متى بديتي توكلين بنتج/ولدج ؟؟ وشنو وكلتيهم ؟؟ خل نفيد بعض للبجريات وحق الناسيات لوول

[om MaRyooM]

مرااااااااحب






مادري اذا الموضوع مكرر او لا !!!


بس هالموضوع عشان نفيد فيه البجــريات:eh_s(22): ... وحق الامهات الناسيات مثلي :krkrkr:

مع ان مو اول بيبي .. بس مادري ليش ناسية كل شي :eh_s(1):



ناسية متى الياهل يحبي ومتى نبدي نوكله .. ووايد اشياء حمدلله والشكر !





الحين اللي بعرفه


كل وحدة تقوووولنا باي شهر بدت توكل البيبي ؟؟؟

(طبعا المعروف ان لازم نبلش بالخضار المهروسة لأنها اخف حق معدة البيبي)
بس متى ؟؟؟



انا بنتي دشت الخمس اشهر
امس حاولت اعطيها جم لقمة سيريلاك بعد عمري استااانست حسيتها

بس تمت طول اليوم ترجع .. مادري اللي سويته غلط ولا لأ !






والسؤال الثاني

جم مرة اوكلها باليوم ؟؟؟؟؟؟؟

مرة وحدة ولا شنو بالظظظظبط

 

[om Firas]

هلا ام مريوم
انا بصراحه بديت اوكل عيالي من الاربع شهور
اعطيهم الاكل المخصص حق عمرهم من الصيدليه
سيريلاك او خضار اللي بالصيدليه واهطيهم مره وحده باليوم
والباجي الوجبات حليب
وبعد جم يوم اعطيهم زبادي مخفف بماي كميه بسيطه
وبعد مايتعودون على الاكل ابدي انا اسوي لهم الخضار
بطاط لحاله جم يوم وبعد ماشوف انه ماتحسسوا منه ابدي ادخل الجزر
على هالحال لين مايتعودون وبعدها ازيد عدد الوجبات من وحده لي الثنتين
لي الثلاث وبس
اي وانا من يدش الياهل الخمس شهور اسوي له
كاستر بحليب مالهم وايد مفيده هالاكله ويحبونها
وتخلي صحة البيبي وااايد حلوه
الله يخليج البنوته يارب وتشوفينها عروس *

 

[om MaRyooM]

ام فراس


حبيبتي

قصدج المرطبانات اللي حتى تنباع بالجمعيات؟؟؟
ليش ماتسوينه فريش ؟ جنه مفيد اكثر من العلب فيها مواد حافظة



انزين ماعليج امر شلون تسوين الكاستر ابي طريقته


مشكورة

 

[in style]

فعلا ناسين موضوع مفييد

بس انا اللي اذكره بديت قبل ست شهور و قالولي غلط لازم توكلين من ست شهوور


فيا ليت البنات يفيدونه

 

[Hello_kitty]

موضوعج ام مريووم يا بوقته جدا

انه ولدي توا كمل خمس شهور وحدي ناسيه كل شي وبعد حنه ورنه والنصايح من كل صوب يا الله توني بديت اوكله

وخايفه حدي أجني عليه لأن يقولون مو زين قبل ست شهوور مادري محتاره

المهم بديت بوقت الغدا اوكله خضار اطبخها بجدر البخار انه شاريته لأن يحافظ على فوائد وفيتامينات الأكل
قرع كوسا جزر بطاطا حلوه

ساعات اخلط الخضار مع نتفه عيش مهروس

المهلبيه احط فيها شوفان حدها لذيذه ومفيده

بسكوت فيرلز

بس هذا اللي الحين اوكله وشي قليل جدا بس مادري جم مره باليوم المفروض اعطيه وجبه اكل

 

[om MaRyooM]

مشكورين وايد






هيلو كيتي

نورتو حياتي

 

[المها الابيض]

اب
اب
اب
انا بعد بستفيد
ولدي حيل ضعيف بس اعطيه عيش وخضار
بعرف متى اعطيه الشوفان والكستر

 

[c a t w o m a n]

