أحلي مجبوس دجاج بتذوقونه من إيدي...وبطريقة أم نصور...تعالوا أعطيكم المقادير:-دجاجه كامله "دجاج نايف المبرد"-بصله مفرومه-3حبات ثوم مدقوق-نص حبه فلفل بارد نقطعها قطعتين-2فلفل اخضر حار"علوب"نص ليمونه طازجه نقصها نصين-2ملعقه كبيره بهارمشكل"العلبه الخضرا الحديد عليها سفينه وملزقين معاها كتاب طبخ"-عود دارسين-3حبات هيل حب-2مسمار حب-2ورق غار-جوزة الطيب"كل بهارات الحب تلقينهم بكيس مكتوب عليه بهارات برياني مجدي"وحطي بعدحبه حلوه تلقينها بالكيس-رشه هيل ناعم ورشه بهارات مشكله الفارس ودارسين ناعم وفلفل اسودوكمون ناعم ولومي ناعم...الطريقه:-نتبل الدجاج بملح خشن وطحين ربع ساعه وبعدين نغسله ونحطه بمشخال-ونمسحه بخلطه نفس اللي بنحطها بالجدر"شويه بهار مشكل ولومي ناعم وهيل ناعم وكمون وفلفل اسود ودارسين ناعم"طبعا نخلطهم مع بعض بطاسه بعدين نمسح الدجاجه من داخل وبره-نحط بجدر زيت وبصله ونحمس لين يصير البصل البني اكثر من البصل الاصفر نضيف الثوم اول ما تطلع ريحته نحط كل البهارات الناعمه والحب ونخلطهم بالجدر وبعدها نضيف الدجاج ونحمس مع التقليب بعدين نضيف ملح وماي مغلي ويترك 40 دقيقه نكون بهالفتره منقعين العيش"اندياجت...نشيل الدجاج ونرشه وهو حار بهيل ناعم ودارسين ونقليه ونكب العيش لين ينشف الماي نقصر عليه ونخليه عشر دقايق علي نار هاديه وطبعا لاتنسون تحطون فوق العيش ماي ورد منقوع بزعفران..اما الحشو:نسلق النخي وبعدين نحمس البصل عالناشف وكل شوي نرش شويه ماي لين يصير لون البصل بني مشوقر..بعده نحط زيت ورشه بهار مشكل وهيل ناعم ودارسين وفلفل اسود ولومي ناعم ونحمس شويه ونضيف نخي العيش وملح ونقصر علي النار ونخليه شوي..وبعدهااكون حامسه شويه شعريه بمقلاه لين تشقر احط عليها ماي مغلي دقيقه واشخلهاواضيفها اخر شي عالحشو ..وبعدين نحطالحشو فوق العيش علي جنب..وصج مجبوس والله لا يعلي عليه..وبالعافيه..واللي تجربه تقولي شرايها:ggdw:
جورية كويتية
**عضـــوة شـــرف منتديات كويتيات **
- إنضم
- 24 أغسطس 2006
- المشاركات
- 6,751
- مستوى التفاعل
- 0
- النقاط
- 0
- العمر
- 40
nice-girl
New member
الصراحه اليوم انا كنت ناويه اسوي مجبوس دياي
وقريت موضوعج واستفدت منه شي جديد اللي اهو
إضافة شوية شعيرية على الحشو
اليوم ان شاء الله الغدا مجبوس دياي
حيااااااااااااااااااااااااااااكم
وقريت موضوعج واستفدت منه شي جديد اللي اهو
إضافة شوية شعيرية على الحشو
اليوم ان شاء الله الغدا مجبوس دياي
حيااااااااااااااااااااااااااااكم
مشكورين بنات علي ردودكم الحلوه..ومشاركتكم.....والاخت الغاليه غلا فهد أنا يشرفني اكون وحده من خواتج وانشاء الله احنا خوات دنياوحبايب..ولا يطوفج مطبق السمج اللي أسويه ..شوفي مشاركتي وعطيني رايج...وانصحج تجربينه راح يعجبج...واتمني أعرف اكثر عن طباخج..دام إحنا خوات أكيد طباخج حلو..طالعه علي إختج نانا..هاهاها..ترا كاعده أنكت أنا ووجهي..:dddds::dddds::dddds::dddds::dddds::dddds:
