متى بيفتح كارفور ؟؟

[رمانه كويتيه]

كارفور راح يفتح بعد يومين يوم 8/22 ........ تري اهو غير عن الجمعيات اكبر و عنده كل شي من الابرة للصاروخ

ههههههههههههه انا ابى الصاروخ عسى مايصير عليه ضرب امضارب

 

[رمانه كويتيه]

اليوم كاتبين بجريدة اللقبس انه فتح

 

[المـ انـ يـه]

فتح فتح قلللووش

 

[bnt_kwt]

ههههههههههههه يا حلوكم يا بنات ويا حلو سوالفكم
عموما احنا بالكويت اي شي يديد عندنا يفتح يصير عزيز وغالي

 

[أم ^ علي]

زين عالبركه
ها منو راحتله وإشلون شفتوه بشروونا؟؟

 

[ليالي الكويت]

صج صج فتح

يلا مابقى شي على المعاشات هيااااا

 

[سارة_kw]

فتح امس بس مارحت له
انطر تخف الزحمة

 

[بوران]

انا امس رحت له عادي جنه سيتي سنتر مافي زود
مركز سلطان احلى بس ارخص
و كلى مصاروه

 

[فازة ورد]

يلوع الجبد
ستي سنتر احلى

 

[سعادتي برضى ربي]

انا رحت له

الصراحه يونس كل شي فيه يعني تقريبا نفس ستي سنتر

الحلو فيه دلاقات حلوه لليهال والكبار في جواتي واشياء عمليه

عندهم قسم كروسان وصمون حلوه

يعني يونس حق تشري الماجله

 

[شندوخه]

ويييييع يلوع الجبد وزحمه وماافيه شي زايد
والله يمكن عشر دقايق وطلعت لاعت جبديييييييي

 

[سبائك]

احنا اليوم بغينا نروح الافنيوز ولا الزحمه واصله لي جبد السما!!!!!!

على طول حولنا المسار ولفينا عنهم

 

[الفرح كله]

صاجه سبائك الزحمه كلها علشان ايكيا مسوي تنزيلات

شدعوه عليهم اشصاير!!

 

[Angel]

رحتله يوم الأربعاء العصر مو ذاك الزحمة اللي تتكلمون عليه بس فيه دوس وبصراحة في ذيك الحزة وايد شفت أجانب وعرب واهو صاير امممممم مثل سيتي سنتر بس أبي أفهم شنو الزود فيه!!!!!!.

 

[MISS^^CHANEL]

انا رحت كارفور مال قطر وناسه كللللللللللللللل شي عندهم ورخيص حيل

بس مال الكويت مارحتله انا لابتوبي اخذته من قطر

وناسه بس حبطتوني بردودكم

 

[Haboona]

اي و الله صاجين البنات ... كله أجانب اتقولين احنا مسافرين المكان ماشاء الله كبيييير و الكويتيين شووووووووووويه و الأجانب تااااااااااااااااارسين المكان لووووول

 

[بسكوتة]

دام الجاليات تارسه المكان اكيد ارخيص

 

[الملكيييية]

كملوا

 

[عسولة الكويت]

مافيه زود بصراحه
سيتي سنتر ومركز سلطان احلى واشرح