متى جهزتوا للبيبي وهل اللي عملته صح ؟؟؟؟؟؟؟؟؟؟؟؟؟؟

[عصفورة سعودية]

مشكورين بنات انا منه اخذت وردي ومنه الوان محايدة يعني ان طلع مو صحيح السونار يكون راكب عليه عادي واصلا انا من النوع اللي بسرعة اي شي يتعبني كيف لو وصلت السابع احس مابقدر اتحرك عشان كذا جهزت مبجر ولانسو البكرية بسرعة ودها تشوف تجهيز مولودها

 

[حــــزن]

رد : متى جهزتوا للبيبي وهل اللي عملته صح ؟؟؟؟؟؟؟؟؟؟؟؟؟؟

قبل لا أرد عالموضوع آنا أمشي على مقولة " تفاءلوا بالخير تجدوه "
يعني لالالالالالالالالالالازم نتفاءل بالشي الحلو وما نتشاءم مهما كانت حالة الحمل
بالنسبة لي بلشت أجهز من الحين بالسونار قالوا لي ولد شريت الشغلات الأساسية اللي تنفع لبنت وولد وبالنسبة للتبانات بتكون آخر شي لما أتأكد عدل من الجنس أما باقي الشغلات والله شريتها بصراحة مو ضامنة حالي بالأشهر الأخيرة من الحين وكل أقول مالي خلق وكلما شفت مكان فيه تنزيلات استغليت الفرصة وجهزت
خلصي شغلج وتوكلي على رب العالمين ومالج شغل باللي يقول نطري
مثل أختي في بنتها كل كانت تأجل وتقول تو الناس لا أقبس عالحمال وفعلا فجأة وبدون سابق إنذار ولدت بالسابع وريلها جهز لها شغلات عالماشي وأي شي خرابيط
ربي ييسر لنا حملنا وولادتنا اللهم آمييييييييييييييييين

 

[ساندريلا]

حبيبتي من الخامس زين
بس زين سويتي لان انا بديت من الخامس وليلحيين موخالصه شغلات الاستقبال وثقلت ومالي خلق الطلعه كلشششششش

 

[جذابه بنت ذيابه]

رد : متى جهزتوا للبيبي وهل اللي عملته صح ؟؟؟؟؟؟؟؟؟؟؟؟؟؟

انا جهزت بولدي وبالبنوته هذي من الخااامس


احسن عشان ماتتعبين بالسابع

 

[مدرسه فنيه]

الله يسهل عالجميع


انا بلشت من امس بجم شغله

والشهر الجاي ان شا الله بكمل

 

[أحساس نفسي]

انا في بنتي قبل جهزت بالسابع , وبالثامن جهزت لنفسي ,والتاسع نطرت للولاده

والحين ناويه بالسادس لانه ماكو ميزانيه كلش خصوصا اني بجيب خدامه

 

[LiL MaMa]

رد : متى جهزتوا للبيبي وهل اللي عملته صح ؟؟؟؟؟؟؟؟؟؟؟؟؟؟

الله يتمم عليج و يرزقج الذريه الصالحه

و الله بصراحه زين سويتي افتكيتي

انا دشيت السابع و مالي خلق اروح اشتري شي

 

[om al ghaleen]

زين سوتي ولو انه مبجر
بس اخر الاشهر تكونين تعبانه وودج تاخذين اي شي علشان ترجعين البيت
الله يتمم عليج يارب

\\

 

[درة أهل الطولات]

رد : متى جهزتوا للبيبي وهل اللي عملته صح ؟؟؟؟؟؟؟؟؟؟؟؟؟؟

احس استعيلتي

 

[عصفورة سعودية]

بالعكس انا مااستعييلت يعني الميزانية على السابع ماهي متوفرة على الاقل ابدا الحين دخلت الخامس والسادس وانتهي الواحد مايدري عن الظروف وخاصة اذا اول بيبي تاسيسه كثير ويكلف والله يهون علينا ويتمم يارب

 

[عصفورة سعودية]

سبحان الله

 

[نور الفرح]

