متى اجهز للبيبي؟؟؟

[Zen&7ala]

رد : متى اجهز للبيبي؟؟؟

حبيبتي


انا بلشت من الخامس !! و الحين انا بالثامن و الحمد الله يا رب خلصت كل شي لا تجهزين بعدين والله حرام ثقل و حالتج حاله


انا انصحج الصراحه جهزي شوي شوي

يعني كل شهر سوي شغله

الحين اشتري اغراض الشور و السباحه و هالسوالف لان لونها موحد

و مهادات اوف وايت ولا بيج

و بس تدشين السادس و تتاكدين جهزي عاد مني عدل

لحد يقولج لاا جهزي لون واحد لااا حرام اذا فيج بنوته حلاته اغراضج ورديه و فوشيه و الوان تشوق حق البنات

نطري الحين اشتري الاشياء الي مافيها لون و بعدين روحي بعد اسبوعين و ترى التجهيز والله حلو و سهالات و ما يبيله شي

 

[نسمة بحر]

انا خلصت ملابس البيبي بلشت اخر الخامس والكفر يابتة خالتي ام ريلي بقالي شغل المستشفى وانصحج خلصي مبجر انا اتعب من المشي بالسوق ولازم اخذ معاي حمام متنقل (وانتي بكرامة )من الثقل
واللة يوفقج

 

[H.A.K.W]

حبيبت قلبي عسى الله يقومج بالسلامه ويبلغج فيه
انا عن نفسي افضل انج تبدين من اول السابع والسادس جهزي لنفاسج
انا نفسج بالخامس حملتي اللي فاتت ابجري جهزت بالسادس جان ثاني يوم اولد!
لان على قولتهم ان المخ تهيأ لقدوم البيبي وان النفسيه تجهزت ولعبت دور في الولاده
والحمدالله لله مأخذ والله ما اعطى, الحمدالله ربي عوضني بحملى هذا عشان جذي انا بنطر لي السابع عشان اذا حصل شي لا سمح الله اكون بالسيف سايد.
انا موقصدي اخرعج عسى الله يتمم عليج وعلى الحوامل كلهم انشالله بس حبيت انقل تجربتي

 

[walah]

رد: رد : متى اجهز للبيبي؟؟؟

حبيبتي


انا بلشت من الخامس !! و الحين انا بالثامن و الحمد الله يا رب خلصت كل شي لا تجهزين بعدين والله حرام ثقل و حالتج حاله


انا انصحج الصراحه جهزي شوي شوي

يعني كل شهر سوي شغله

الحين اشتري اغراض الشور و السباحه و هالسوالف لان لونها موحد

و مهادات اوف وايت ولا بيج

و بس تدشين السادس و تتاكدين جهزي عاد مني عدل

لحد يقولج لاا جهزي لون واحد لااا حرام اذا فيج بنوته حلاته اغراضج ورديه و فوشيه و الوان تشوق حق البنات

نطري الحين اشتري الاشياء الي مافيها لون و بعدين روحي بعد اسبوعين و ترى التجهيز والله حلو و سهالات و ما يبيله شي

هم بعد فكرة حلوة اشتري اغراض الشاور لونها ابيض :eh_s(6):
بيني وبينج انا امووت باللون الرمادي وشفت جم شغله رووووعه بس ما اشتريت خفت تو الناس
الحين بشتريهم وعلى الشهر السادس او السابع ان شالله وبس اتاكد بنت او ولد اكيييييييد ههههه بروح اشتري الوردي واخلي كل اغراض البيبي وردي ورمادي جذي ما احتار فشي واذا طلع ولد حطينا الازرق مع الرمادي هم بعد حلو
مشكوووووورة يالغالية
افكاركم روعه وريحتوني الله يريحكم ويسهل على كل حامل ويهون عليها ولادتها اميييييين يااااارب
:tek:

 

[Wi-Mi]

يعطيكم العافية على المعلومات انا توني بالثالث