متى تزورين بيت أهلج؟

[Umabdulmohsen]

مشاركة: متى تزورين بيت أهلج؟

انا بس يومين بالأسبوع : يوم الثلاثاء بعد المغرب
ويوم الجمعة الزوارة الرسمية على الغدا
لكن ما انام نهائيا حتى لو يسافر ما أعرف انام الا بمكانى

 

[Dancing^Queen]

مشاركة: متى تزورين بيت أهلج؟

بنات بسالكم
شلون تقدرون ثلاث او اربع ايام ماتشوفون اهلكم؟
عادي؟
انا جان اموت
طبعا كل انسان وظروفه
بس مستحيل ماقدر ماشوف امي الا يوم واحد بالاسبوع جان انتحر واموت من الكآبه

 

[امون حبيبة زوجها]

مشاركة: متى تزورين بيت أهلج؟

كوين انا الود ودي كل يوم بس عندنا عيب المره كل يوم هاده بيت زوجها واهله ورايحه عند اهلها
بس بعود زوجي اني لازم على الاقل امرها لو ساعه خو كلنا نفس المنطقه
قطيعه من عادات تغث

 

[MaYoOoma]

مشاركة: متى تزورين بيت أهلج؟

انا كل يوم عندهم بس زوارتنا اليمعه على الغدى

 

[معلمه متميزه]

مشاركة: متى تزورين بيت أهلج؟

بالنسبه لي كنت اروح كليوم بعد المغرب من يروح الديوانيه اروح بيت اهلي على طول وانا كنت ماجره بمنطقه قريبه منهم .. وارد قبله طبعا واختي نفس الشي كليوووم عندنا واذا ما يت نحرقها تليفونات وينج ما وينج ..

 

[معلمه متميزه]

مشاركة: متى تزورين بيت أهلج؟

انا اعرف وحده بدويه ماخذه ولد جيرانها الطوفه على الطوفه تخيلو وماتروح لاهلها الا بنهاية الاسبوع وتنام عندهم .. ليش ..لان عيب عندهم وعاداتهم جذي .. يعني شفيها اذا مرتهم اذا طلع ريلها ولا راح الديوانيه ؟؟!!! اهي اساسا قاعده بالبيت ماكو شغل واهلها الطوفه على الطوفه ومقدر اروح !!!! شي عجيب ...

الله يهديكم يالجيل اليديد من البدو غيرو هالعادات شوي خلو التغيير منكم ليش ماشين على نفس نهج اهل قبل .. في عادات حلو الواحد يحتفظ فيها وفي اشياء اسمحولي تكون ماصخه ولازم تتغير ..وبالنهايه التغيير بيدكم ..

 

[onlyme]

مشاركة: متى تزورين بيت أهلج؟

موضوع زيارة الاهل من المفروض عدم تركه للعادات السائدة
يعني اغلب البدو خميس وجمعة تنام عند اهلها
وصار شي متعارف عليه وواجب

زيارة الاهل من وجهة نظري يجب ان يحددها مدى ارتباط البنت بأهلها ومدى حاجة اهلها اليها
بعض الاهل ما عندهم الا هالبنت اللي يطالعون الله ثم يطالعونها ومحتاجين لها في اشياء كثيرة
مو من المعقول تحرم اهلها من شوفتها وما تجيهم الا نهاية الاسبوع

ايضا حاجة الزوج لزوجته يلعب دور بهالموضوع
يعني اللي ساكنة مع خمولة تختلف عن اللي ساكنة بشقة بروحها مع زوجها

ايضا طبيعة دوام الزوج احيانا الزوج ما يكون فاضي الا خميس وجمعه
فهل من المعقول ان تتركه زوجته لتذهب الى اهلها وتحرم نفسها من الطلعة معه في هالوقت

امور كثيرة واسباب عديدة تجعلنا نترك زيارة الاهل لظروف البنت والاهل والزوج
ولا ننسى وصية الرسول بالوالدين وضرورة الاهتمام بهما مو تخليهم اسبوع كامل ما تدري عنهم وما تجيهم الا نهاية الاسبوع

بس تدرون اكثر ما يقهرني بعض الازواج اللي يمنع زوجته من الذهاب الى اهلها ال فقط مره بالسبوع وتلقينه الاخو طالع مع ربعه ومطنشها طول الاسبوع

 

[زيـنـه]

مشاركة: متى تزورين بيت أهلج؟

الوصل زين .. و الدين امر فيه .. و اللي ما فيه خير في اهله مافي خير في الناس

 

[M&M]

مشاركة: متى تزورين بيت أهلج؟

الله يسمع منكم و ازوهم كل يوم

بس يا ربي متى ارد الكويت بصير لزقه حتى لو يقولولي شيلي عيالج بقول مابي قاعده بطلعحرة الغربه

ياني مشتاقه حق امي و ابوي

 

[فلسطين حرة]

مشاركة: متى تزورين بيت أهلج؟

ام اند ام ان شالله بترديين

وبتشوفي اهلك

 

[فناااتك]

مشاركة: متى تزورين بيت أهلج؟

انا كل يوم عند اهلى لسبب واااااااااحد
تونى بنوتة لوووووووووووووووول
بس اتزوج ماابى اشوف رقعة وية خواتى وخوانى
ناوية انحاش ماابى ازورهم وبعد يمكن يمكن يمكن جم شهر امر 3دقايق وهم ارد انحاااااش ههههههههههه امى لى قلتلها جذى تقولى فارجى اصلن محد بيفقدج هههههههههههههه

 

[امون حبيبة زوجها]

مشاركة: متى تزورين بيت أهلج؟

البدو عندهم عيب لانه اغلب البدو يتزوجون عند حموله موبروحهم
يعني عندنا مومعقوله المره كل يوم هاده بيتها وطاقه بيت اهلها والمره لازم تجابل زوجها وخالتها وحمولتها شوي بس يعني اذا بتقعد مع زوجها وحمولتها متى تزور امها؟؟؟
عشان جذي عندنا نخصص يومين او ثلاثه بلاسبوع نزور اهلنا وتكون من الغدا لي بليل او ننام عندهم
طبعا والتلفونات ماتخلى شفاله اربع وعشرين ساعه
عاد هذا سلمنا يالبدو