رد : متى جهزتوا للبيبي وهل اللي عملته صح ؟؟؟؟؟؟؟؟؟؟؟؟؟؟

يارب يتمم فرحتج وتقر عينج بشوفتها وتجهزينها عروووس ياااارب

 

[fufu el7lwa]

لا احسن شي بالسادس نص السادس تحديدا انا بالثامن وللحين ماخلصت شي خخخخخخخخخخخخخ حددددي بااااااااااااااااارده

 

[عصفورة سعودية]

انا الحين بنص الخامس يعني خفيت على نفسي اشياء وايد ولا للحين نسيت اشياء رايحة عن بالي وكنت متوقعة بخلص بس للحين الحمدالله

 

[fun88]

انا قالوا لي بنت .. وبعدها بمراجعه قالولي بنت .. وهذا بنهاية الخامس .. يعني مراجعتين قالوا لي بنت رحت مذكركير .. وشريت الاتي ..


6 اوفراول من 0 الي 3 .. و6 اوفراول نيو بورن .. وشريت لفتين العاديه الحياكه .. ورديه ووحده بيضه .. وطلعت مريت بروي وشريت اربع مميات .. الوسط مو صغيره يعني 4 ارقام ..

والباقي قلت نهاية هالشهر ان شاء الله
,, بروح اشتري اللفات ..
وفوط صغار
و مصاصه ..
وهم مميتين حق الماي والاعشاب رقمين .. ماركة بيجن ..
وباشتري للبيبي فوطه
ادوات النظافه .( مقراض ومقص ومبرد )
اسفنجه لاستحمامم البيبي
وحوض لاستحمام البيبي
قبعات
شنطه لاغراض البيبي من حليب وماي حار وهالسوالف
وشنطه زواره وسط لي وله .. حق الملابس
باشتري حلمات حجم ميديم اخاف المميه ما يكون حلماتها تناسب البيبي

وكل هالاشياء القاهم بعيد النصار واشياء ما ينكشخ فيها وبمر سنتر بوينت .. باشتري لفات بعد والاسفنجه .. وابي جهاز الكهرباء اللي يشفط الحليب .. بدال الشفط اليدوي يعورني ..


ووسلاااامتكم

 

[حــــزن]

رد : متى جهزتوا للبيبي وهل اللي عملته صح ؟؟؟؟؟؟؟؟؟؟؟؟؟؟

زييييييييييييييييييين تسوون آنا خلصت لبس وأغراض البيبي بقت لي الشغلات الثقيلة سرير وكبت وأجهزة تعقيم قلت على راحتي كل شهر بشتري قطعة
لأني ما أضمن الميزانية صج ريلي يساعدني بس بصراحة قاعدين نيمع للحج السنة الياية إن شاء الله هذا غير سفرتنا لندن بعد الولادة إن شاء الله يعني بالنسبة لي أمنت مستقبل البيبي قبل أي شي

 

[نور التفاؤل]

رد : متى جهزتوا للبيبي وهل اللي عملته صح ؟؟؟؟؟؟؟؟؟؟؟؟؟؟

لالالالا غلطااااااااااانه اختي!!!!!!!!!

مبجججججججججر حيل نطري للسادس بالضبط راح يبين عدل

الحييين يقولون جذيه عشان بس يعني السونار مايردونج!!!!!!!


تو الناس يالله يابنات بطلوا لقااافه وخلوا فيكم صببببببببببببر

 

[شووقة]

رد : متى جهزتوا للبيبي وهل اللي عملته صح ؟؟؟؟؟؟؟؟؟؟؟؟؟؟

انا اجهز من الرابع كل شهر اشتري لمن اخلص كل شي

 

[ام - وهابي]

احسن انج جهزتي مبجر انا جهزت بالثامن وكله بسرعه بسرعه وخرابيط تحسفت انه ما جهزت مبجر
الله يسهل عالكل انشالله ونولد بالسلامه

 

[أحـلام * ورديـة]

رد : متى جهزتوا للبيبي وهل اللي عملته صح ؟؟؟؟؟؟؟؟؟؟؟؟؟؟

انا بحمالي على ولدي لما دشيت السادس يالله بديت اجهز

عموما الله يمم عليج حملج وتقر عينج بشوفته سليم معافا