متى حسيتي ان زوجج صج صج يحبج ؟؟؟؟؟

[ايمانو حلوة]

princssموقف ريلج واااااو صج وقفة ماتنسي الله يهنيكم يارب


حيااااااااكم

 

[شعولة25]

رد : متى حسيتي ان زوجج صج صج يحبج ؟؟؟؟؟

اممممممم صراحه ولامره يعني اترقد فالمستشفى عادي قريب بربي بعد عادي جـــــدا ...


اللله يخليكم ازواجكم

 

[wafa82]

رد : متى حسيتي ان زوجج صج صج يحبج ؟؟؟؟؟

وقت الولاده لمل كنت اطلق دش عليه وصوته متغير وخانقته العبره هني حسيت صج يحبني فديته

 

[مارغريتا]

انا ما اشك بحبه لي بس اكثر شي لما امرض او لما اتضايق القى عبرته تسبق دمعتي الله يخليه لي ولا يحرمني منه

 

[لمبه ضاويه]

رد : متى حسيتي ان زوجج صج صج يحبج ؟؟؟؟؟

لمن يدافع عنى جدام امه

 

[ضحكت حبيبي]

رد : متى حسيتي ان زوجج صج صج يحبج ؟؟؟؟؟

تذكرت سالفه حسيت فيها انه صج يحبني

كان توه طالع من البيت رايح يحضر دفان بالمقبره وبعدها ب 10 دقايق تقريبا

رن تلفوني والا رقم موبايله

رديت هلا حياتي والا واحد يقولي صاحب التلفون سوه حادث واهو قالي ادق عليج عشان تيوون له

طبعاا انا تصرجعت واسمع صرااخ زوجي يمه

تخيلو من الصدمه ركضت طقيت بيت جيرانه وابوهم رفيج زوجي وداني مكان الحادث

ومالقيت زوجي بعدين رحنه الصباح ومالقيناه بعدين لقيناه بالفروانيه بغرفه الانعاااش

وبحكم اني اشتغل بمستشفى درعمت واهم قاعد يخيطون راسه وكانو الدكاترة يطلعوني

بس ماكان يبين من الدم اف ما ابي اذكر شي خلاص احس كانه فلم

بس الحمد الله انه ليلحين عايش بعد اللي شافه ورحله علاجه سنتين وليلحين مستمر

بس مره قالي بعد 3 اشهر تقريبا من وقت الحادث

انه اهو قال حق الريال يتصل علي لانه ماكان يبي يموت قبل لا يشوفني

بعد عمري الله يخليه حقي ويخلي رياييلكم لكم

وماتشوفون اللي انا شفته ان شاء الله

 

[ايمانو حلوة]

ضحكة حبيبي
وااااااااااااي موقف جد صعب الله يخليه ولايحرمج منه انشالله



منورين



اب


اب

 

[مكاييل]

على اننا متزوجين عن حب بس للحين ماصار موقف بين حبه لي كله العكس

كل كلام

الله كريم

 

[۩۩ الجـــــود ۩۩]

مواقف شكثر الله يحفظه من كل شر

 

[شــــــــــــــوقــــه]

مو متزوجه و خنقتني العبره من ردودكم مادري ليش ههههههه

دمعت عيني بعد << فيني نقص عاطفه

الله يهنيكم يا رب و يبعد عنكم العين

بخرو نفسكم

 

[ايمانو حلوة]

حيااكم بنوتات


شوقة
الله يرزقج زوج طيب يستاهلج ويحن عليج ويكون لج كلشي ابهالدنيا انشالله

 

[(رينا)]

اكتشفت انه مايحبني
وانا مااحبه بس عايشين على البركه
بولادتي الاولى غصب وداني الطبيب مايبي يقول انا شعرفني خل يودونج حريم لين قلت الدكتوره قالت لازم توقيع الزوج وداني يدوب دشيت 3 العصر الساعه 4 داق على اختي ومنحاش
ولادتي الثانيه مسافر دراسه وانا عايشه جو رومانسي كل شوي ادق لاحظو انا ادق واقوله تطمن انا بخير واهو يقولي احرجتيني عند ربعي باتصالاتج
وانا متفقه وياه على اسم جان يغيره
طبعا احنا عايشين مسرحيه زوجيه وضابطين الدور وزوجي البطل وانا الكومبارس هههههههههه
طبعا اخرها الحج كل الرياجيل دقت تطمن على عوايلها الا زوجي العاهه انا اللي ادق اسال عنه ومايرد الابعد يومين لانه عاهه
ندمانه حيل اني تزوجت من نكسه لاكثر مافي حب ولا سعاده

