متى اخر مرة دمعت عينيك ؟؟مع ذكر الموقف ..

[قانون كـيفي]

من كم يوم اشوف اليوتيوب و حده ليبيه ولدها مستشهد ولا نزلت دموعها صابره
عورت قلبي و نزلت دموعي عليها و على صبررها

انتي تدرسين

ماعندكم دوام :eh_s(1):

هب

 

[قطرة من سحاب]

شوفي انا دمعتي على طريف يعني على اتفه شي تدمع عيني

بس لو سؤالج متى أخر مرة بجيتي من قلب؟؟

اقول لج قبل اسبوع تذكرت ابوي الله يرحمه وبجيييت

فقداني لأبوي يجيني هالاحساس كل اسبوع تقريبا يعني تخيلوا كل اسبوووع ابجي بجي يقطع القلب ويهد الحييييييييييل

مو قااااااادرة اتغير واتناسى واتعايش مع الواقع الحااالي

 

[ليلو جبريت]

امس الفجر
كنت اكتب موذوع عن ذوي الاعاقه واشوف صورهم فبجيت بجي مو طبيعي

 

[توكلت على الله 22]

الله بفرجهااااااا على كل مهمووووووم

 

[توكلت على الله 22]

لااله الا الله.....محمد رسول الله

 

[رهــKSAــــف]

بكيت الاسبوع اللي طاف علشان كنت متضايقه حييل من الاختبارات
والله يبعد عنا الاحزان

 

[لعنبؤؤكـ مغلآكـ]

توهـ قبل دقيقه وللحينها مدمعه عيني لمن كنت اقرـآء موضوع

العضوهـ ( بنت الوطنيه )
مع اختها وزوج اختها الله يشفيه ويهديه

عاد انا حسسسسساسه اقصى ى ى حد كل شي يأثر فيني


استغفر الله واتوب اليه ​

 

[شذى2007]

كل يوووم من بعد وفاااااااااااااااة ابوي الله يرحمه ويجعل قبره روضه من رياض الجنان ويجمعني فيه

 

[@الليدي لين@]

قبل اقل من ساعتين ما احب اقولالسبب

 

[prettysoul]

يوم الجمعة بعد صلاة العصر رحت مجمع كويت ماجيك.

ولد اخوي قعد يلعب وأنا حطيت رجولي لمطعم كويت ماجيك في الدور الثاني وطلبت سندويتش وعصير.
المهم لما خلصت قمت إلا أشوف رجّال قاعد في الطاولة إللي وراي ما اهتميت .

وبعد كم دقيقة إلا اشوفه قاعد على كرسي متحرك.
انصدمت وانهزيت.
أول مرة بحياتي اشوف شاب مشلول قدّامي.
حسيت بألم في قلبي.في عز شبابه ومشلول.
وبعدها وصلت البيت وقعدت أبكي حييييييل.
كل إللي اطلبه من ربي وأرجوه
إن يعوّض هالشاب بكل خير.
ويرزقه بكل خير.
ويفرّح أمه فيه.
اللهم آمين.

 

[جوانا2010]

الله يفرج همومكم

 

[& ام خالد &]

طلعت دمعتي من دقايق لما قريت موضوع لوحده تقول ...

كتبي كلمه لأبوج ..تذكرت الغالي الله يرحمه ولا قدرت أكمل الموضوع ..

والحين طلعت دمعتي ........​