متى دوام الاطفال بالروضة

[Rimova]

السلام عليكم مدرسات
حبيت اعرف متى اول يوم لدوام اليهال بالروضه
انا ولدي البكر بيدش اولى روضه انشالله ومن الحين احاتي البعض يقولي لايداوم اول يومين لان اليهال حييل يبجون وبيخاف وديه 3يوم يكونون اليهال هدوا عشان مايخاف زياده شتقولون؟

 

[pink Flamingo]

انشاءالله بعد العيد
لا عادي عيال هالوقت مو مثل قبل
وبعدين انا افضل اتخلينه و تروحين حتى لو يبجي راح يسكت لاتبيني له انج خايفه عليه او انج اتحاتين انه يبجي ترى راح يزييد
ولدج اب اي روضه راح يكون

 

[pink Flamingo]

اي قبل لا يداوم حاولي اتخلينه يشوف روضته حتى لو اتمرينها ايام ما الابلات يداومون قبل اليهال علشان يشوف روضته

 

[Rimova]

مشكوره حبيبتي
ولدي بروضه البراعم بسلوى

 

[متجولة *]

دوام المعلمات 6/9
اما الأطفال 21/9

 

[الجارحـــــة**]

شكرا على المعلومات حتى انا بنتي البجر انشاااله بتداوم اول سنه روضه

وقالولي لا تودينها اول يومين

 

[اليازيه2000]

الله يعينا

 

[درر**]

بالعكس يداومون اول يوم احسن مثل ماقالت شوشو

 

[صمت الروح]

رفع

 

[*أم*خالد*]

اول شي مبروووك وعئبال الجامعه يارب

ثاني شي الياهل لازم يبجي .. ومرده يسكت ويمشي عاااادي وبتشوفينه بعد شاطر ويشارك بأنشطة الروضة

اهم شي انج يالأم لا تتعلقين بالياهل وايد وتدلعينه دلع زايد ترى جذي تخربينه ماتعدلينه

بالعكس ييبيه اول يوم وثاني يوم وثالث يوم .. يتعرف على الصف والأبله واليهال
تبين تتمشين معاه اول يومين يشوف الصف والأبله وتاخذينه وياج .. بس احسن له اول اسبوع يتعلم على الروضة لأن الأبله بتعلم اليهال على الروضة وقوانينها وجوها
واكو امهات من أول يوم يخلون عيالهم ساعتين او ثلاث ويردون ياخذونهم

واذا ييتي تاخذينه دشي شوي شوي .. شوفيه قبل لا يشوفج بتلقينه ساكت .. بس تطيح عينه عليج بيبجي .. على قولت المثل شفت امي وزاد همي لووووول
عياره اليهال اغلبيتهم جذي

بس نصيحه اول اسبوع ييبيه لأن الروضة تسوي انشطه حق اليهال تحببهم بالروضة وعشان الياهل يتعود مثل باجي اليهال مايصيرون كلهم ساكتين وبس اهوا اللي يبجي

 

[No0oNh]

الدوام بعد العيد ,, حبيبتي عادي الوضع راح يبجي شوي ويسكت لما يشوف اليهال ويقعد يلعب فيصير عنده عادي انا بنتي بتروح ثانيه ومستانسه كل يوم تقول متي اروح الروضه ؟

 

[Rimova]

مشكورين وماقصرتوا عالنصيحه
والله يعينا انشالله