متي تبلغين الاهل او الحموله بجنس البيبي

[iLLuMinaTion]

هلا بنات

عندي سؤال يتبادر الي الاذهان

اذا عرفتي جنس المولود وغالبا في الشهر الرابع

تفصحين حق اهلج او حمولتج بجنس المولود بنت والا ولد

والا تحبين تكون مفاجأه

واذا توأم تعلنين للناس


ناطره ردودكم الجميله

 

[جمالي مو صج]

انا عادي من اتأكد من جنس البيبي اقول حق حمولتي ما احب اخش ولا احب اللي يخش

 

[-فلانة-]

انا عرفت اللي فيني من الأسبوع 11 و على طول قلت حق أهلي..
واللي يسأل كنت أقوله عادي شنو فيني..
ما أحب سوالف التخشش :$​

 

[توتا حمرا]

ببنتي من عرفت اللي فيني قلت لأمي وحمولتي ماقلت لهم بس لما سألوني عادي قلت
وباقي الناس ماقلت اللي يخش عني اخش عنه ومحد له حق يعاتب ليش ماقول

 

[ملاك الدهمشي]

انا كنت اقوووول دايماً
والحين حتى الحمل بكبره اخشه

 

[الوردة المكنونة]

انا اقولهم وانا بالمستشفى اول ما اخلص من السونار ادق ابلغ الكل

 

[Katkoota85]

يعني المراه شنو بتييب !!!!
بعد ياولد .. يابنت .. بتييب مخلوق فضائي وتخاف تعلن وتخشه !!
مردها الوحده بتولد والكل يدري تكون صريحه وصادقه من الاول احسن مايضحكون عليها خشت وخشت وبالتالي الكل درا
انا اشوف الموضوع كلش مو مستاهل ينخش بعد يابنت ياولد شاليديد والعجيب بسالفه*

 

[روح الأحزان]

انه من اول ماعرف اقول حق اهلي وحمولتي واي احد يسألني اقوله ماحب اخش مردهم بيدرون

 

[rora_q8]

انا من اول ماعرف شنو فيني اقول

 

[بنت الاحلام]

عادي انا اقول لهم

 

[مناوووي]

انا اول مره حمالي



ماقررت للحين ولابين معاي للحين



اذا بين ان شاءالله اشوف






فيه شي اسمه مفاجأه غير موضوع الخش


هذا شي وهذا شي

 

[مهره بلا خيال]

عزيزتي أنا عن نفسي أول ماعرف أقول لعمتي أم زوجي وأهلي وبس أما زوجي خليتها له مفاجأه المره الأولى وهالمره قالي والله تقولين لي وحلفني فقلت له وأنا صراحه عن نفسي أحب المفاجآت عشان يوم أولد يقولون شجابت ويتشوقون مب يقولون أولدت؟ وبس..

 

[بيبي غيرل]

بالنسبه لنظام اهلنا يخشون ومايعلمون ولا انا والله عادي اقول
لكن نظام عامل الناس بالمثل انا ماراح اقولهم
والله يابنات بتضحكون اذا عرفتوا اني بـ 6 وماعرفت جنس الجنين<< اول انتي شوفي جنسه بعدين فكري تبلغين ولا لا


لكن اذا عرفت ما راح اقول لهم بس بقول حق اهل ريلي اخته وخالتي واهلي اما الاقارب وجذي لا يباا اسلم على عمرك وعاملهم بالمثل

 

[Aloe Vera]

اذا توأم اقول عادي لان احسن اذا خشيت الموضوع و صار مفاجأة فزة القلب تصير اقوى مادري هذا اللي لاحظته من وحدة ماعلمت احد ان فيها توام و لمن ولدت وايد صار خبة عليها و البعض زعل ان ماقالت و صار في حز بالخاطر و سوالف مالها داعي

الجنس اقوله حق الاهل القراب حيل و بعض الاصدقاء

 

[كويتية تكفي مية]

لا ماقول مو لازم احد يعرف ليش العيله لما اولد يعرفون

 

[احلى ديما]

على طول من اعرف اقول يعني شدعوه بييب نوع يديد محد ياب من قبل يا ولد يا بنت لوووول

 

[iLLuMinaTion]

عزيزتي أنا عن نفسي أول ماعرف أقول لعمتي أم زوجي وأهلي وبس أما زوجي خليتها له مفاجأه المره الأولى وهالمره قالي والله تقولين لي وحلفني فقلت له وأنا صراحه عن نفسي أحب المفاجآت عشان يوم أولد يقولون شجابت ويتشوقون مب يقولون أولدت؟ وبس..

يسلموووو

 

[بنت الرحاب]

يالله زمن العولمه نفتقد لعنصر المفاجاه اول لي ولدت المره يقولون شجابت ويتباشرون فيها الحين الوحده من اهي حامل بالرابع يقولولها ياله متي تشرف البنوته لا وهذا اذا مومسميتها بعد اعرف وحده حامل بولد ومسميته يوسف كل من يعرفها ويسلم عليها بالكليه يقول يله متي بيشرف يوسف!! الاعمار بيدالله يمكن مايشرف اخ يوسف الله واعلم بالنسبه لي جنس الجنين شي خاص بيني وبين زوجي واكرهه الناس الي تسال اذت انتي يالام ماتعرفين الا بالرابع الناس شوراها تصبر كلها خمس شهور وياخبر اليووم بفلووس بكره بلاش انا وحده رفيجتي مرت بتجربه قالت لاهلها انها حامل بنت وهذا الي شافته بالسونار ولما ولدت طلع ولد الي قال عنها جذابه والي قال خايفه من العين كلوووها بالحجي والبنت تقوول هذا يزاتي الي معلمتهم وعادتهم اهل

 

[ككوته]

انا عن نفسي ان شاء الله اذا عرفت بقول عشان يساعدوني بتجهيز اغراض البيبي :b

 

[رفيعة الشآآآن]

مادري بس احس الموضوع عادي

مع ان اذكر في ناس خشت علي فماراح ارد عليهم لي سالوني