متوؤهقة حححد الدعسسة - ساعدووني ):

[يارب وفقني ~]

السلام عليكم ورحمة الله وبركاته "

بنات حدي حدي ضايعه ..:eh_s(1):

اوول شي بعرف التخصصات اللي لها كادر ووظيفته مريحة , غير التدريس :eh_s(4):

هذا واحد ..

اثنين : شرايكم بكلية الشريعه .. أبي ايجابياتها وسلبياتها .. وشلون طريقة الهوؤم ورك فيها ؟

لاتحطون لي رابط الكلية لأني قريت لين قلت بس مافهمت شي , وودي لو وحدة فاهمة لتخصصات

هالكلية تفهمني اياهم وحدة وحدة :eh_s(7):

ثلاثة :

التسجيل قررب ومادري وين المكان اللي آسجل بالجامعه ولو بسجل من النت مااعرف كلش ..

آخاف اسجل من النت واغلط بشي لأني مااعرف ,:eh_s(2):

انزين لو بروح لهم بالجامعه واسجل شقول لهم شيطلبون مني شيسألوني ؟

اول شي بيسألوني عن اي كلية ابي .. احط جم رغبه ؟

ولو من النت بعد نفس الشي ؟

وشلون اعرف موعد المقابله الشخصيه ؟ وشنو يسألوني فيها ؟

وأصلا متى بالعاده مواعيد المقابلات الشخصية لأني بسافر وع اساسها احدد السفرة ؟

سساعدوني بنات , حطو نفسكم مكاني والله متوهقه حححد الددعسسه

آنطركم حبايبي :eh_s(8):

 

[S!LVER G!RL]

هلا حبوبة

اول شي سلمج الله ، اول ما تطلع نتايج الثانوية اخذي نسخة موثقة من الشهادة >> انا سويت 5 نسخ اصلية والباجي كوبي

ثاني شي تروحين الجامعة وتقديم طلب التحاق >> يحطون مواعيد بصالة التسجيل والقبول بالشويخ >> انا علوم اجتماعية فرحت الشويخ ..

يعطونج ورقة فيها بياناتج عاد انتي تحطين البيانات كاملة اسمج ورقمج ورغبتج وانتي تعبين الاوراق كاملة ماتخلين ولا شي

بالنسبة لـــ رغباتج يعني مثلا اختيارج الاول شنو .. شريعة تحطين شريعة1 يعني اول رغبة بعدها اختيارج الثاني مثلا تربية ووو ....الخ

بعدها يرسلون مسج يقولون انهم اقبولج في الكلية كذا ويوم تسجيلج يوافق كذاا... ويعطونج موعد تسجيل المواد >> انا رحت لهم بنفس الموعد وسجلت عند صالة التسجيل والحمدلله انا الحين بكلية العلوم الاجتماعية والله يتمم علي واتخرج

كل الي كتبة انطبق علي لاني علوم اجتماعية .. بس انتي تأكدي من الكلية او من موقع الجامعة



وبالتوفيق يا الغلا

 

[مسك حياتي]

مما اعرف عن كليه الشريعه ...

بس يعطونج موعد تسجيل حسب نسبتج ...

تروحين هناك و تيبين معاج صوره من البطاقه المدنيه و صوره او صورتين شخصيه و صوره الجنسيه ع ما اظن ...

يعطونج الابليكيشن تملينه بتلاقين الكليات كلها ترتبين رغباتج ع اساسها ...

الله يوفقج و يكتبلج الخيره باختيارج ..

 

[~.ąvȍƈaȚ.~]

التسجيل اليدوي خلاص هالسنة لغوه يعني ماكو روحه حق شويخ و صالة زين و لا شي

التسجيل كله بالنت و هذا شي ايجاابي لأن هناك وايد زحمه يصير و لوعه

يبدي التسجيل من اصحاب النسب العالية و نازل كل يوم له نسبه معينة انتي شوفي الجدول يحطونه يموفع الجامعه و ينزل بالجرايد

قبول الشريعه 78% بالنسبة للتخصصات مادري بس يقولون شوي صعبه مو سهله يعني

و ما فيها مقابلة الشريعه بس متى ما طلع قبولج يعني قبلوج بدون مقابلة

دشي موقع الجامعة شوفي شلون التسجيل و بسس ما يبيله شي على ما اعتقد

و مووفقه

 

[يارب وفقني ~]

يعطيييكم العافية ورربي ماقصرتوو فديتكم وحدة وحدة ..

::

اوكي انا شحط رغبات غير الشريعه اخاف يقبلوني بالكليات الثانية وانا مابي غير الشريعه "

وع اي اساس يقبلون ؟

وشلون اطلع نسخه موثقه من الشهادة ؟

وجم وحدة اطلع تنصحوني ؟ وجم اسوي منهم كوبي ؟

ووين يطلبون هالشهادة الموثقة ؟ ومنو يطلب الشهادة الكوؤبي ؟

 

[S!LVER G!RL]

عطيييكم العافية ورربي ماقصرتوو فديتكم وحدة وحدة ..

ولوو ماسوينا الا الواجب حبيبتي ..

::

اوكي انا شحط رغبات غير الشريعه اخاف يقبلوني بالكليات الثانية وانا مابي غير الشريعه "

اذا نسبتج تدخلج شريعة حطيها رغبة اولى .. وحطي اي كلية ثانية
لان القبول الفوري لشريعة معناة انج جايبة النسبة الي هم طالبينها ف على طوول بيسجلونج ان شاء الله

وع اي اساس يقبلون ؟
على اساس النسبة اذا نسبتج اقل من الي طالبينه الشريعة يشوفون رغبتج الثانية


وشلون اطلع نسخه موثقه من الشهادة ؟

سلمج الله النسخة تاخذينها من المنطقة التعليمية الي انتي تدرسين فيها

وجم وحدة اطلع تنصحوني ؟ وجم اسوي منهم كوبي ؟

تطلعين الشهادة الاصلية و كوبي اخذي 2

ووين يطلبون هالشهادة الموثقة ؟ ومنو يطلب الشهادة الكوؤبي ؟

الشهادة الموثقة يعني يكون عليها ختم المنطقة التعليمية الي انتي تبعها .. ووين يطلبونها الجامعة تطلبها بس ما ادري اذا يطلبون كوبي انتي انسخي احتياط ..

معلومة : الشريعة وايد حلوة وكلية كل الي فيها يهبلون .. ودكاترتها اخلاق والتوظيف بعد التخرج يكون بكل المجالات لان الكل يبي هالتخصص لكن الحفظ لج عليه فاذا انتي من بنات علمي يبيلج شدة حيل واذا كنتي من بنات الادبي فــ سهالات ان شاء الله ، وعطينا خبر ع المستجدات حبوبة ..

 

[مس روبنز]

حياج الله حبوبه سئلي اللي تبين بتجمعنا > بنات الشريعة < وما راح نقصر معاج بإذن الله

تفضلي هذا الرابط
http://www.q8yat.com/f185.html?daysprune=