لا تسمعون كلام الدكاترة ودرني

كل ما اروح حق استشاري يقولي ابدي وكليها بالست شهور و مشيت عالكلام

بالست شهور طلعت عيني ما تاكل ولا تعرف تبلع و اكلها محدود

كانت تاكل اشياء متنوعة من تمرض تقعد شهرين بس عالحليب ارد اعلمها من يد و يديد عالاكل

كان المفروض من الرابع ابلش فيها

فيا بجريات الست شهور وايد عالياهل

 

[دنيتى زوجي M]

انا بنتي من كملت 6 شهور بديت اوكلها اكل الجمعيات المعلب

والسيريلاك والبسكوت بس كل هذا سوه لها امساااااااااااااك مو طبيعي

قمت انا اسوي اكل بالبيت جزر مسلوق وبطاط واشياء سلق وروب اعطيها يعني شغلات خفيفه

وشوي شوي قمت اسوي لها عيش واحطه بالخلاط ليما يصير لين احط معاه روب وانا اخلطه او لبن

بعدين قمت احط مع العيش مرق وبطاط وهم بالخلاط حييييييييل حبته والحين ان شاالله بتكمل سنه اوكلها من اكلى توست جبن

يعني شغلات حيل خفيفه لانها ماتعرف تبلع عدل واخاف تشرق وسلامتج

بس خوش موضوع خل نستفيد انا بعد بنتى هذي بجر وماعرف مرات اتوهق ودي اغير بالاكل بس مادري شنو اسوي

 

[miss_Ba6oOo6a]

من اربع شهور
السريلات والبسكوت مالهم واكلهم المعلب الخضار الفواكه
والخامس العيش الخضار اللحم الدياي كل شي لين
وبس عقب السنه انا بنتي قطعت الحليب واكلها اكلنا العادي
وجبتين باليوم
ولما تصير اكبر حليب الصبح والليل بس والباجي اكل
واذا قطعو الحليب احسن وراحه والاكل افيد

 

[انثى الكويت]

لااااااااااا تعطونهم معلبات الاكل فيه مواد حافظه مو زينه على اليهال

بعد سلقو لهم كوسا بطاط جزر قرع هالسوالف وايد احسن

وعندكم سيريلاك بعد زين

وفي علبه نفس السيريلاك مادري شسمها في منها عالعيش والفواكه اهيا بودر
تخلطونها بالماي

هم زينه


انزين انا بنتي ولدتها 9\10\2011

يعني 9\2\2012

تتم 4 شهور
الحين اعطيها بعد هالتاريخ ولا اعطيها الحين

والبسكوت المدور الكبير الي كلنا ناكله كبار وصغار متى اعطيها لاني ناويه عليه لوووووووووووووووووووول

 

[noo7a]

انا ولدي ولدته كان من الخدج
الحين كمل ال٤ اشهر
و الكل يحن علي اني اوكله
بس انا مابي احس تو الناس عليه المفروض عمره الحين شهرين ونص تقريبا

المهم من الحين قاعده اقرى عن الاكل المفيد
عشان اجهز نفسي
راح ابلش بالخضراوات
اول اسبوعين كل يومين نوع واحد من الخضراوات عشان اعرف اذا كان اسم الله عليه يتحسس من نوع منهم (كوسا ، بطاط ، قرع ، جزر ) هذا الي لي الحين عرفت ان زين كان بخاطري اعطيه سبانخ احببه فيه لان انا ما احبه لووول بس قريت ان مو زين لعمر اقل من سنه
الاسبوع الثالث ادمج بين الخضروات
الرابع ادخل عيش
بعدها عاد ادخل له فواكه

و ناويه احاول كثر ما اقدر ما اعطيه من هذيل المعلبات الجاهزه لان كلها مواد حافظه
ما عدا العصاير
و حتى السيريلاك ما ودي اعطيه احسه يتفخ الياهل عالفاضي


ولا شرايكم ؟؟؟؟

 

[نور الدنيا 88]

انا ولدي كمل ٤ اشهر امس و صارلي اسبوع
اعطيه موز شويه و اعطيه برتقال حلو
عاد اللحين ناويه اخذله بسكوت و سيريلاك و الاكل الي يشبه السيريلاك نضيف عليه ماي

بس اذا بعطيه سيريلاك يعني هذا بدال الحليب ؟
او اي شي اوكله بدال الحليب والله مااعرف

 

[توتا حمرا]

انصدم اذا اسمع امهات مايعطون الياهل اكل الا لما يكمل ست شهور
بنتي بعمر اربع شهور بديت اعطيها فواكه خضار مهروسة وبسكوت فارليز نتفة مااكثر
وبعد الست شهور صرت انوع لها اكثر سيريلاك والخضار اكثر من نوع واطبخ لها فاكهه مع شوفان ومهلبية العيش احط فيها حليبها
الحين عمرها تسع شهور ووايد دخلت اشياء باكلها حسب عمرها

 

[dnyay_mll]

انا ابدي اخلي الياهل يذوق الاكل من 3 شهور بس نتتتتتفه
بطاط مهروس او بفك
ومن عمر 4 شهور اخليه ياكل وجبه باليوم
خضار مهروسه او سيريلاك او اكل البيبي او بسكويت بالحليب

 

[om MaRyooM]

شكراااا





للي محتارة بنوع الاكل عندكم كتاب ريم قنواتي
فظيييييع

 

[توحه1]

الاكل نعطيه مثلا بدال رضعة الساعه 8 الصبح جذي
هاذي الاجابه حق الاخت الي تسال متى نعطيه اي حزه
والبسكوت الدائري الي شكلنا بنشتريه لنا مولبيبياتنا لووووووووووووول انا اعتبره وجبة الريوق رضعة الساعه4 او6الصبح نبدي ربع بسكوته مذوبها مع رضعته ويشربها ويوميا وبعد اسبوع نصف بسكوته ونذوبه برضعته وهكذى ليمن يكمل بسكوته باليوم موتعطونه اكثر

 

[ليمون ونعناع]

ام مريوم خوش موضوع
وعادي النسيان عندنا وعندج خير

انا هذا اول بيبي الله يخليه ويخلي لكم عيالكم

الدرسات الاخيرة تقول احسن شي للبيبي الحليب لين يكمل خمس شهور
بدايه السادس تبدين تعطينه سيريلاك وخضار مفيوحه ومهروسه و موز وبسكوت ميلوبا

انا بلشت اول اسبوع من الخامس وكملت لان ولدي كان يبي
صج بالبدايه صار مكرمين اسهال بس اسم الله كان يبي ياكل

اعطيه سيريلاك بالبدايه مرة باليوم وشوي شوي ادخل باجي الاكل

واتوقع اليهال اذواق بالاكل

عندج بعد الكوسا والقرع والبطاط الحلوة
انا مااخلي اكثر من نوع عشان الياهل يستطعم الاكل
احط كل شي بروح وكل اسبوع نوع عشان اذا فيه حساسيه من شي اعرف من اي نوع اكل
عقب ادخله شي ثاني مع الي قبل

ريوق بسكوت او سيريلاك
غدا بطاط حلوة ولازم مفيوح وبالخلاط مع شوي ماي لان الياهل مايعرف يبلع طعام صلب

العشا سيريلاك او موز

هذا الي اعطيه الحين وانشالله نستفيد من بعض

 

[ليمون ونعناع]

انا افضل التالي

من الشهر الخامس المفروض البيبي يشرب كل ٤ساعات من ٤الى٥ رضعات

بين الرضعات تسوين له اكل يعني مو بدال الرضعه وانا اعلمه ياكل وان الاكل بالايد او قفشه وصحن ما احط له بالمميه

وعاده البيبي يبجي بعد الاكل معناته صار عنده احباط فعطيه رضعه بعد الاكل او اذا متعود على المصاصه عطيه مصاصه راح يسكت
وشرب الماي ضروري عشان لايصير فيه امساك

 

[Khota8]

جزاكم الله خير كلكم وفي ميزان حسناتكم
امين