متى تدري المعزبة بحمالج ؟

[ناتشوو]

_03BA:

:tomato2:

سؤالي عن المعزبة ( الخادمة )
متى تدري بحمالج ؟

انت تعلمينها؟
ولا تدري لي كبر البطن
تشوف معاج تجهيزات المولود ؟
تسأل اذا ولد او بنت ؟
والاهم شنو ردة فعلها تتضايق لأن بيزيد الشغل ولا لأ ؟ ​

 

[حبيبة أبوهاآ]

جبت لي فلبينية حق ولدي

وكنت حامل بالخامس ‏

بس بطني مو مبين كلللللللللش ‏

ولا قلت لها ولا طريت لها اني حامل ‏‏(هي بعد شكوو اعلممها والا استأذن منها ‏‏)‏

بس انا معاي هبوط وكل يوم وانا طايحة وجكت وسألت خدامة اهلي وقالت لها اني حامل ‏

ومن درت بغت تمووووت ‏...‏ رجل بالارض ورجل بالسماا

يا تجيبون لي خدامة ثانية والا توديني المكتب ‏...
تقول ‏
لي ليييييش ‏
تحملين ‏
مرة ‏
ثانية؟
كافي ‏
بيبي ‏
واحد ‏
..بغا ‏
يذبحها ‏
زوجي ‏
ذاك ‏
اليوم

مع ان شقتي صغيرة ومافيها الا انا وزوجي وولدي صغير ‏..
وانا ‏
اللي واطبخ مو هي ..

ورجعتها المكتب ‏..
والله انج صاجه يا ناتشوووو انهم معزبااات ‏..
صاروا يتحكمون حمالنااا ‏

 

[حرم راشد الماجد]

ماعندي معزبه بس انا ماحب اقول عموما ما دري استحي اقول انا حامل <<<<<<<<<<<< غريبه الاطوار

 

[أحلى الألماس]

لاااااااا مااقووولأ بس مايخفى عنهم شي
لان انا معاي هبوط والوحام مخليني
بس منسدحه وادري من نضراتها لي انها تدري
والحين لمن كبر بطني ميته ودها تعرف
بنت ولا ولد
واغراضي لمن شريتهم ماخليتها ابد
تشوفهم ومااعتقد انها تضايقت انتي حامل
لان انا اللي اعوبل بالبيبي مااعتمد على الخدامه
يسلموووو على الموضوع

 

[أم فتوته]

رد : متى تدري المعزبة بحمالج ؟

مآعندي خدآمه
بس لو عندي مآقولها شكو خدامة بيت أهلي توها تدري إني حآمل يوم انتفخت هههه تسألني واهي منصدمه مآحب أقولهم أخاف من عيونهم

أم فتوته

 

[للصبر اخر]

رد : متى تدري المعزبة بحمالج ؟

اغلب خدمي اييبهم وانا حامل بالشهور الاخيره
وحاليا خدامتي ماسألتني بس تخز
لاني مو مطيحه الميانه معاها وأذا سألتني شنو فيني بقولها
عادي بالنهايه اهي بتعرف ويكفي تخدمني

 

[عاشقة^زوجها]

رد: رد : متى تدري المعزبة بحمالج ؟

اغلب خدمي اييبهم وانا حامل بالشهور الاخيره
وحاليا خدامتي ماسألتني بس تخز
لاني مو مطيحه الميانه معاها وأذا سألتني شنو فيني بقولها
عادي بالنهايه اهي بتعرف ويكفي تخدمني

صح والله يكفي بتخدمنا وبتشيل وتحط معانا .. وعشان لا تنصدم نمهد لها شوي شوي لوول
يعني مثلا تقولين لها مادري شفيني دايخه ولايعه جبدي ..!! مادري شفيني .. اهيا راح تقولج ماما يمكن حامل ؟ وجذي راح تعرف بدون ماتنصدم لوول

وبالاول والاخير الياهل راح يكون عندها احيانا فلازم انخليها تحس معانا بمعاناة الحمل وان احنا ما يبناه بالساهل وان صج تعبنا .. عشان تحس

هذا رايي والله يسهل علينا ويرزقنا ويرزق كل محرومه الذريه الصالحه ياربي ياكريم

 

[opera]

رد : متى تدري المعزبة بحمالج ؟

تدري لمن جم شهر تشيل الزباله وماتشوووف اللي كل شهر نستخدمه

لوووووووووول

انا خدامتي وصلت يوم ولادتي


بس مره سمعت خالتي تقول انه خدامت بيت حماي قايلتلها انه 4 شهور ماما ماكو كوتكس داخل زباله ومنها عرفنها انها حامل

ههههههههه

صج لي قالووو
اسرار البيوت عند خدامها

 

[آهات الليل]

رد : متى تدري المعزبة بحمالج ؟

الحمدالله ماعندي خدامه

 

[Miss-_-Fl0wer]

انا يبت خدامتي وانا حامل بالسادس بطني كان شوي يبين
فشكت اني حامل
وقعدت تسال بخدم بيت اهلي بس ما استنفرت احسها كانت لقافة بس

 

[ام فوااز]

حبيبتي هذيله ماينخش عنهم شي
يسمعون ويعرفون كل شي يسمعون من بعض ومن سوالفنا
انا دورتي مو منتظمة عندي وساعات تتاخر لي شهر واكثر
يتلي مره مرت خالي قالت انتي حامل قلت لا والله الله يسمع منج جان تقولي خدامتج ذايعه الخبر عند خدمنا ولا لما سالتها
ولاعزكم الله مو تغسل الحمام وتشيل الزباله فمن زمان ماشافت الفوط النسائية تحسب اني حامل
ههههههههههه
قتلها مو مشكله فال خيير ان شاءالله

 

[جمالي ماله حدود]

رد : متى تدري المعزبة بحمالج ؟

تصدقين عاد انا وحده مااحب اطيح الميانه مع الخدم لانهم بصراحه ماينعطووووووووووون وجه
يوم حملت تميت ساكته ماعلمتها لان هذي خصوصيات مالها شغل فيها وانا اصلا مااقول احد عن حملي لا حمواتي ولاخواتي لين اتم الخامس عاى الاقل مو عاد الخدامه
بس الصراحه هذي اضطريت اقولها لانها تبي تسافر بشهري عشان جذي قلتلها ويوم شافتني محتاجتها استغلت الوضع وطلبت زيادة معاشها
بس يلا -شحادك على المسمار قال المطرقة-

 

[الأميرة جوري]

رد : متى تدري المعزبة بحمالج ؟

انا يسالونى بعد جم شهر يمكن علشان الادويه مالت الدوره اقطعها فيشكون ,,,,,,,,,,

 

[شيخة الحلوة]

والله انا قلتلها من ثاني شهر لانني قاعدة اتعب بسرعه فا قلت عشان شوية تقدرني انني تعبانه وهالشي مو بايدي

 

[جوزائيه مغروره]

ههههههههههههه عيل انا خدامتي تقولي ماما يالله بعد بيبي لانه عندي بس واحد ويبت الخدامه قبل لا اول وكنت بالسابع

يعني انولد جدامها والحمدلله حيل متعلقه فيه

الله لا يغير عليها

 

["*آآآنؤؤؤقهـ*"]

رد : متى تدري المعزبة بحمالج ؟

انا ماجربت لاني بجر وجبتهاا عقب ماولدت ... بس مادري شنو الاوضااع بعدين لو احمل ....

خدامتي هذي للحين مارتحت لها ماصارلهاا عندي شهرين ... بس لو الخدامه تكوون بشوشه وتعاملينهاا معاملت الاخت ... بتحن عليج ..

 

[كويتيه مذهله 87]

وعليا عليها معني تدعيلي ويوم درت بأجهاضي بجت بس ماعرف شلون أمهدلها المووضووع

 

[سارووونه22]

ماعندي خدامة واحس مولازم تدري

 

[لولوه1]

رد : رد: متى تدري المعزبة بحمالج ؟

شكووو ايب خدام حق ولدي انا حملت فيه وتعذبت عشان اقطة حق خدامة لا ويعععع
حدها تنظف حمام والبيت وحتى طبخ ما تمد ايدها
تنظف حمام واخليها تطبخ شكووو ويع وبعد تشيل ولدي
لا طبعاااا ولدي يربى بحضي وبس
صراحة اشوف حريم واايد قاطين عيالهم على الخدم من جذيه الياهل يتعلق بالخدامة اكثر من امه
يعني وين الامومه بالموضوع

تسلمي على الموضوع

 

[سفيره الهم]

ما اقولها بس احس تدري