الطريقة حبيباتي:
بنات بحط لكم المكونات ضمن الطريقه
استعملت 3 كلاصات عيش اول شي انقعهم بماي فاتر
والدجاجه نظفتها وغسلتها بملح وليمون
بجدر احط دهن بكميه معقولة
واحط بصلتين كبار مفرومين ناعم واحط 1 فلفل علو مقصوص نصين وا فلفل بارد متوسطه وقطعه 4 ارباع
اول ما تشقر البصل (ما استوت) احط الثوم المدقوق والزنجبيل المفروم (نص راس ثوم وعرق زنجبيل طازج-الزنجبيل يندق)
لما تطلع ريحه الزنجبيل والثوم والبصل يستوي (يسير لونه اشقر غامج مو ينحرق) نغسل الدجاج من الملح ونحطه على البصل ونقصر على الجوله ونقلب لين ماي الدجاج ويطلع مايه ويشربه مرة ثانيه (هذي الخطوة مهمه علشان لا تطلع ريحه الزفرة)
في وقت ما الدجاج يشرب مايه نحط البهارات الصحيحه وهي:
- حبتين لومي تكسرينهم شوي
- 4 حبات مسمار
- ورقتين غار
- شويه فلفل اسود صحيح
- حبتين دارسين
- كفشه شاي كاري مطحون
لما يشرب الدجاج مايه وما يبقى الا الدهن نحط نص علبه معجون طماط
ونقلب لين ما يتغير لون المعجون ويغمج (مو واجد اعتقد دقيقه بس)
وبعدين نحط 3 حبات طماط مقطعين مكعبات صغار
ونحط البهارات المطحونه وهي
- ملعقه طعام بهارات البرياني
- نص ملعقه طعام كركم
- 3 ارباع ملعقه طعام لومي مطحون
- نص ملعقه طعام كمون
- نص ملعقة طعام فلفل اسود
- نص ملعقة طعام مسمار مطحون
- نص ملعقة طعام دارسين مطحون
- نص ملعقة طعام هيل مطحون
(طبعا بنات المقادير اختياريه والهيل اختياري بس هذي طريقتي)
ولما يستوي الطماط (يتسبك) نحط مقدار قبضه ايد من كل من
شبنت مفروم
بقدونس مفروم
كزبرة خضرا مفرومه
(كثروا من الشبنت ___ اكثر كميه)
ونقلب شوي
وبعدين نحط 3 ارباع الجدر ماي مغلي مسبقا
اول شي نطول على الجوله ولما يغلي نقصر على الجوله لين مايستوي الدجاج ونلاقي الدهن طلع فوق الشوربه
لما يستوي نذوق الشوربه ونحط الملح (ملعقه طعام ونص ملح او حسب الذوق)
نشيل الدجاج واذا حسيتي ان الماي واجد على كميه العيش نقصي شوي من الشوربه
وبعدين حطي العيش (علشان تعرفين كميه الماي صح نحط الكفشه الخشبيه بشكل عامودي في العيش بعد ما نقطه اذا وقفت ثانيه وطاحت يعني الماي مضبوط اذا طاحت على طول يعني الماي واجد واذا حسيتس انها انغرست يعني الماي شويه)
نكون منقعين زعفران بماي ورد دافي
واول ما يشرب العيش الماي وقبل ما نقصر على الجوله نرشه على العيش وحط الدجاج من فوق ونسكر الجدر
لين ما يستوي العيش
التزيين
3 بصلات كبار نقطعها جوانح ونقليها
طماطه نقطعها على شكل ورده
نقطع ليمونه على شكل وردة
جزرة وحده نقشرها ونقطعها شرايح وبعدين نقص مثلثات من الجنب علشان تطلع مثل اللي بالصورة
والخيار مثل الجزر
وحبه فلفل اخضر بارد قطعيها طوالي
بس وسلامتكم
واي سؤال جاهزة حبيباتي
وانشاله اذا سويتها بصور لكم الخطوات وانزلها
oster_av1:
