متوهقة وماعندج وقت تطبخين ..بس ابو العيال ملزم الا(عيش وإيدام) !!

[أم علي الرفاعي]

السلام عليكم

حبيباتي كويتيات

بما ان هالحركة تصير وايد فيني


الحجّي يبي طباخ
وياي بالطريج

وانا لي الحين مو مطلعة ايدامي ولا طابخة شي


يا حسرتي شسوي ؟؟!!!


أسهل غدا وأسرع غدا
وبنفس الوقت لذيــــــــذ ,,,


يمكن وايد منكم يعرفها
بس حبيت أفيد العليميات اللي مثلي


بسم الله نبدي

المقادير:

فيليه سمج مثلج
بصل / ثوم / طماط / معجون طماط / كزبرة / ليمون
بهارات(كركم , فلفل اسود, ملح , نتفة بهار مشكل)


الطريقة:

طلعي السمج من الفريزر وحطيه بماي حار عشان يفج ,,


صفيه وحاولي تطلعين الماي اللي فيه
بالضغط عليه بالايد لأنه يشرب ماي وايد


حطي عليه كركم, فلفل اسود, ملح, عصر ليمون


وخليه على جنب ,,


غسلي عيشج
وعلى ما تسوينه الا السمج متشرب الخلطة


اقلي السمج عدل وخليه يتحمر..





بنفس الوقت ييبي المقلة
وحطي البصل والثوم وخليه يستوي
بس لا يصير لونه أحمر ,,,





نضيف الكزبرة ..



قطي الطماط ,,



وحطي البهارات المذكورة ,,



شوية معجون طماط على حسب الرغبة ,,



ونتفة ماي ..



حطي السمج داخل المقلة بالعدال عشان
ما يتنتف معاج وغطيه بالخلطة ..






يقدم مع عيش مشخول أو الخبز اذا تحبون





ولا تنسون الخضرة - أهم شي - !!



وبالعافية
^_^​

 

[^^نـــواره^^]

يمي يممممممممممممي

تسلم ايدج ام علي

 

[أم علي الرفاعي]

نوارة

حبنا الله عليه


يشرفني مروركم عزيزاتي

 

[meen_ana]

مشكوورة يااحيااتي خووش طريقه

 

[شمس 20]

تسلم الانامل الذهبية

 

[بنت الأصايل]

 

[أحلى همبه كويتية]

تسلم الأييييييييييييييادي بدعتي ام علاوي

عليكم بألف عافية




اقترح بعد طريقة ان شاء الله تعجبك

الخلطة عجيييييييييييبة ومغرية

لو تخلين السمك بره وتخلطين العيش المنقوع مع الخلطة وطبعا ماي كثر العيش
وقريب ما تنشف تدفنين السمكة فيها

تطلع روعة

سعااااااااااااابيلي طاحت وانا بالدوام


بجربها واقولج


بس نصيحة
هذا السمك الفيليه مو شي ما أنصحك فيه

اهو سمكة الجم معروفة بالكويت محد ياكلها
سمكة وصخة تاكل الوصخ بالبحر


او يسمونه الدوري

بس الملاعين عشان ما يخسرون عقب ما الناس اكشفتهم
قاموا يغيرون بشكله ويسممونه فيليه

 

[أم@الحلوين]

تسلم ايدج

 

[جارة القمر]

أم علي


تسلم ايدج حبيبتي

 

[dandooosh]

تسلم ايدج وااااااااااو شكله حلو
انشالله بسويها ،، عاد انا صج ما عندي وقت
انزين انا بقول شغلة بس لا تستغربون مني :O_SHH_:
انا ولا مرة سويت سمك من تزوجت وصرت اطبخ :O_SHH_:
وتوني من فترة بسيطة صرت اسوي ربيان لان صرنا نشتريه مثلج
ولا طبخت طازج ولا مرةةة لان زوجي ما عندة وقت يروح يشتري وقبل ما كنا نحب السمك بس الحين صرت اطلبه جاهز ومشوي لان احنا ما نحب السمك مثلج >>> ادري سالفة طويلة :eh_s(3)::eh_s(3):
ف ودي أسألج ما يطلع زفر لانه مثلج؟؟؟؟ :eh_s(10):

 

[ABEER FLOWER]

يمي يمي

تسلم هاليدين أم علي

 

[يمامة]

تسلم ايدج

 

[حرم سي السيد]

مشكوره

 

[أحلى^حياه]

مشكووووووووووورة

 

[CUTE ENGINEER]

تسلم إيدينج حبيبتي

بس ديري بالج من هالسمج ترى هذا يسمونه cat fish ومو زين لأنه ياكل وصاخة البحر

أحسن سوي لج فيلية هامور ولا نقرور من سوق السمج وخليه بالفريزر

حق وقت العازة

 

[ريم @]

تسلم ايددددددددددددددددددددددج تهبل طبختج

راح اجربها بس بغير نوع السمج خفت من كلام البنات هههههههههههههه

بس طبختج لايعلى عليها تووووووووب

وهم حلوه لى حطيتيها بقاع الجدر وحطيتى العيش فوقها ياخذ نكهه

يصير مشخول سمج

 

[أحلى همبه كويتية]

تسلم إيدينج حبيبتي

بس ديري بالج من هالسمج ترى هذا يسمونه cat fish ومو زين لأنه ياكل وصاخة البحر

أحسن سوي لج فيلية هامور ولا نقرور من سوق السمج وخليه بالفريزر

حق وقت العازة

بالكويت بعد يسوونه بو شوارب
صج صورته تخرع





سامحينا لوعنا جبدك
بس نبي لكم الخير
لا تاكلونه ولا تشترونه

 

[دنيتى زوجي M]

تسلم ايدينج ..

مشكووووره عاد اموت بالسمج

بس صارت فيني حساسيه منه وماقمت اكل بحري كلش

يعطيج العافيه حبيبتى ..

 

[روج كرزي]

يهبل تسلم ايدينج ماشاءالله بس انا احب الطازج احلى واحب النويبي ..

 

[ام جسوماتي]

تسلم ايدج ماشاء الله شكلها تشوق لازم اجربهاا ..