متى قالتلج امج عن ليلة الدخله ؟ يعني متى من عرسها !!

[كويتيه شماليه]

حبيبتي انا فهمت قصدج
مافي احد الحين يطلع على الزوجين ولا احد يشوف يكفي الزوج يشوف ويتطمن وسالفة الشرشف اللي تحطه ام المعرس ماعمر سمعت عن هالسالفه يمكن عوايل معينه الله واعلم .. وانتي تطمني مافي الا كل خير لا تحاتين شي سهل ويعدي بلمح البصر الله يوفقج يارب

 

[ابدا يالغالي مانساك]

المهم حبيبتي صاحبة الموضوع مااتوقع بناتنااااا هالوقت مايعرفون شي
حتي لو امك ماقالت شي لج قسم الحيااه الزوجيه هنيه البنااات مايقصررون

وعن الشرشف يتغيررر بغيرره لوووول

 

[كـويتية]

لا امببيييه استحي اصلا اذا امي تقولي

والحمدالله عن الاحراج ماقالتلي

اسأل خواتي الكبار اللي تزوجوا قبلي ويابو يهال

ثانكيوو وترا موعيب الام تعلم بنتها بس الاحسن على الفطرة

 

[طير الحب]

امي ما قالت لي

 

[pink chiffon]

محد قالي ولاكنت اعرف شسالفة عادي مع الوقت عرفنا

والشرشف قصدج حق الدم عشان يعرفون ان البنت عذرا ؟ اتوقع محد يسوي هالشي اللحين خبري عادات قديمة ومو بالخليج

 

[PuPa^^SWeeT]

سالفة الشرشف



من سوالف 1950



من ويين يبتييها ؟؟؟



محد الحين يدور هالشغلة خير شررر




سالفة امج ما قالتلج


مادري يمكن تدري انج تدرين

 

[سمو ذاااتي]

بهالوقت صعبه وحده ماتعرف شي عن ليلة الدخله النت بكل مكان وصل لي الفون بضغطت زر تعرف كل شي فماله شغل تكون البنت مو فاهمه شي وان اللي فاهمه وحده مو محترمه تفكير قديم وسطحي وبعدين الكل يعرف بس الحيا يمنع اقول لريلي تري اعرف لابد من البرائه ; )

اعتقد قصدج بالشرشف اول ليليه عشان يبين انها عذراء ؟ هذي عاده قديمه يمكن امي مالحقت عليها راحت واندثرت

 

[A7la-3roosa]

ما قالتلي شي بس تدري اني ادري هههههه
مااتوقع في بنت الحين ما تدري
وانا عرفت من رفيجاتي وبنات خالاتي
وعادي هاذي سنة الحياة مافيها شي اذا عرفتي

 

[Freakya]

ترا يضل مهما الوحدة تحاول تتثقف بهالامور احس بليلة الدخلة بيصير شي ثاني فعادي خل الامور تمشي بشكل طبيعي

 

[Laidy n3ooma]

انا بعد احس امي مابتقول لي

امي وايد تستحي يعني عن الدوره بالزور قالت لي

شلون بهل مواضيع

ع العموم كلنا نعرف شبيصير ومهما حد قالج وقتهااا كلشي بيكون غيييييير اكيد ارتباك وخوف

 

[امـ خــزامـى]

انا الى هاليوم مااتكلم مع امي عن هالمواضيع
لاننا كلنا نستحي

وسالفة الشرشف عند الصعايده بس واتوقع بعد خلاص اندثرت هالعاده

 

[Mamselle]

يوم انخطبت ههههههههه و اسوي نفسي ماعرف شي

 

[&هند&]

انا اذكر امي قالت لي قبل الزواج بيوم عن ليلة الدخله بس احس فهمتني الوضع لان مهما سمعت من البنات هم ولا شي عن وصايا امي لي نبهتني على كذا شغله فديتها وسالفة الشرشف مو عدنا بالكويت هالسالفه

 

[مني يغارون]

وربي صدمتني وحده من البنات مره قالت لي ان عندهم هالعاده للحين يسوونها بوقت الدخله يتجمعون اهل الزوج والزوجه يعني امها وامه وابوها وابوه وعماته وكذا ويجلسون بالصاله وهي تطلع توريهم الدم على شرشف ماصدقتها الا لين حلفت لي بصراحه احراج مررررررره
مومتخيله وحده تسويها !!!!!!!​

 

[أعشقه]

اما عاد شرشف ..
اول شي يكفي الزوج هو الي يعرف هالشي واثبات له بهالشي ..
شرشف ماتو الي يستخدمونه ..
وامي ماقالت لي شي لا لي ولا لختي الي اكبر مني متزوجه قبلي
تستحي بقووه بشكل ماتتوقعوون ..
انا قبل الزواج دخلت دوره تثقيفيه والحمد لله علموني ع كل شي ..
تزوجت يعني وانا فاهمه الامور كلهااا ..
والخوف لا بد منه حتى وانتي عارفه .. لان هالشي جديد عليك ..
بس الحمد لله الامور ماشيه .. وخلفنا وجبنا عيال ولله الحمد

 

[رجفة وهم]

أنا أمي ماقالتلي ولا شيء ياحياتي تستحي مررررررره وحتى أنا ماكنت اتجرأ أناقشها بهالأمور

وألحين صارلي متزوجة سنتين وعندي ولد ولاعمري سولفت معاها بهالمواضيع

كنت أعرف هالسوالف من صديقاتي

أما سالفة الشرشف ماأتوقع أحد يسو يها استغفرالله

وحده كوافيرا سورية أعرفها تقول للحين سالفة الشرشف عندهم ولازم الاهل ياخذون الشرشف عشان يتاكدون

تقول بعض الشباب والبنات مايحبون هالشيء يصير لهم فايحجزون للسفر من العرس على طول للمطار عشان محد يتدخل فيهم

لاحول ولاقوة إلا بالله

 

[(دنيتي)]

يسلمووو ع الموووضوع الحلووو ذكرني بسوالف عرسي وخبصته

انا متزوجه شهر فبراير اللي فات وتزوجت بنفس اليوم مع اختي الصغيره وامي كانت تحاتي اختي اكثر شي

لانها صغيره وراحت معاها الصالون والفندق

ومحد لمح لي شي ولا سالني شي

بس اخت ريلي بعد العرس بجم يوم سالتني خلصتوو ؟ تزوجتو؟

اهم شي لووووول وانا علامات تعجب فوق راسي*

 

[~ بنت الهدى ~]

كل شي عرفته من البناااات ..

امي تستحي حتى اذا بتعلمني .. بالتلميحاااات..
و بشكل عام تتكلم ..و كله تقول بعلمج بس مستحيه هههههه


بس بسوالف الشموع و الرومنسيه و الهدايا و الحفلات و هالسوالف
خبره و كله تعلمني و انا اسوي نفسي قطوه مغمضه اول مره اسمع هالسوالف و اهي تدري اني اعرف بس اسوي نفسي ماعرف ههههههه


بين كل كلمه و الثانيه تقول لي ادري تعرفين كل شي بس لازم الأم تعلم بنتهاا

 

[memo1988]

انا زواجي بعد اسبوعين بس ما اتخيل امي تعلمني لانها تدري اني اعرف
بس تحاتي دورتي تقولي بعطيج حبوب يوقفها لا تصير فيج وقت العرس ههه

 

[مذهلة2013]

فشللله احس انا امي مافتحت وياي الموضوع
بس انا سالتها عن جم شغله بعد الزواج واهيي اعرفت انه من بعد الزواج بجم يوم صرت حرمه رسمي ههههه