متى دوام مدرسات التعيين الجديد؟

[bobo lover]

السلام عليكم

سؤالي: بعرف متى الدوام لنا؟؟ والشي الثاني، أبي أعرف متى تنزل المعاشات؟ يعني 9 و10 ينزلون شهر 10 او بس 10 و11 ينزلون شهر 11؟؟؟

ومشكوووورين والله يعطيكم العافية:eh_s(7):

 

[* Miss Moony*]

الدوام ٩/٩
والمعاش ينزل بعد ثاني شهر يعني شهر ٩+١٠

معاشين بواحد

 

[#الخشف#]

حبووبه للحين مافي شي اكيد متى نداوم..

بس اذا الله سهلهاا وييسر امورنا ننتظم بالدوره التدريبيه لمدة اسبوعين تبتدي تاريخ 10-9

 

[أم حمد =)]

الي اعرفه الدوام ب 9/9


وعلى طاري الدورة .. أنا تعيين يديد وداومت على نهاية الكورس .. لازم احضر الدورة ولا لا ؟ محد قالي عنها شي!

 

[الريمـ اللعوبـ]

حبيبتي الدوره ١٠-٩ عطوني النشره
الدوام بعد الدوره مباشره ومدتها ٧ايام يعني لحد تاريخ١٨-٩

 

[#الخشف#]

النشره موجوده عندي بس رئيس قسم الشؤون الوظيفيه بالمنطقه التعليميه قالنا راح نوقف التعيين اذا انحل المجلس>>>>>مليت وانت اعيد هالسالفه وان شاء الله يطلع كلامه غلط

ام حمد كانت معاي مدرسه بالميداني نفسج توظفت علا اخر الكورس الثاني وبعد ماعطلت انا من الميداني والمدرسات للحين ماعطلوا قالتلي انها ماتداوم بالمدرسه عشان عندها دوره عاد انا راح بالي انها دورة المعلمات الجدد....اسألي المنطقه عنها لانه لازم تاخذينها

 

[الأميرة جوري]

لرفع

 

[نونا 3000]

الله يعينكم ع الدوره بيترسون راسكم بكلام ماله اول ولا تالي ويعشمونكم مثل ماعشمونا بس الواقع مر

 

[Vivaldi]

حبيبتي انتو تداومون بعد المعلمات باسبوع

بعد ما تخلصين الدورة واول معاش ينزل ٢٤/١٠

معاش ٩ و ١٠

واما الدورة فنصيحة اخذي معاج كتاب يشغلج لانها
صج انها طويلة ومملة بس صراحة تفيد تقولج شنو
اللي لج واللي عليج من حقوق واجازات ومرضيات..

وان شاء الله افدتج لاني كنت السنة اللي طافت اول سنة لي

والله يوفقج ويوفق كل من يبدا مهنة التدريس وصقل العقول لووول

 

[أم سليمان دشتي]

حبيبتي انتي

همن انا تعيين يديد والحمدلله توني راجعه من الوزارة

وسلمت قسم التنسيق اوراق مزاولة العمل الخاصة فيني

عاد استفسرت منها وقالتلي راجعينا بعد العيد يوم الاحد 26-08-2012 او الاثنين 27-08-2012

** الموظفة جزاها الله خير قالتلي ان الدورة تبتدي بتاريخ 10-09-2012 ليمن 18-09-2012

ووراها اخر يوم الدورة بيكونون حاطين اسامينا وكل وحدة اي مدرسة

وعاد وقتها نراجع المنطقة التعليمية مادري شنو يوقعون عليه

وبعدين نروح المدرسة الي متعينين فيها ونسوي مباشرة عمل

بس بنات والي يسلمكم الحين الي قالته لي من خبرتها

ان الدورة تنقسم دورة عامة 4 أيام ووراها دورة خاصة بالمادة 3 ايام

بس سؤالي وين بيكون التدريب بالجابرية ولا كل وحدة وحسب المنطقة التعليمية الخاصة فيها ...؟؟؟

جزاكم الله كل خير والله يوفقنا يارب ويوفقكم معانا اللهم امين

 

[#الخشف#]

ام سليمان الدوره علا حسب منطقتج التعليميه...

والدوره اسبوعين ...

 

[omaseel]

رفع

 

[هيبة ملك]

تدرون كل دفعتي دشوا الدورة وأنا ماخذيتها على طول داومت

موفقين يارب والله يرزقكم بمدارس زينه وإدارتها زينه

 

[mafio98]

بنات الدوره الصبح ولا متى ؟!

 

[#الخشف#]

اي الصبح جنه من 8 لي 12

 

[mafio98]

مشكورةالخشف اذا ٨ زين علاقل يمدي اودي ولدي الحضانه

 

[أم سليمان دشتي]

ام سليمان الدوره علا حسب منطقتج التعليميه...

والدوره اسبوعين ...

فديتج الخشف ..
انا بالاحمدي التعليمية عندج فكرة وين التدريب
وعالمعاش قالولي ينزلون نهاية شهر 11
معاش 9-10-11 صج هالكلام


مشكورة قاعد تساعدينا ❤

 

[#الخشف#]

العفوو حبيبتي..

الاحمدي كل سنه يحطونهم بمدارس بالفحيحيل..

والمعاش يقولون شهر عشره راح ينزل لشهر تسعه وعشره..

بالتوفيق للجميع

 

[أم سليمان دشتي]

بنات شوفوا بتوتر شكاتبين

@moe_edu_kw

@moe_edu_kw: وكيل لتعليم العام محمد الكندري: الدورات التدريبية للمعلمين والمعلمات الجدد ستنطلق في جميع المناطق التعليمية ولكل المراحل التعليمية


@moe_edu_kw: محمد الكندري: تبدأ الدورات في الثامنة والنصف صباحا وحتى الثانية عشرة ظهرا في عشرة مراكز في المحافظات الست.


@moe_edu_kw: محمد الكندري: يومي الاثنين والثلاثاء 10 و11 سبتمبر المقبلين سيخصصان للجانب الإداري


@moe_edu_kw: محمد الكندري: سيكون الأربعاء 12 سبتمبر وحتى الثلاثاء 18 سبتمبر للجانب الفني من الدورة


الله يوفقنا يارب

 

[#الخشف#]

امييين يارب..

بس ماتدرون متى نحدد المدارس اللي نبيها..

لان يقولون اخر يوم بالدوره تنزل اسماينا وين حاطينا وبصراحه مانبيهم يحطونا بأي مدرسه لاني متاكده بننحط بالمدارس اللي فيها نقص وعاد يوصل نصابنا 15 حصه !!