون انشالله.
اهو بس تغير بسيط و انا سائله الدكتوره اكيد ماراح اسوي موضوع و انا مو متأكده و بضر خواتي و البهارات رشه بس تغير الطعم شوي فقط.
الله يوفقنا كلنا و نضعف بصحه و عافيه:eh_s(17):.
و الي عندها شي يديد تشارك و الي تبي مساعده احنه موجودين انشالله نساعد:aha:.
وشكرا:hjy5jewf:.​

 

[عيون سارة]

مشكورة

 

[جارة القمر]

مشكووووووووره

 

[sheraZia_Q8]

وايد مفيد الموضوع
بس منو الي تراجعين عندها شنو اسمها باي مستشفى ؟؟
واهيا قالت لج سوي جذي حطي فقشه لبن وقهوه ؟؟
انا انشالله عمليتي على شهر 12
وقاعده اجمع معلومات كثر ما اقدر عشان بعدين لا اتلعوز

ويريت لو تحطين صورة السكر + القهوه الي تستعملينها

 

[azouni]

بمستشفى الاميري دكتوره امنه حيدر سألتها و قالت ماكو مشكله
و صوره الشكر في نوعين و القهوه,,

 

[azouni]

و سوري الله يقومج بالسلامه و بالتوفيق.

 

[batooly]

مشكوورة خيتوو ~



*~.~*

 

[عمار يا كويت]

ان شالله تضعفين بصحة وعافية

 

[sheraZia_Q8]

مشكورة حبيبتي ما فقرتي
سؤال أخير
الدكتور ما وصاج تاخذين بروتين ؟؟

 

[azouni]

اي عطاني بس موحلوووو ما اخذه و قالولي في بداله سائل و كله بقول بشتري و انسى ما اروح

 

[azouni]

حبيت اضيف اشياء بعد,
سألت دكتوري و قالي عادي,
جلي الفراوله:جربت مال الجمعيه القواطي استغفرالله مو حلووو لقيت احلى منه مال دايت كير او دايت سنتر تلاقونه بالثلاجات الي بالجمعيه بس الي بدون بسكوت او كسترد او كريم يصير خالي حلو حده و بالعافيه.

عصير العنب: عنب اخضر عصرو في المكينه هذي

و تشخلينه و تشربيه و مرات يحتاج تخفيف انا احط ثلج و بالعافيه.

 

[azouni]

عصير الرمان: اتطلعين الحبوب و تحطينهم بنفس المكينه و تخففينه شوي و بالعافيه.

 

[دلولي]

يعطيك العافيه ياقلبي

 

[khawla&tito]

يسلموووووووووووووووووووووووووووووووووووو

 

[الريم30]

ممتاز تسلمينً

 

[sheraZia_Q8]

انزين انا شفت طريقه باليوتيوب حق البروتين
سالي دكتورج فيها اذا سمح لج جربيها
بروتين بودر بطعم الكاكاو + حليب + قفشه قهوة
تحطينهم بالخلاط وتضربينهم وتشربين
سالي دكتورج وشوفي شيقولج
لان البروتين مهم لبناء جدار المعده + الشعر يتماسك وما يطيح
وايد وايد مهم لا تستهينين فيه

عفوا منو دكتورج ؟؟

وعجبتني سالفه الجلي من دايت كير روووووعه افكارج :***

 

[azouni]

الله يسلمكم و انتو بعد مشكورييين

 

[azouni]

دكتوري احمد مراد و اشوف اسأله و اقولج بس من وين احصله و الجلي لذييذ والله حتى اخوي قام ياكل مالي لووول و بعد انا كل يوم افكر اب شي لان انا نوعي املللل و اذا تميت على نفس الشي امووووت

 

[كراميلا مرة]

سؤال
عملية التكميم تصلح لكل وزن ولا لازم وزن معين

 

[azouni]

الي اعرفه لازم الوزن يكون 100 و فوق بس في دكاتره يسوون حق اقل من 100 بس اتوقع حدهم لي ال90