 

[كويتيه مذهله 87]

من جم اسبووع

انقلبت سياره اقبالي وانا وقفت مصدومه وابجي واصاارخ لان الموقف صار قبالي وكان فلم رعب دقيت عليه ابجي واصاارخ قتله انا بشارع الفلاني وشفت حادث ما اقدراتحرك
ماصار دقيقه الا هو قبالي وميت رجفه مسكين صار فيه اسهال من الخرعه

 

[* فطامي *]

دايما احس بحب زوجي لي الحمدلله

لكن اكثر شي وقت الولادة حسيت بحنانه ولمن بسافر يطبطب علي ويهديني قبل لا يروح عني

الله يحفظ يحفظهم ويصلحهم

 

[مس لوتس]

بالولاده

 

[ايمانو حلوة]

حيااااكم


كوكو
الف لاباس عليج حياتي

 

[غمزة خجل]

رد : متى حسيتي ان زوجج صج صج يحبج ؟؟؟؟؟

لما كنت مريضه شوي وبطيح دمعته

بعد الزواج ان شاءالله اقول لكم احداثي الجديده

الله يتمم علينا بالخير ويملي حياتا سعاده وهنا يارب

 

[جوري الزبير]

احساس الحب دايم تحسينه دامج تحبينه وهو يحبج بس المواقف الي تضهر ولي تستانسين لما تذكرينها كانو اثنين
الاول بتضحكون شوي او تستسغربون ..انا كتبت اكثر من مره عن مغامرات ريلي وخياناته << لوووول كل هذا ويحبج
المهم الموقف الاول يوم جكيته مع رفيجته وعطيته طاف اهو وهي وكرهته بعيشته كانت رفيجته بتنتقم عشان حقرها وكنسلها من حياته دقت عليه وارسلت له رساله انها حجزت تذاكر حقها وحقه وفندق وسفره كامله بتخليه يعيش ايام لا تنسى على قولتها حق تركيا وناطرتك اليوم الفلاني طبعا هذا كان مسج منها له نفس هاليوم هذا اهو كان بالبيت وكان يحاول يراضيني وقعد مع العيال يلعبون ولقيت هديه بدارنا ورغم اني مارضيت بس تم هاليوم بالبيت وما طلع كلشششششششششش وقاط تلفونه بالغرفه وانا كل شوي اتعبث واقرا مسجاتها وقلبي فرحان فيها وهي تدز مسجات وهو حاقرها ولقيت مسج منه لها كاتب لها لا تطاولين على عمتج وتاج راسج هذه ام فلان زوجتي الي مابدلها بالدنيا كلها يكفي اني اذيتها وجرحتها عشان وحده مثلج ..
الموقف الثاني من ثلاث ايام حاشني التهاب اللوز ومعاه حمى ذبحتني وتميت مو بوعيي من الحمى وبما اني ما عندي خدامه الي فهمته بعدين انه ماناطر امي واختي يجون شايل العيال واحطهم بالسياره وهم نايمين ومغطيهم وشايلني بعدهم سيده للمستشفى ولما رجعنه البيت قعد الثلاث ايام معاي بالبيت كل شوي كمادات وحاط الساعه على المنبه عشان وقت العلاج ولما ابطل عيني بليل الاقيه بين نايم وبين قاعد وينط سيده ها حبيبي شلونج الحين <<< فدييييييييييييييييييييييييييييته انا لو ما شيطنته اول لووول
ادري وايد قرقة <<<ليش تسئلونها من اصله لووول

 

[miss foOoshya]

انا ادري انه يحبني بس لما صارلنا الحادث اهني صج بينلي حبه شالني ولامني جدام الناس حتى مافحص على عمره ولاجيك بس انا ياخذني من طبيب لي طبيب قالي انا ماهمني عمري عادي ايصيرفيني شي مستعد اموت بالطقاق اتشهد بس الا انتي وباس راسي ولمني وكان يمنا ولد عمته حدي استحيت ولي يوم الثاني وهو يبوس ايدي وراسي

 

[!witcha!]

رد : متى حسيتي ان زوجج صج صج يحبج ؟؟؟؟؟

مو متزوجه =p
بس لقافه لوول