متى جهزتوا للبيبي وهل اللي عملته صح ؟؟؟؟؟؟؟؟؟؟؟؟؟؟

[عصفورة سعودية]

سلام عليكم وهذي لاحلى بنات :aha:

بغيت اسالكم جهزت اغلب الاشياء ومنها الرئيسية وانا نهاية الرابع وعرفت جنس البيبي انها بنوووتة باذن الله هل اعتبر تعجلت والا عادي لان مالي خلق بعدين انزل وافرفر بالسوق قلت مرة وحدة ومن جهزت نهاية الرابع مثلي ؟؟؟؟؟؟

باذن الله تاريخ 2/1 ادخل الخامس وشكراااااااااااااا للجميع

 

[خزااامى]

انا نفسج وقبلج ب3ايام بس ماجهزت ابد ولا افكر الحين خليني اتاكد بنوع اول والله يهينج يارب في البيبي ويقومج بسلامه

 

[عصفورة سعودية]

8
8
مشكورررررررررررررررة بس انا عرفت جنس البيبي انها بنوتة عشان كذا قلت بجهز دام عرفت وتأكدت الله يسهل علينا ويتتمم علينا حملنا ويقومنا بالسلامة

 

[^noonaa^]

حبيبتي نطري لي السادس على الاقل وتأكدي من جنس البيبي عدل

واحسنلج انج اتخلصين امبجر لانه باخر الشهور راح تتعبين

 

[عصفورة سعودية]

8
8
انا تأكدت باذن الله انها بنوتة لكن مو كل شي خذته بنوتي خذت منه لون محايد وشاسوي والله اول واحد بكرية من عذري حمل ناطرته من زمان والحمدالله

 

[tmtmt]

اي انصحجججج وبقووووه

لن بعدين راح يكبر بطنج وراح تثقلين
وراح تتوهقين نفسي ما اقدر امشي خطوتين من السابع ....


والله يسهل عليج ويتمم عليج

 

[عصفورة سعودية]

8
8
جزاج الله خيررررررررررررر والله ريحتيني حسيت اني ارتكبت غلط الله يسهل على الجميع

 

[دمثة]

الله يقر اعيونج بصحتهااا وبعافيتهااا وتفرحين فيهاا

 

[خجوله احب الناس]

حلو التجهيز بدري يخليج تفنتكين باغراضج وماتسعجلين وماتاخذين اي شي ما تبيينه

بس بالنسبه للالوان اهم شي تتاكدين لانهم ساعات يغلطووون .....

شوفي انا تكيسلت وماجهزت الا بالتاسع تعالي شووفي شنو شريت اي شي ومااللي خلق افتر واددور اللي جدامي اخذه ...

وعسى الله يهون علينا ويسهل ويرزقنا بالذريه الصالحه ....وللسامعات قصدي للقاريات

 

[Zen&7ala]

رد : متى جهزتوا للبيبي وهل اللي عملته صح ؟؟؟؟؟؟؟؟؟؟؟؟؟؟

والله زين تسوين

انا بأول الخامس جهزت لما سويت سونار رباعي و تاكدت ان بنت

و خلصت و لا حسيت لا بثقل و لا بتعب

و من الخامس لي السابع بلشت ادور على ملاحت الكاكاو و اشوف التوزيعه و المستشفى

و الحمد الله الحين بخلص الشهر التاسع و انا ماعندي شي بس عندي اولد بالسلامه ان شاءالله صج راحه بال

 

[عصفورة سعودية]

مشكورة كل وحدة ردت والله انا اخذت منه وردي ومنه الوان عجبتني غير الوردي يعني تناسب للولد والبنية والله يقومنا بالسلامة و(يازينة وحلا )
صدقتي الوحدة تفتك من التقضي لان لماتكون الوحدة خفيفة تقدر تقضي على ذوقها مو زي بالثقل تختار اي شي عشان تخلص ومايمديها حتى تجهز للاستقبال وغيره

 

[بيوتي]

رد : متى جهزتوا للبيبي وهل اللي عملته صح ؟؟؟؟؟؟؟؟؟؟؟؟؟؟

حبوووبه زيـن ماا سويتـي ...

انا ان شاء الله نااوية على هالاسبووع اجهـززز ... بس آعررف الجـنس لان موعدي الاسبوع الجااي ...

 

[om-3abodey]

والله زين تسوين احسن لج
مو نفسي يوم حملت في بنتي جهزت وانا ثقيله وبالغصب واتعب بسرعه وفي اغراض من التعب ما جهزتها بس هالمرة ان شاءالله بجهز مبجر

 

[Brounzi_girlly]

رد : متى جهزتوا للبيبي وهل اللي عملته صح ؟؟؟؟؟؟؟؟؟؟؟؟؟؟

آنا في بناتي الثنتين اجهز من السابع واخذ الوان محايدة
مع التحية.......

 

[LA TROO7]

احس بدري

 

[نوناتي حياتي]

انا بدخل السابع وللحين ماجهزت واحس مااااااااالي خلق اتحرك من مكاني يااادوب الدوام كرف وارجع وباقي اليوم طايحه مافيني حيل
زين سويتي والله يقومج بالسلامه وتقر عينج بشوفتها

 

[๓ίşś зśŏłả..!]

رد : متى جهزتوا للبيبي وهل اللي عملته صح ؟؟؟؟؟؟؟؟؟؟؟؟؟؟

انا لما كنت حامل في بنتي
من دريت انها بنوته وانا على طول جهزت لها شريت ملابس والعاب
ولما رحت للدكتور مره ثانيه قالي الحين مو بين عدل احتمال يطلع ولد << حسيت بالندم لوول وقلت الحين الاغراض الي شريتها كلهم لونهم وردي شسوي
وسويت سونار مره ثانيه والحمدالله طلعت بنوته

انا بجهز حق ولدي لما اكون باخر السادس او بالسابع

 

[كويتيه مذهله 87]

لو ناطره لي الخامس احسن علشان تتأكدين عدل وايد هالسنه بنات غلطوا بالسونااااار عرفتي
بس زين تسوين جهزتي الحين لان اخر الاشهر راح تتعبين

 

[^^ Om_3LaWeY ^^]

الله يتمم عليج حبوبه
انا حدي مستعيله لوووول انا توني داشه الثالث و هذا اول بيبي بس امي كل ما يبت لها الموضوع تزفني و تقول نطري السابع
بس وايد سمعت ان الوحده بالسابع مالها خلق عشان جذي مفكره اني اجهز ان شاء الله عالخامس او السادس
والله يتمم عليج حبيبتي و تجهزينها عرووس يارب

 

[اهواك بلا امل]

توج بالرابع ممكن يقولوج الشهر الياي صبي
انا قالوللى اول شى صبي اوانا باخر الرابع والحين بالخامس قالولى بنت مادرى شنو الصح بنطر الشهر الياي وبجهز